جورج موريس (3 ترنيمة )

1-(عند الصليب راحت عينيَّ وشوفت ربي وسط الآلام
حمل وديع مافهوش خطية زي الحمامة في السلام)2
القرار –(أحزاني شالها أوجاعي احتملها وخلّى خلاصي اكتمل
صليبه ليَّ تاج ولغيره أنا مش هاحتاج وفي المسيح شوفت الأمل)2
2-(عند الصليب حب أسرني مش قادر أقول فيه أوصاف
يسوع دفع التمن عني على شوكة الموت إداني إنصاف)2
3-(عند الصليب دُقت الأمان ما خلاص كسر فخ الصياد
ومسيحي بقى ليَّأمان وفتح ليَّ باب الأعياد)2

القرار – (وريني المجد اللي شافه موسى أيام زمان
قربني منك شدّني أنا قلبي ليك عطشان)2

1- (ارويني من نبعك وعيد تشكيلي من تاني
تندهلي و أسمعلك صوتك يدوّي في كياني)2
2- (المسني بحضورك افتح عينيَّ عليك
امشي ورا نورك وتتعلق روحي بيك)2
3- (و أَرمِم مذبحي وأكون غصن في كرمة
أثبت ولا أجري لعالم مَيَّتُه مُرة)2

1- (جايلك وأنا قلبي فايض بكلام تسبيح
وحُبك غطَّى حُبي وحمايتي في المسيح)2

القرار – (أنا غالي وغالي فيك وفي الصليب أنا مش رخيص
لما يسوع أنا صرت ليك دوست بقوة على إبليس)2

2- (و في كل ظروف حياتي سندي و مرشدي
ولما أضعف ألاقي حنانك صخرتي)2
3- (وسنين عمري اللي جاية مضمونة يا رب فيك
هاعيش رافض الخطية بقداسة أنا هاشهد ليك)2