مرنم صموئيل فاروق (39 ترنيمة )

١- (خليني لما أفتح عيني
أول فكرة يارب تجيني
إني أقوم وأقعد وياك
وأسمع صوتك جوه كلامك
تملى اليوم بصوتك وسلامك
تكشف ليَّ إيه جواك)٢

القرار- (كلك مشتهيات يا حبيبي
تستاهل سجودي وطيبي)٢
(باقعد قدامك بارتاح
تحت جناحك غنا وأفراح)٢

٢- (ده كلامك مش أي كلام
بياخدني لخطوات قدام
ويغير جهلي للنور
ده طعامي وسط البرية
ساند قلبي حافظ رجليَّ
ياخد عيني من المنظور)٢

٣- (أنا ساجد بخشوع باخضعلك
وبقلبي باسكت وأسمعلك
في المخدع علمني أعيش
طالب شوقي يزيد جوايا
وأغتلي بيك وادوب في الآية
زيك في جمالك ده مفيش)٢

١- (لما يسير وجهك قدامي أنا بارتاح
أنت بتمحي أي مشاكل كل جراح)٢
(تبقى رفيق الليل لو مشواري طويل
تيجي تضمد مش بتخمد فيَّ أي فتيل
قلبك بيَّ رحيم طول الرحلة عظيم
بتوقف جنبي مش بتسيبني أيا قادر يا كريم)٢

٢- (لما الموجه بتعلى عليَّ وأنا مكسور
أنت معايا مش بتسيبني في لحظة أخور)٢
(بتشجع وتعيد ليَّ أفراح ونشيد
وسط الهوجة ولو الموجة تعلى عليَّ تزيد
ابتساماتك نور بيها باعيش مسرور
ترفع نفسي وترفع قلبي تروي الأرض البور)٢

٣- (حبك غطى وستر كل الماضي معاه
قلبك اتحملني وذنبي كمان غطاه )٢
(مُت عشاني هناك قُمت وقُمت معاك
شلت الهم سفكت الدم بحُبك نلت رضاك
كتبتلي عمر جديد فكتني من القيد
أنا مديون لك أنا راح أكون لك بيك خليتني سعيد)٢

١- (مش باقوي إيماني بشوية كلمات
لكن ده إيماني في اللي علشاني مات)٢

القرار- (واثق فيه مستنيه عايش ليه طول العمر
أصل أنا قلبي اتعلق بيه راضي معاه بحلو ومر)٢

٢- (الإيمان علمني أرمي الشيلة عليه
وأضمن بكره وحلمي واحتياجاتي فيه)٢
٣- (نفسي يزيد إيماني إيمان الأبطال
وسط السجن يغنوا واجتازوا الأهوال)٢
٤- ( أنا مستني حلولك وإيديك تتدخل
أصل الثابت قولك في الآخر والأول)٢

١- (صوته لسه بينده من سنين تعالوا إليَّ يا كل المتعبين)٢
(لو تعبان عنده الشفا لأي جرح وأي داء
وإن ضاع حلمك يوم وتاه هاتلاقى نجاة
لو يأسان من نفسك روح قوله يا أبويا أنا عندي جروح
مستنيك تيجي وبالروح تديني حياة)٢

القرار- (يسوع مريح التعابى والناس الغلابة
بيحوّل الكآبة لأغاني وأفراح)٢

٢- (صوته لسه بينده من زمان مين محتاج لسلام محتاج لأمان)٢
(لو تايه مش لاقي طريق كل حياتك هم وضيق
وسط بحور الدنيا غريق في تعب وسراب
لو بتدور من سنين على أفراح بدل الأنين
لو نفسك متكونش حزين افتحله الباب)٢

١- (أوعى تخاف من الليل وظلامه أوعى تخاف من الليل
أنا هاستر عمرك وأيامه أنا هاحمل وأشيل)٢

القرار- (أوعى تخاف من الليل أو من سهم يطير)٢
(اتطمن أنا اللي معاك)٢

٢- (أوعى تخاف يوم من الصياد أنا اللي هانجيك
ولا وبا ولا حتى الأمراض أنا هالمس وأشفيك)٢
٣- (شايف قلبك الملهوف والمتعلق بيَّ
هاطرد من قدامك الخوف وتشوف صنع إيديَّ)٢

القرار – (وأطرح أكاليلي عند قدميه
في نهاري وليلي راح أرنم ليه)٢

١- (حبيبي عن وصفه يعجز أي إنسان
أصله بالمجد مُكلَّل وليه سلطان)٢
٢- (حبيبي أبيض وأحمر ليه اسم عجيب
وجماله بارع بل أكثر خالي من العيب)٢
٣- (لما أذكر موته وألماته وأتأمل فيه
باتذكر صلبه وجلداته وأتعلق بيه)٢
٤- (عنك ما هاحول عينيَّ في ضيق أو جوع
وإنت إلي دفعت ثمن فيَّ دمك يا يسوع)٢

١- جوعني ليك وأشبعني بيك
أشبعني ربي بفيض غناك
فلا أحتاج في أي جوع
(أن أشبع من سواك)٢

٢- املا عينيَّ بجمال يسوع
اشغل خيالي بجروح يسوع
فلا أحتاج في أي ضيق
(أن أبحث من سواك)٢

٣- امسح دموعي أبرئ جروحي
أنت شفائي عزاء روحي
نشيد قلبي هتاف عمري
(إلهي ليس سواك)٢

١- (تحتار وتفكر تعلالي أنا عندي حلول
اترك مشكلتك قولهالي أنا بيك مشغول)٢
(هاقدر ع البحر بهيجانه والعدو يسكت جواه لسانه)٢
تخطيطي هايظهر في أوانه وأنا المسؤول

٢- (لو حتى إخواتك وصحابك في الشدة سابوك
وما حدش خبّط على بابك أنا برضه أبوك)٢
(هاعرف أكفّيك وأرتبها تتفاجئ قوي من ترتيبها)٢
أصل أنا بالتوقيت باحسبها ما أنتاش متروك

٣- (سيب المستقبل ده عليَّ هاملاه أناشيد
أوعى تنسى إنك ليك فيَّ كل المواعيد)٢
(أنا حاطط إيدي على حياتك عارف داري باحتياجاتك)٢
بس اظبط على وقتي أوقاتك فرحك هايزيد

١- (انت اللي بتحميني من كل الشرور
ماسك بيميني قلبي معاك مسرور)٢

القرار- (ما أنت الرب الراعي على كتفك شايلني
بتاخدني المراعي وبحبك غامرني)٢

٢- (أنت اللي بترفعني في وسط الآمي
في ضعفي تشجعني يا مصدر سلامي)٢
٣- (انت اللي معايا ولا يمكن تسيبني
وصوتك جوايا ما تخافشي يا ابني)٢
٤- (انت اللي بتسدني في الظرف المرير
إيدك بتشكلني وبتعمل للخير)٢

القرار- (كل مرة باشوف إيديك
قوية وقديرة
سلطانك ملهوش حدود
وحلولك كتيرة)٢

١- (مرة تمشيني على المية
وعينيَّ عليك
وإن عليت الموجه عليَّ
تمسكني إيديك)٢

٢- (مرة تشق البحر قصادي
وعلى أرضه تمشيني
وفرعون ومركباته
يغرق وتعديني)٢

٣- (مرة تمشيني في النار
وألاقيك عن يميني
ونبوخذ نصر يحتار
إزاي بتنجيني)٢

٤- (مرة قلت إنك نايم
في سفينة الحياة
رد البحر وريحه العاصف
ده هو الإله)٢

٥- (مرة تسد بدهنة زيت
ديون السنين
ومليت كل فراغ في البيت
وفي خيرك عايشين)٢