بيتر بهجت (5 ترنيمة )

القرار - جانا م السما جانا
بفرحه جه ملانا .. وسلامه غطانا
وملايكة جاية تغني الأغاني
يسوع مولود عشاني .. يسوع م السما جانا


١- مجوس و رعاة وغنم كتير
عرفوا إن الموضوع خطير
جم بهدايا للملك اللي جانا
مع إنه ابن الله
مافيش في الكون حد في غناه
اختار يعيش أبسط حياة معانا

خدني تاني جوه حضنك وأحس بيك
خدني جنب نبض قلبك و أشوف عينيك
أنسى نفسي ألقى حبك ألقي أصل صورتي عندك
ألقى كل ضعف قوة ما بين إيديك
خدني حط فيَّ روحك و روحي فيك
خدني حط فيَّ فنك وأليق عليك
حط همسة من خيالك حط لمسة من جمالك
حط نسمة حب حية وأعيشها ليك

١- (جاي من بعيد من وسط توهة من وسط حيرة وخوف وآهه
سايب شروري وعتمتي لازم أغير سكتي)٢
القرار - يا إلهي ياللي محبتك قويت عليَّ ورحمتك
فاقت آثامي محت ظلامي خدتني تاني لسكتك
٢- (ضاقت عليَّ سكتي وفضلت أنا مع وحدتي
وفي وسط خوفي هربت حروفي مالقتش غيرك نجدتي)٢
٣- يا يسوع يا صاحبي في غربتي يا ماحي جهلي يا حكمتي
خدني لضيائك لنور بهائك خليني أقوم من رقدتي
ده جديد في إيديك طلبتي وهاسيب قديمي في تربتي
هأقوم معاك أحيا في حماك وتكون حياتي ودنيتي

١- إدتني أمل البداية علمت قلبي البراءة
غافر لي كل الخطايا وبحبك ناسي الإساءة
(يارب خالقني وجابلني وعارف إني تراب
خاين لكنك قابلني ورافع عني العقاب)٢
القرار – (لو ذنوبي تشهد عليَّ خلصني لأجل اسمك
لو ما عاد في رجا فيَّ اضمني عند نفسك)٢
٢- (الخطية في قلبي وفكري وحوليَّ في كل الدنيا
لو تحسب كل تعدي ماكنتش أعيش ولا ثانية)٢

١- عشت وحيد حيران تايه وماليش مكان
شارد مليان بالأحزان وحياتي مالهاش ضمان
لكن جيت ولقيت مكان وفي حضنك كل الأمان
وعندك أنت لقيت سلام وعرفت معنى الغفران
القرار – (جاي لعهد جديد معاك عهد سلامك ورضاك
جاي أعيش لك الحياة أعيشها لمجدك يا الله)٢
٢- لسه في مكان في قلبه ليَّ و ليك كمان
تعال وبكل الإيمان هتنسى الماضي واللي كان
برغم البعد ورغم الخوف برغم عنادك ليه هاتشوف
إنه لسه في قلبه ليك مكان