ريمون شوقي (11 ترنيمة )

1-(اللي انت ماسك بإيديه ده ما يتخافش عليه
واللي انت مسيِّج حواليه ده ما يتخافش عليه)2

القرار- [(انت معاه ولو مين عليه ويحاربه ولا يقوى عليه)2
وتجازي الأشرار تخجلهم ويشوف المجازاة بعينيه]2

2- (اللي بقلبه مايمِلش عنك راح تحسن إليه
ويستنى حُكمك وعدلك وبتشرق عليه)2
3- (شعبك راجع ليك من تاني وبيقول لك ربي
أنا باكسر قيدي وأوثاني بافتح لك قلبي)2

1-)قوم غني وقول ... قول الكلام الحلو
قول الرب صالح ... قول الرب حلو)2
في قلبه كل صلاح... مراحمه كل صباح
هايفضل ربي حلو ... حتى في الأتراح
قوم غني وقول ... قول الكلام الحلو
القرار – (الرب صالح وللأبد رحمته
الرب صالح زي ما بتقول كلمته)2
(الرب صالح)2 وقلبى دايق محبته
2-)قوم غني وقول ... قول يلا الوعد جاي
قول الله أمين... قول الرب حي)2
قول إنه وعد وقادر ... مهما إبليس يعاير
مهما خدني في دواير... هاطلع وأشوف الضي
قوم غني وقول... قول أن الوعد جاي
3-(قوم غني وقول ... أبويا بأيدي ماسك
في البحر شق طريق ... وأرتعدت ممالك)2
وإن كانوا خمس خبزات ... أشبعوا الألافات
أنا في سلام هأبات ... وأنا واثق إنه هيبارك
قوم غني وقول... أبويا بأيدي ماسك

1-( لما يملا الحق عيني... بالقى روحي باختلِف
بالقى نوره شق ليلي... بالقى ضلمة بتتكشف)2
بالقى نوره شق ليلي... بالقى ضلمة بتتكشف
(وألقى قومة بعد نومة... وفيَّ توبة وباعترف
وعايز أرجع منه أشبع... بعد ما الواحد نِشف)2
2- (نفسي تبقى الكلمة عندي...زي غنيمة وجدتها
فـرحـــة تمـلا كـل قلبـي... لمـا آكــــل مـنـهـا)2
فـرحـــة تمـلا كـل قلبـي... لمـا آكــــل مـنـهـا
(أيوة أبقـى باشتـهيـها ... وباجـري ليـها ولذّتــي
تمحي جهلي وتبقى لهجي... وترنيماتي في غربتي)2

1- مش في بالى أى وصف ... للسما وللأبدية
لكن عندي شيء أكيد ... إن فيها يسوع فاديَّ
والأموات في المسيح ... والأحياء الباقيين
هيقابلوه على السحاب ... ويبقوا معاه في كل حين

القرار – (يا طوباك يا طوباك ... راح تسكن مع يسوع
يا طوباك يا طوباك ... لا ألم ولا دموع)2

2- طوبى ليك ياللي دخلت ... في التجربة وأحتملت
ليك إكليل الحياة ... علشان أنت نجحت
واللي عينه ع القطيع ... واللي قلبه ع الرعية
راح ينال إكليل المجد ... ع التعب وع التضحية

3- إكليل البر يكون ... للي صارع واللي جاهد
للي كمّل في السباق ... رغم كل صعب عاند
ونقول ترنيمة جديدة ... لإلهنا وفادينا
والفرحة ماتنتهيش ... والغالي قصاد عنينا

القرار – (أنا عايز أكون ... في مشيئتك على طول
وقت الدنيا نور ... ووقت الليل ما يطول)2
1- (أنا يمكن مش فاهم ... وما عنديش إجابات
لكن انت الملجأ ... والعون في الضيقات)2
2- (بكرة ده مش هايغيَّر ... في اللي أمانته سنين
تفضل خلِّي حبيبي ... وتفضل ليَّ أمين)2
3- (انت اللي تنجيني ... من فخ الصياد
وترفع عينيَّ ... على كم الحصاد)2

1-أنت الشفا للي أنجرح بجروح زمان...أنت الرجاء وأنا قلبي فيك لقى الحنان
أنت تعوض يا غني وتدي الأمان...تلمس حياتي كلها وأنسى اللي كان
القرار - أنت حبيبي وسَيدي يا أبرع جمال...أنت إلهي وكلمتك فوق المحال
أنت نشيدي وغنوتي وليك السجود...خلاصي أنت ونصرتي ورب الوعود
2-أرجع إليك تبنيني من بعد الخراب ... وعشانك أرمي الغالي كله على التراب
ما أنا عايزك أنت تبقى تبري وفضتي ... ورضاك ده يبقى سؤل قلبي وطلبتي
3-الوعد حي في كلمتك ولا عمره مات...وإسحاق هاييجي حتى لو الوقت فات
وزي ما النجوم بتملى السماوات...أنت تباركني وأتملي بالتعزيات
4-أنا مش هاخاف من أي كلمة إبليس يقولها...وأي كلمة عليَّ هي عليك تاخدها
دي عينك أنت عليَّ أنا في كل يوم ... هتحامي عني ورحمتك ليَّ تدوم

1-) بتعود وبتحييني ... وكأم تعزيني
ومن نعمك تسقيني ... وتبقى عليَّ كريم
يكتر ليك تسبيحي ... وأفرح بيك يا مسيحي
تأخد كل مديحي ... كل غناء وترنيم)2
القرار - وأنا باشكرك ع الحب ده ... أنا ماستهلش العطف ده
بقى يطلع مني كل ده ... وألقاك رحيم
لما تقابلني بنعمتك ... وتنادي عليَّ في كلمتك
تدوّب قلبي محبتك ... يا إله عظيم
2- (في حبك العجيب ... تختار موت الصليب
مع إنه كان رهيب ... ومين يتحمله
بقيت مصلوب عشاني ... وكان مفروض ده مكاني
مسحوق علشان آثامي ... وعقابي بتحمله)2
3-) أنت إله خلاصي ... يا ملجأي ومناصي
دايماً ترفع راسي ... وتعلّي المسكين
وف أيام الجوع ... أنا شبعان مرفوع
سلامي مش موضوع ... إلا فيك يا أمين)2

1- (أنا راجع أخد مكاني ... جوه صفوف المسيح
دا بقالي وقت غايب ... بعيد وحدي وجريح)2
(تارِك ديار نِواحي ... راجع شايل سلاحي
رافع رايتك حبيبي ... بالحمد والتسبيح)2
بالحمد والتسبيح
2-(أنا جاي أدخل معاك ... في جو المعركه
وأنهـي كل ارتباك ... بيرجعني لـورا)2
(وعشان طول المسيرة... هأتزود بالذخيرة
سلطانك المُعطى لينا ... والكلمة والصلاة)2
والكلمة والصلاة
3-(الحرب لسه دايرة ... والنصرة ديَّ معاك
وأراضي باقية لينا ... وعلينا الإمتلاك)2
(إبليس ليه رجل فيها ... بخراب وبموت ماليها
جايين بندوس عليها ... وبنخطف م الهلاك)2
وبنخطف م الهلاك
4-) يا يسوع افتح عينينا ... على حقك ندركه
ده يا بخت كل واحد ... في عملك تشركه)2
(وبقوة القيـامـة ... مرفوعة كل هـامـة
مجدك يكون علينا ... والوعد نملكه)2
والوعد نملكه

هاسبحه ما دُمت أنا حي ... هارنم طول ما أنا موجود
ما تتكلوش على الرؤساء ... ولا ابن آدم المحدود
(ده يا بخت اللي إله يعقوب معينه ... ورجاؤه هو عليه
دي السماوات والأرض ... والبحر صنع إيديه)2
المُجري حُكم للمظلومين ... المُعطي خبز للمحتاجين
مقوّم كل المنحنين ... مقوّم كل المنحنين

القرار - صالح ... صالح وأمين
صالح ... وبطول السنين
صالح ... وفي قلبي يقين

1- (ايه ينفع نقول ... قدام احساناتك؟
ده الكلام يطول ... ومانوَفيش جلالك
فاق كل العقول ... فِداك الثمين)2
2- (وبرأيك تهدينا ... كل ما نيجي نتوه
انت البر ليك ... لينا خزي الوجوه
و ماسكنا فى إيديك ... من إيدنا اليمين)2
3- (ونعدّي في تجارب ... وف نار الأتون
وعشان انت رحيم ... وعشان انت حنون
بتهَونها علينا ... وبتقدر تعين)2
4- ( ليك كل السجود ... ليك كل الكرامة
نحيا في طاعة ليك ... ونعيش باستقامة
نبقى شهادة ليك ... ونبقى منورين)2