في الأجازة (13 ترنيمة )

١- تك تك تك بتدق الساعة
تحسب وقتي إزاي بيفوت
وإن ما قضيته في حاجة مفيدة
يبقى حسابي مش مظبوط

القرار- وقتي ثمين وده ملك الرب
وعايز حكمة إزاي أقضيه
كل دقيقة في عمري أمانة
ولازم أصونها عشان أرضيه

٢- تك تك تك بتدق الساعة
وتحذرني أوعى تنام
دي الأيام شريرة قصيرة
فيها الوقت بيجري قوام

٣- تك تك تك بتدق الساعة
لكل شيء وقته بميعاد
وقت اللعب ووقت الراحة
ووقت الشغل باجتهاد

٤- تك تك تك بتدق الساعة
ده يسوع عالأبواب
فرصة عمري اللي باضيعها
لازم أدي عنها حساب

القرار- حتى لو كنت صغير
ومش عارف أصليلك
هاغمض عيني وهاشوفك
وعن يومي هاحكيلك

١- هاحكيلك عن بابا وماما
وإخواتي والجيران
وأحكيلك عن أصحابي
وأشكرك على لعبي كمان

٢- هاحكي عن اللي مضايقني
وإني باخاف من الأحلام
وأطلب منك تفضل جنبي
وإنك تديني سلام

٣- أنا عارف إنك سامع
وبتديني الاهتمام
وبتخلي بالك مني
ومعايا كل الأيام

المنبه رن الصبح على ميعاد المدرسة
ودي تبقى حاجة أكيد مش كويسة
لكني افتكرت حاجة مهمة خالص
قبل ما أغسل وجهي هابتسم
صباح الخير يا بابا يا ماما
يا أحلى عيلة
صباح الخير يا مصر
يا بلادي الجميلة
الابتسامة خلت يومي أحلى
علشان كدة هافضل ابتسم
الابتسامة أجمل علامة
تترسم على وشي طول اليوم
هدية من ربي لما أدانا
سلام في قلوبنا على طول يدوم
لحارس عمارتنا الأمين أنا هابتسم
ولما أقابل واحد مسكين أنا هابتسم
لأصحابي وللمدرسين أنا هابتسم
علشان الابتسامة خلت يومي أحلى
شكراً ليك يارب على اليوم الجميل
شكراً على كل عطاياك قليل أو كتير
شكراً على الصليب وعلى حبك
علشان كدة هافضل ابتسم
الابتسامة أجمل علامة
تترسم على وجهي طول اليوم
هدية من ربي لما أدانا
سلام في قلوبنا على طول يدوم

أنا مخلوق على صورة الله
لو فتشت هالاقي حاجات كتير
تعمل مني بطل كبير
إحنا ملناش مثيل أيوه
إنت ملكش مثيل
علشان إنت مخلوق على صورة الله
لو فتشت هاتلاقي حاجات كتير
تعمل منك بطل كبير
يوسف مخلوق على صورة الله
هنا مخلوقة على صورة الله
لو فتشتوا هاتلاقوا حاجات كتير
تعمل منك بطل كبير
إحنا مخلوقين على صورة الله
لو فتشنا هانلاقي حاجات كتير
تعمل مننا أبطال كتير

القرار- ربنا كان ليه هدف لما خلقنا مختلفين
كان أسهله شكل واحد ‏لكنه عايزنا متميزين
‏افرح لأنك مختلف وجودك ليه هدف
‏ما تفتكرش إنك شبه كل الناس التانيين

‏١- فيه ناس شعرها مجعد وناس شعرها حرير
‏وعيون في منها زرقا و منها سواد الليل
‏واللي بشرته سمرا ‏واللي بشرته بيضا
‏واللي صوته ناعم وغيره عامل زيطة

٢- الفاكهة والخضار ليهم أشكال كتير
فيه منها الصغير ومنها الكبير
مش كل الفاكهة حلوة ولا ليها نفس اللون
ولا كل خضار بناكله بيكون شكل الليمون

وأنا بالعب كورة في بيتنا زي كل يوم
شوطت شوطة من بتاعة النجوم
الكورة وقعت الشماعة والهدوم
وجت في صورة فرح بابا وماما
يا ترى هاعمل إيه لما ماما هاتيجي
أقولها الحقيقة وزي ما تيجي تيجي
ولا أقولها إن القط بتاعنا اتجنن
وقلب الدنيا ووقع الصورة واتفنن
قول الحق حتى لو كنت هاتتعاقب
قول الحق حتى لو اتحرمت من حاجة حلوة
قول الحق عشان يسوع بيحب الحق
وكل كلامه كان دايماً حق
أعز صاحب عندي في المدرسة
قلي تعال نروح في حتة كويسة
ولو تأخرنا قلهم كان عندي درس
وهي كدبة بيضا وأكيد ما تتحسبش
يا ترى أروح معاه ولا أستأذن بابا
وأكدب الكدبة البيضا وأقول خلاص هاتعدي
ولو ما رضيش صاحبي هايزعل مني
وهايقعد فترة كبيرة أكيد مش هايكلمني
قول الحق حتى لو خسرت أعز صاحب
قول الحق الحق دايماً هايخليك مرتاح
قول الحق عشان الكدب ما فيهوش ألوان
قول الحق قول الحق