طَلبتُكَ (13 ترنيمة )

خدني تاني جوه حضنك وأحس بيك
خدني جنب نبض قلبك و أشوف عينيك
أنسى نفسي ألقى حبك ألقي أصل صورتي عندك
ألقى كل ضعف قوة ما بين إيديك
خدني حط فيَّ روحك و روحي فيك
خدني حط فيَّ فنك وأليق عليك
حط همسة من خيالك حط لمسة من جمالك
حط نسمة حب حية وأعيشها ليك

القرار- يا يسوع يا نور ياللي الظلام عندك يدوب ويختفي
ياللي السجين في محضرك ينفك قيده و يتعفي
يا روح يا حياة والموت ده مات حتى المريض بيتشفي
والحزن يهرب والفرح ييجي ويشع نور ما ينطفي


1- صرخة ضياعي وأنا لسه في الأخطار
عمري في إيديك يا راسم المشوار
وانت اللي تقدر تخفي فيك ضعفي
بإيديك وتخلق غير عمري بيك أعمار
2- انت اللي ماسك بإيديك الأيام
وانت اللي فيك تتحقق الأحلام
وانت قوايَ وفيك يدوب عجزي
وتبيد ظلامي و تملا قلبي سلام

1- أنا نني عين ملك الملوك سيدي الإله
أنا لذته وهو أبويا أصل الحياة
القرار- يسوع خلاصي ليه سجودي إكليلي إني أكون عند رجليه
كل كياني ركبة بتسجد تحمد وتدي المجد ليه
2- بحبه جبلني وجعلني ابنه ووصاني أطيعه
وأنا بجحودي أنكرت حبه وكسرت أمره
3- وبرغم ذنبي أنا عندي فرصة أرجع وأتوب
أرفض سقوطي وأهرب لقلبه يمحي الذنوب
4- عارف بإني فقير وأعمى كوم من هموم
بس في يقيني هتديني نعمة وتسندني وأقوم
5- عمانوئيل الله معايا مايفارقنيش
هو الطريق وأنا به باعدي وسط الوحوش
6- هامشي وهابشر أنا كنت أعمى وفتح عيني
تعالوا ودوقوا شوفوا طيبة قلبه وفى ديوني

أنا لست بكاتب أشعار أو حتى بصائغ أفكار
لأترجم عشقي لإلهي ترنيمة حب
أنا ليس لي خبرة في الكلام أو حتى في عزف النغم
بل صوت يصرخ في ضلوعي من عمق القلب
يدفعني لأرفع تمجيدي كي يصل لأذنه تغريدي
فذبائحي كلها مرفوعة لمسيحي الرب
يقبلها ويرسل رحمته يعلن عن عمق محبته
ويغسل قلبي بدمائه ماحيًا الذنب
أشتهي أن أسكن هيكلك أمتلي ببهاك وحكمتك
يرتاح القلب في أنوارك ويشيد بحب
فيغني المجد لعظمتك لجلال وقدرة قوتك
ولا يتعب أبدًا ويسبح وبصوت عذب
المجد لرب الأكوان من لا يخلو منه مكان
فحضوره يملأ أجوائي ويحيي القلب
يرفعني لمجد السماوات ويسكنني الأبديات
أنحني أمامك وأسجد يا إله الحب

لما وضعت الحد للبحر اللي كان هيدي لعنة ويمحي اسمي ويمحيني
لما رسمت أساسات الأرض وبصمت خطاك همست لي وقلت لي
طوبى للي يسهر كل يوم عند أبوابك وكلامك يبقى في قلبه ويعيش بيه
يتغير وينور ويغير طرقه وكلامه ودنيته وخطط حياته تتقدس ويبقى ليك
لما العدو القتال اللي من البدء كارهني جدًّا لأني صورتك ولذتك
لما يحاول يملا وداني بأكاذيبه ويقول لي إن أنا مش موضوع محبتك
أنا هاملا قلبي وفمي من التمجيد اللي بيرسم بسمة على وشك ويوصل حبي ليك
وما دمت إنت الحياة وإنت قيامتي ونصرتي أنا مش هاشمت عدوتي وارحمني بيك
إنت قدوس عالي ومجيد وإله فريد ساكن في النور وفي قربه عيد أنا باعبدك
المجد ليك يا رئيس الكهنة راعيَّ الصالح أنا بشكرك من أجل خلاصك ورحمتك
قدوس قدوس قدوس إنت الذبيحة والكاهن اللي قدم جسده وفدانا على الصليب
كل الخليقة هتفرح وترنم ترنيمة موسى والخروف وتشوف بهاك
وتغني ليك .. وتهلل ليك .. وتسبح ليك يا يسوع

1- ياللي حبيتني وعشاني جيت وعليَّ ناديت وأنا في العبودية
وصبرت عليَّ واتحملت قساوة قلبي سنين طويلة
القرار- حبيتني ليه .. كان في إيه
ده انا كلي خطية و شهوة ردية
2- بس أنت رضيت تيجي وتسكن فيَّ ياللي حبيتني
ولقيتك في عينيك نعمة تكفي وتمحي آثامي
وايديك ترعاني وحنانك ليَّ هو عزايَّ في طول أيامي
3- ياللي حبيتني وأنا لما باكون وحيد في الكون تبقى إنت معايا
تيجي تعزيني وفي نورك أصيب وكلامك يصبح كل رجايَّ
4- ياللي حبيتني ولا شيء في الدنيا هيقدر يوم يفصلني عنك
يا يسوع حبيتني ولا موت ولا جوع ولا أي دموع هتاخدني منك
ياللي حبيتني عند رجليك أنا باسكب طيبي وأسجد لك ربي
5- يا يسوع حبيتني العمر ده ليك وأنا خاضع ليك وباسلم قلبي

1- رميت حملي عليك وشكيت مني إليك
لقيتك قابلني ودموعي في عينيك
ولقيت عندك أمان ولقيتك منك حنان
لقيتك شايلني وفي حبك ضمان

القرار- مانت في قلبي كبير وفي حبك ليَّ خير
وفي حضنك دفــا بيكفي المسير

2- يتوه بيَّ الطريق ويموت في البريق
وأما أصرخ لقلبك ألاقيك أوفى صديق
وتملاني الشرور والدنيا بيَّ تدور
وأما أجري لحضنك بتملا الضلمة نور

الرب جالس في السما كل الملايكة يسبحوه
عادل وشايف كل البشر شايف ابن آدم بيهين في أخوه
شايف اللي حقه انهضم سامع صراخ اللي ينادوه
وفيه رجاء للي مالوش وكل مظلوم هاكون أبوه
أنا الرجاء للي مالوش أي رجاء
وأنا المعين وخلاصي ولادي هايشوفوه
قال للذليل رجاؤه عندي وذله لازم ينتهي
قال للكسير أنا الشفا هاتلاقي في ما تشتهي
وقال صاحب الاحتياج تسديد حاجاتك فرحتي
عشان يتم خلاص ولادي هابعت مسيحي كلمتي

مأرب كلامك قاري الحتة اللي ما بين سطوره
مكشوف أمامك ولا يغفى عنك زيفي وفتوري
خبط بإيدك على قلبي هافتح
تدخل وتسكن وتدير أموري

راحتي هاتبدأ وقت الرجوع لما آجي وأسجد عند رجليك
وقت أما أشوف الدم نازل يشفي يطهر يغرسني فيك
مقري بكلامك مكشوف أمامك والفضل ليك
روحي بتجري والنفس تعند راكبة الجسد تبعد عليك
يا قايم وغالب عند الصليب أنا باعبدك
يا رب ارحم قلبي اللي راجع بيحمدك
ويعود ويرجع يرفع ذبايحه ويكرمك
يشهد بإنك وحدك أبويا و هاكرمك
وحدك أبويا وأنا هاخدمك
اعند معايا واكشف خبايا نفسي وأرجع أتخبى فيك
خبط بإيدك على قلبي وأنشد أغاني حبك رجعني فيك
وحدك عارفني زي الفخار أنا بين إيديك
عُد وانتشلني فهمني إني ماليش قيامة غير بس بيك

طلبتك من عمق قلبي يا ربي يسوع أعني
حل عني رباطات الخطية يا ربي يسوع المسيح أعني
الله عمانوئيل الطعام الحقيقي شجرة الحياة العاتي مات الموت
تجمعي في يا كل حواسي لأسبح وأمجد ربي يسوع
ألوف ألوف وربوات ربوات تسبحونك يا ربي يسوع
كل من يقول يا ربي يسوع كمن بيديه سيف يصرع العدو
أنت تعرف أفكاري وتفحص كليتي يا ربي يسوع أعني
قلبًا طاهرًا اخلقه فيَّ يا ربي يسوع المسيح أعني
يسوع هو ربي يسوع هو إلهي يسوع هو رجاء كل المسيحيين
هذا هو الحجر الكثير الثمن الذي باع التاجر كل ما له واشتراه
اترك لنا أيضًا الآن هذا الحجر ليضيء علينا في إنساننا الداخلي
في القليل القليل بارك كي نمجد اسمك يا ربي يسوع
روحك القدوس لا تنزعه مني يا ربي يسوع أعني
أمل سمعك إلي واستجب لي عاجلًا يا ربي يسوع المسيح أعني
زينة نفوسنا وفرح قلوبنا واسمك القدوس يا ربي يسوع
تغيب الشمس والقمر في زمانهما وأنت هو أنت وسنوك لن تفنى

في البدء كانت كلمته
في البدء كانت دعوته للكل
في قلوب كتيرة حبته تبعته
وقلوب عبدت سواه
والدعوة تتجدد والأمر يتشدد
لجماعة مؤمنين للكنيسة
تنفض غبار العبادة لغير شخصه
تكسر قيود السجود لغير اسمه

1- اللي على صخرة من الإيمان بانيكِ
لم الولاد في حضنك رجع لك بنيكِ
ورجعك شلتِ بناتك فوق إيديكِ بصي بعينيكِ
الأرض بيغطيها ضلمة وانت مجد بيغطيكِ
ونور إلهك م السما أشرق عليكِ
قومي استنيري قومي استنيري نورك جه قومي استنيري
مش نور وجاي م الشمس أو جاي م القمر
ده نور إلهك نور أبدي ربك أمر

جوه الظلام هتنوري وهَتثمري و هَتكتري
القرار- مجده يُرى عليكِ يا كنيسة المسيح
ناس نوحوا هيفرحوا وبالتسبيح هَتبشري
تعالي يا كل الأمم في نورها صيري
قومي استنيري نورك جه قومي استنيري
2- زينتك إلهك والجمال دايمًا ماليكِ
وغير إلهك في الوجود أبدًا ما ليكِ
ما بيتشغلش عنك شاغل نفسه بيكِ
بصي بعينيك
حارسك ومش ممكن يضرك أي حد أو يأذيكِ
حتى الجحيم أبوابه ما تقواش عليكِ