نتائج البحث (12744 ترنيمة)

1-أنت الشفا للي أنجرح بجروح زمان...أنت الرجاء وأنا قلبي فيك لقى الحنان
أنت تعوض يا غني وتدي الأمان...تلمس حياتي كلها وأنسى اللي كان
القرار - أنت حبيبي وسَيدي يا أبرع جمال...أنت إلهي وكلمتك فوق المحال
أنت نشيدي وغنوتي وليك السجود...خلاصي أنت ونصرتي ورب الوعود
2-أرجع إليك تبنيني من بعد الخراب ... وعشانك أرمي الغالي كله على التراب
ما أنا عايزك أنت تبقى تبري وفضتي ... ورضاك ده يبقى سؤل قلبي وطلبتي
3-الوعد حي في كلمتك ولا عمره مات...وإسحاق هاييجي حتى لو الوقت فات
وزي ما النجوم بتملى السماوات...أنت تباركني وأتملي بالتعزيات
4-أنا مش هاخاف من أي كلمة إبليس يقولها...وأي كلمة عليَّ هي عليك تاخدها
دي عينك أنت عليَّ أنا في كل يوم ... هتحامي عني ورحمتك ليَّ تدوم

القرار – (يا غني في النعمة ... يا غني في الرحمة
حبك نجانا ... حبك فرحنا)2
1-)أب على ولادك ... حنّان ورؤوف
تدينا سلامك ... وتشيل الخوف)2
تمحي الذنوب... عشان المحبوب
اللي مات عنّا ... وذُبح كخروف
2-)أنت بتدينا ... بحسب غناك
وإحنا يا هنانا ... بحياتنا معاك)2
ياللي ما بخلت ... ولا اتأخرت
ترسل لنا ابنك ... من أعلى سماك
3-لا حفظنا أمانة ... ولا صُنا عهود
مع إننا ياما ... أدينا وعود
جايين نصالحك ... طالبين مراحمك
املانا بروحك ... فيض فينا وسود

القرار - صالح ... صالح وأمين
صالح ... وبطول السنين
صالح ... وفي قلبي يقين

1- (ايه ينفع نقول ... قدام احساناتك؟
ده الكلام يطول ... ومانوَفيش جلالك
فاق كل العقول ... فِداك الثمين)2
2- (وبرأيك تهدينا ... كل ما نيجي نتوه
انت البر ليك ... لينا خزي الوجوه
و ماسكنا فى إيديك ... من إيدنا اليمين)2
3- (ونعدّي في تجارب ... وف نار الأتون
وعشان انت رحيم ... وعشان انت حنون
بتهَونها علينا ... وبتقدر تعين)2
4- ( ليك كل السجود ... ليك كل الكرامة
نحيا في طاعة ليك ... ونعيش باستقامة
نبقى شهادة ليك ... ونبقى منورين)2

1- (أنا راجع أخد مكاني ... جوه صفوف المسيح
دا بقالي وقت غايب ... بعيد وحدي وجريح)2
(تارِك ديار نِواحي ... راجع شايل سلاحي
رافع رايتك حبيبي ... بالحمد والتسبيح)2
بالحمد والتسبيح
2-(أنا جاي أدخل معاك ... في جو المعركه
وأنهـي كل ارتباك ... بيرجعني لـورا)2
(وعشان طول المسيرة... هأتزود بالذخيرة
سلطانك المُعطى لينا ... والكلمة والصلاة)2
والكلمة والصلاة
3-(الحرب لسه دايرة ... والنصرة ديَّ معاك
وأراضي باقية لينا ... وعلينا الإمتلاك)2
(إبليس ليه رجل فيها ... بخراب وبموت ماليها
جايين بندوس عليها ... وبنخطف م الهلاك)2
وبنخطف م الهلاك
4-) يا يسوع افتح عينينا ... على حقك ندركه
ده يا بخت كل واحد ... في عملك تشركه)2
(وبقوة القيـامـة ... مرفوعة كل هـامـة
مجدك يكون علينا ... والوعد نملكه)2
والوعد نملكه

1- مش في بالى أى وصف ... للسما وللأبدية
لكن عندي شيء أكيد ... إن فيها يسوع فاديَّ
والأموات في المسيح ... والأحياء الباقيين
هيقابلوه على السحاب ... ويبقوا معاه في كل حين

القرار – (يا طوباك يا طوباك ... راح تسكن مع يسوع
يا طوباك يا طوباك ... لا ألم ولا دموع)2

2- طوبى ليك ياللي دخلت ... في التجربة وأحتملت
ليك إكليل الحياة ... علشان أنت نجحت
واللي عينه ع القطيع ... واللي قلبه ع الرعية
راح ينال إكليل المجد ... ع التعب وع التضحية

3- إكليل البر يكون ... للي صارع واللي جاهد
للي كمّل في السباق ... رغم كل صعب عاند
ونقول ترنيمة جديدة ... لإلهنا وفادينا
والفرحة ماتنتهيش ... والغالي قصاد عنينا

١- تك تك تك بتدق الساعة
تحسب وقتي إزاي بيفوت
وإن ما قضيته في حاجة مفيدة
يبقى حسابي مش مظبوط

القرار- وقتي ثمين وده ملك الرب
وعايز حكمة إزاي أقضيه
كل دقيقة في عمري أمانة
ولازم أصونها عشان أرضيه

٢- تك تك تك بتدق الساعة
وتحذرني أوعى تنام
دي الأيام شريرة قصيرة
فيها الوقت بيجري قوام

٣- تك تك تك بتدق الساعة
لكل شيء وقته بميعاد
وقت اللعب ووقت الراحة
ووقت الشغل باجتهاد

٤- تك تك تك بتدق الساعة
ده يسوع عالأبواب
فرصة عمري اللي باضيعها
لازم أدي عنها حساب

القرار- حتى لو كنت صغير
ومش عارف أصليلك
هاغمض عيني وهاشوفك
وعن يومي هاحكيلك

١- هاحكيلك عن بابا وماما
وإخواتي والجيران
وأحكيلك عن أصحابي
وأشكرك على لعبي كمان

٢- هاحكي عن اللي مضايقني
وإني باخاف من الأحلام
وأطلب منك تفضل جنبي
وإنك تديني سلام

٣- أنا عارف إنك سامع
وبتديني الاهتمام
وبتخلي بالك مني
ومعايا كل الأيام