خدمة الصلاة للأطفال (32 ترنيمة )

لما يسوع بيكون موجود في حياة الواحد فيكم
بتنوروا زي الشموع ولا فيش قوة تطفيكم
(لما يسوع بيكون موجود في حياة الواحد فينا
بنور زي الشموع ولا فيش قوة تطفينا)2
(حتى كمان وقت الضلمة عندنا ابتسامة
جاية من عند يسوع وسلامنا علامة)2

القرار -اديني إيمان في قلبي أقدر بيه أنقل جبال
أقول للجبل: امشي .. فيسمع كلامي في الحال

1-يمكن يكون الجبل في حياتي خطايا كتيرة
مش عارف أبطلها وعاملة لي حيرة
لكن إيماني دم يسوع يطهر من كل خطية
(حتى لو كانت جبل)2
2-يمكن يكون الجبل في حياتي مشكلة عويصة
مش راضية تتحل وعاملة لي هيصة
لكن إيماني بقوة يسوع هأقدر ألاقيلها حل
(حتى لو كانت جبل )2

القرار - بحبك يا يسوع

1-أنا يمكن أكون صغيّر وناس شايفاني قليل تفكير
لكن بحبك يا ربي وأعيشلك وأخدمك يا قدير
2-بحب أقعد معاك واسمع صوتك يا حبيبي
وأرنم ليك وأشكرك على حبك اللي مغطيني
3-باصلي علشان حبايبي وحتى اللي بيضايقوني كتير
علمتني أحبك ربي وأحب أطلب للناس الخير

1-مصدق إن يسوع بيغير .. مصدق إن يسوع بيحرر
علشان كده أنا هاتغير .. علشان كده أنا هاتحرر

القرار - لأن يسوع هو الله
يسوع هو الله .. يسوع هو الله .. يسوع هو الله القادر على كل شيء

2-مصدق إن يسوع بيغير .. مصدق إن يسوع بيحرر
علشان كده بيتي هايتغير .. علشان كده بيتي هايتحرر
3-مصدق إن يسوع بيغير .. مصدق إن يسوع بيحرر
علشان كده بلدي هاتتغير .. علشان كده بلدي هاتتحر
4-مصدق إن يسوع بيغير .. مصدق إن يسوع بيحرر
علشان كده الكل هايتغير .. علشان كده الكل هايتحرر

1-(لما بأقعد قدام يسوع وأفتح كتابي
بالاقي دايماً كلمته بتغير في حياتي)2
من كل قلبي باقوله يا يسوع)2)

القرار-(تكلم يا رب وأنا عبدك سامع
تكلم يا رب ساعدني أكون خاضع)2
لكل اللي تؤمرني بيه)
عشان إنت وحدك ربي)2

2-(كلمة يسوع دايماً حيّة وكمان فعالة
تقدر تغيّر كل الناس وتكون ليهم مراية)2
باصلي دايماً وأقوله يا يسوع)2)
3-(كلمة يسوع قوية وتقدر تعمل معجزات
تشفي مرضى وتساعد ناس وتقوّم من الأموات)2
باهتف دايماً وأقوله يا يسوع)2)

القرار-(أعمق من بحار هي دي محبة يسوع
أعلى من الجبال هي دي محبة يسوع
أجمل من كل جمال هي دي محبة يسوع
علشان كده أنا قلبي بيهتف ليه)2

1-(لما لقيني تايه حزين
جيه على علشاني ووفى الدين
كان التمن هو الصليب
بحبك يا يسوع)2
2-(في وقت ضيقي بيسرع لي
يجي بروحه يقويني
يشجعني وينجيني
بحبك يا يسوع)2
3-(لما بكون خايف قلقان
يجي ويملا قلبي سلام
سلامه بيخليني فرحان
بحبك يا يسوع)2

1-ربنا إنت كبير .. ربنا إنت كبير
سماوات .. سمتا السماوات
ما بتشيل إنت .. إنت كبير
2-ربنا إنت عظيم .. ربنا إنت عظيم
سماوات .. سمتا السماوات
ما بتشيل إنت .. إنت عظيم
3-ربنا إنت قدير .. ربنا إنت قدير
سماوات .. سمتا السماوات
ما بتشيل إنت .. إنت قدير

القرار-تعال دلوقتي حالاً رنّم ليه
تعال دلوقتي قدّم قلبك ليه
تعال زي ما أنت من غير تجميل
تعال زي ما أنت وارجع ليه تعال

1-يسوع مستني فتح حضنه ليك
على الصليب بيقدّم ليك
حب غفران فرح وسلام
سامع صوته ينادي عليك