مرنم زكريا حنا (42 ترنيمة )

1-(بإرشاد من روحي بديت بإيمان وخشوع صليت)2
(بوعود السما أيدتك ده أنا عنك ما تخليت)2
ثق فيَّ ثق فيَّ

القرار –(واترك لي السفينة سلم ليَّ المجداف)2
وأنا أقودك للمينا ثق فيَّ لا تخاف
(هلل ده يسوع فادينا تلاقيه آخر المطاف)2

2-(خايف من الموج والريح والعودة بقلب جريح)2
(ظل إنت في مشيئتي وأنا ليك في الضيقة مريح)2
ثق فيَّ ثق فيَّ
3-(بتقولي العمر قصير والصخر معاند السير)2
(خللي الدفة في إيدي وأنا أطير بسفينتك طير)2
ثق فيَّ ثق فيَّ
4-(لا تلومني كغافل عنك ده أنا يا ابني أقربلك منك)2
(اسمك منقوش على كفي ولا يمكن أخيب ظنك)2
ثق فيَّ ثق فيَّ
5-(قد أسمح لك بتجارب عايزك في الثغرة محارب)2
(أسقط ربوات من حولك تهتف بالرب أنا غالب)2
ثق في ثق في

1-علقت همومي وأحزاني على جدران القلب
الضلمة عايزك تدخل وتقول كلمة أسمعها و يتهز كياني
و توقــــع من فـــوق جـــــدراني أحزاني اللي انا تعبــان منهــــا
وتعلق صورتك في مكانها وتهد السور وأخرج تاني للنور وساعتها أكيـد هافــرح

القرار -قــدام بــاب قلبي المهجــــور واقــف تنده لي عشــان افتــــح
اشفي يارب القلــب المكســــــور خـــلّي العمــر الدبلان يطرح

2- ضاع مني بريقي و لمعاني أيامي محاوطها العتمة
تجاعيدي بتشطب ع البسمه
و الحزن بيخطف أحلامي
والهــم أهو ظاهر في كــلامــي ادخــــل لحياتي وبدلها
بدد يا يسوع عتمة ليلهـا شيل كل الشـوك
من أيامي ويـاك الحـزن مالوش مطرح

1-(من سواه يطهِّر من كل الذنوب
من سواه يبارك برغم العيوب
من سواه يحارب عننا الحروب)2

القرار-(هللويا هللويا الرب صالحٌ)3
(هللويا هللويا وحده يسوع)3

2-(من سواه مات كي ما يحيينا
من سواه حمل كل أوجاعنا
من سواه قام وأقامنا)2
3-(من سواه يشفي يحل القيود
من سواه يضمن تحقيق الوعود
من سواه يرفع فوق كل السدود)2

1-(قدموا الشكر للرب وادعوا باسمه عرفوا بين الشعوب بأعماله )2

القرار -(غنوا له وانشدوا واهتفوا له اعلنوا سلطان الرب واسجدوا له)2

2-(اطلبوا الرب دواماً التمسوا وجهه أذكروا عجائبه وأحكامه)2

1-(توعدني وتملاني سلام ومعايا في كل الأيام)2
وده وعدك ومش كلام سور من نار على الدوام

القرار -(أنا هافرح بيك يا رافع راسي انت ليَّ وكل ميراثي)2
(عينيك عليَّ بترعاني وإيديك المجروحة رافعاني)2

2-(تحفظني من كل سهام في مسيري وسط الظلام)2
وده وعدك تجيني قوام تمحي خوفي والأوهام
3-(أُخبّر بيك وأرفع أعلام وأشهد إنك رب سلام)2
وده وعدك بالحب مُقام تغفر تشفي وتمحي آثام
4-(عن قريب تنهي الآلام ومعاك تتحقق الأحلام)2
وده وعدك يا فادي الأنام يعلا نشيدي والأنغام

1-(لما الزمان يزرع بإيده في سكتي بذور الجـراح
واليأس يعلا قصـاد عينيَّ وأشوف أمل أيامي راح)2
(بالقاك تعيــد فيَّ الآمــال.. وتزيل حمولي لو جــبال
وتشق أمواج الفشل تفتح لي فيها طريق النجاح)2

القرار –(في كل الظروف بتثبت وجـودك تحـامي بيمينــك تحقق وعـودك
وتفضل معايا.. تجـدد قوايا... يا حاضن سنيني بخيرك وجودك)2

2-(لما الأنين يفرد شـراعه وينطفي ضي الأفـراح
بتحـط للأحزان نهايـة وتبدل الليل بصباح)2
(وألقاك بتحضني بإيديك.. و أبص أشوف صورتي في عينيك
وألاقي حبك وقت خوفي معنى يملا قلبي ارتياح)2

1-(أغني في وسط الآلام وأعبد إلهي على الدوام)2
(ماشي معايا طول الأيام)2 (رحمة وخير وماليني سلام)2
2-(لو كنت في ضيق مش هايسبني ما دمت بعيش ملء مشيئته)2
(في وقته بيسرع لنجاتي)2 (ويملا عمري بمعرفته)2
3-(سعدت وقت الاضطهاد إني باشاركه في آلامه)2
(رفضوه ورفضوني عايش فرحان)2 (أتشارك بكره في أمجاده)2
4-(أنت اللي بتبقى يا راعيَّ على عهدك ما بتتغيرش)2
(بحنان وبحب تضمني ليك)2 (تجيني أبداً ما بتتأخرش)2

(تعالَ بلمسة إيدك اشفي جروح مخفية هاتفكني وتحرر وتغير كل ما فيَّ)2
(بدّد انت في يوم كل أحزاني ما في غيرك يحيي روحي من تاني)2
تعالَ وغيَّر فيَّ بلمسة إيدك تعالى واشفي جروحي بلمسة إيدك
تعالَ وغيَّر في بلمسة إيدك تعال وفُك قيودي بلمسة إيدك
(كسَّر حطم كل قيود الماضي لمسة إيدك تشفيني وتداوي
وعدك ليَّ بحب كبير بينادي يعلن إنك رب قدير وعالي)2
(يعلن إنك سر وجودي وسلامي يرفعني يرجعني لحضنك تاني)2

1-(شكراً ليك على الحــريــة شكراً ليك يـــــا إلهي البــار
شكراً ليك عــلى البنويـــــة بعد ما كنت عايش في مرار)2

القـرار-(شكــــراً)2 ليسوع... (حمـــــــــــداً)2 ليسوع
(مجــــداً)2 للـــــــه... رب المجد وليس سواه

2-(شكراً ليك ع الدم الغالي اللي فداني على الصليب
طهّر قلبي وغير حـــــالي شكـــراً ليك يسوع الحبيب)2
3-(شكراً ليك على كـل أحوالي الحـــــلوة والمُرّة كمـــان
ليه أهتم ويتعب بـــــالــي و الــرب في إيده السلطان!)2

(أنفسنا انتظرت الرب عوننا وترسنا)2 هو هو
(لأنه به تفرح قلوبنا لأننا على اسمه القدوس توكلنا)2
(لتكن رحمتك يارب علينا)2
( (حسبما أنتظرناك)3 آمين )2