مرنم صموئيل فاروق (39 ترنيمة )

١- (أحبك معنى كل وجود
أحبك والكلام محدود)٢
وحبك عدى كل سدود
(حبيبي يا يسوع البار)٢

٢- (أحبك تنتهي الآلمات
أحبك تبتدي النغمات)٢
وحبك حب للنهايات
(حبيبي يا يسوع البار)٢

٣- (أحبك رب للإنسان
وأحبك راحة للحيران)٢
وحبك راية للإيمان
(حبيبي يا يسوع البار)٢

٤- (أحبك فوق صليب العار
وأحبك من لهيب النار)٢
وحبك حب من الاسرار
(حبيبي يا يسوع البار)٢

٥- (أحبك القساوة تذوب
‏وأحبك ترفع المغلوب)٢
وحبك خلى قلبي يدوب
(حبيبي يا يسوع البار)٢

٦- (أحبك إنت أوفى صديق
أحبك حتى لو في الضيق)٢
وحبك ليَّ أعظم شيء
(حبيبي يا يسوع البار)٢

١- (قلت عليك إن أنت ناسيني ولا بتدافع ولا تحميني
ولا بيهمك إيه يفرحني ولا بيهمك إيه يبكيني)٢
(لقيتك راسم صورة لخطة ماهيش محصورة)٢
في ضعفي وجهلي وفكري البشري وقدراتي المحدودة
(ولقيتك أب في وقت الحاجة تجري تمد الإيد
ونبص بنظرتنا المحدودة وأنت تشوف لبعيد)٢

٢- (قلت الناس مساكين وغلابة وأنت بعيد والدنيا دي غابة
والإيمان والصورة الحلوة لرعايتك شعارات كدابة)٢
(لقيت قلبك مليان إحساس وبتتألم لآلام الناس)٢
وعايش في همومنا ومشاكلنا وفي قلب الأحداث
ولقيتك لما الجوع بيشد تبعت خبزي مع الطير
أتذمر وأنت تكون بتعد وترتب ليَّ الخير

٣- (قلت عليك ما بتسمعنيش أنده ياما عليك ما تجيش
قلت إن أنت خلقت الناس وسايبنا نعيش زي ما بنعيش)٢
(لقيت في الشك غباء وسذاجة ساعات أحلامنا تكون محتاجة)٢
الشكر مع الإيمان والصبر ودموع الصلاة بلجاجة
(ولقيت الصلاة والصبر معاك مجهود مش بيضيع
واللي يجيلك عشمان يلقاك رب بصير وسميع)٢

٤- (قلت إن أنت بعيد في سماك وعينيَّ ماهياش شايفاك
وأعمل إيه علشان أوصلك وأعمل إيه علشان ألقاك)٢
(لقيتك جيت في صورة إنسان وعشت في نفس ظروفي كمان)٢
واتقال عنك رجل الأوجاع ومختبر الأحزان
(سامحني في دم بصليبك آسف أسأت الفهم في يوم
وفي ثورة غضبي وقلبي الخايف وجهت لك لوم)٢

١- (تحتار وتفكر تعلالي أنا عندي حلول
اترك مشكلتك قولهالي أنا بيك مشغول)٢
(هاقدر ع البحر بهيجانه والعدو يسكت جواه لسانه)٢
تخطيطي هايظهر في أوانه وأنا المسؤول

٢- (لو حتى إخواتك وصحابك في الشدة سابوك
وما حدش خبّط على بابك أنا برضه أبوك)٢
(هاعرف أكفّيك وأرتبها تتفاجئ قوي من ترتيبها)٢
أصل أنا بالتوقيت باحسبها ما أنتاش متروك

٣- (سيب المستقبل ده عليَّ هاملاه أناشيد
أوعى تنسى إنك ليك فيَّ كل المواعيد)٢
(أنا حاطط إيدي على حياتك عارف داري باحتياجاتك)٢
بس اظبط على وقتي أوقاتك فرحك هايزيد

القرار- (جايلك ربي أتعلم أصلي
وأخد راحتي معاك أنا وأحكي)٢
جاي أفضفض باللي شاغلني
تمسح دمعي وتشيل عني

١- (وحدك فاهم حتى سكاتي
والروح فيَّ يعين ضعفاتي)٢
يشفع ويترجم أناتي
وأرجع أسجد لك في صلاتي
٢- (بابك دايماً مفتوح ليَّ
باجري عليه أنا كل شوية)٢
تمسك إيدي في البرية
تسندني بوعود إلهية
٣- (وسط آلامي تهمس ليَّ
بتعلمني وتعمل فيَّ)٢
تدي معونة ونعمة غنية
أصل أنت عشتها قبليَّ

(ضعف إيمانك خلاك تحتاج وما تلجأليش
لو فاكر إني هاسيبك يبقى ما تعرفنيش)٢
(أنا مش إنسان يوم تلقاني ويوم ما تلاقينيش)٢
(أنا موجود دايماً حتى لو إنت ما بتشوفنيش)٢
(اديتك كلمة وكلماتي ما بابدلهاش
يجي وقت مناسب وأنا تلقاني ما باستناش)٢
(أنا مش إنسان أوعد بوعود وما نفذهاش)٢
(إنت بتنسى بحكم طبيعتك لكن أنا ما أنساش)٢

١- (كل يوم عينك عليَّ طول الرحلة وفي المشوار
متطمن أنا مش وحديَّ أنت معايا ليل ونهار)٢
القرار- (أنا ماليش غيرك أحضانك أجري عليهم وأتخبى
من زيك تاني في حنانك مليان رحمة ومحبة)٢

٢- (اللي مطمن قلبي وجودك واللي مفرحني وغانيني
فارد ضهري بنبض وعودك مرفوعة على شخصك عيني)٢
٣- (أنا متميز بس بسيرك وماليش أي سنيد في حياتي
أنا ما أستاهل أبقى سفيرك وأعيش وأنت مدير خطواتي)٢

١- (وحّد قلبي لخوف اسمك
ودوافعي تبقى لمجدك)٢
(أنا قدامك أنا خدامك
رهن إشارة إيد شخصك)٢

القرار
(أيوه حسبت الكل نفاية
ومكفيني أن انت معايا
اتمجد في حياتي يا سيدي
اشعل نار روحك جوايا)٢

٢- (نوّر عيني بالمكتوب
وأعيش مع شخصك مصلوب)٢
(عن شهواتي عن رغباتي
وبلمساتك قلبي يدوب)٢
٣- (شكّل فيَّ وعلمني
وبأسرارك كلمني)٢
(سود في حياتي قود خطواتي
اطلقني واستخدمني)٢

١- (في قلبي كلام لكن عاجز عن التعبير
واقف خجلان عشان أنت عملت كتير)٢

القرار- (مبارك اسمك الغالي وشاكر ع الصلاح والجود
أنا ماقدرش أرد الدين ولو قضيت حياتي سجود)٢

٢- (أنا مسنود بكلمة ووعد في كتابك
واقف كداود مكاني لو على أعتابك)٢
٣- (ساعدني أكون في طاعة وحب لمسيرك
وأسيب الكون وأعيش خادم لإنجيلك)٢

(اتكالي عليك يا سيد اتكالي عليك
أنت بترفع وأنت تأيد اللي بيلجؤوا ليك)٢

١- (قلبك كله حب وطيبة
ومعاملاتك ليَّ عجيبة)٢
(من الشباب حتى للشيبة)٢
شايلني بإيديك
٢- (مش باهون ولا مرة عليك
قولتلي نعمتي هاتكفيك)٢
(أضعف ترفع أصرخ تسمع)٢
أصلي أنا غالي عليك
٣- (مشغول بيَّ وعايل همي
على اسمك يا يسوع متسمي)٢
(ليك راح أرنم وأفتح فمي)٢
بذبايح ترضيك

١- (طمني جه وقالي ما تخافش ثق فيَّ
خلي عينيك دايماً لفوق وهامشيك ع الميّة)٢

القرار- (متطمن بيه متعلق فيه طول الطريق ما باخاف
من نفسي ولا من الناس ولا من كسرة المجداف)٢

٢- (فرَّحني، ما جرحني ولا يوم نسي وعوده
مِسِك الإيدين، حَلَّى السنين، فرَّحني بوجوده)٢
٣- (علمني في وجوده ما كونش يوم قلقان
أصله الكبير عالي وقدير بيغير الأزمان)٢