مرنم إيفا رياض (42 ترنيمة )

1- ميلودي كيكو وكمان ماني دول 3 أطفال حلوين
ومافيش واحد أناني هم مع يسوع ماشيين

القرار - لو صحيح بتحب الرب لازم هاتحب أصحابك
وتظهر ثمار الحب (والناس هاتشوف أعمالك)2

2- عارفين آية المحبة حبوا بعضكم بعضاً
وكل يوم يزيد حبه حبهم ويبان فعلا

3- هم كمان حاظفين آية بتقول اغفروا الغلطات
7 بس مش كفاية 70 مرة 7 مرات

4- يظهر فيهم المسيح ويحكوا عنه كمان
ويقولوا يسوع مريح تعالوا له بالإيمان

5- بيحبوا قوي الترانيم صوتهم يعلا بالهتاف
عارفين إن إلهنا عظيم علشان كده مش هانخاف

1-(ربي أنا عايز أخبّر عنك كل العالم وأقول إنك
عندك حب وعندك قدرة فاكرني مانسيتنيش مرة)2
2-(وقت الوحدة ألاقيك جنبي تشجعني وتفرح قلبي)2
(وألاقيك دايماً فيَّ تفكر والضلمة ليَّ بتنور)2
3-(عايز أقول للناس تعالوا لربي الحلو ودوقوا جماله)2
ما أطيبه وما أحلاه فرحة قلبي أكون وياه

القرار – (شمالك تحت راسي يمينك بتعانقني)2
ع البر أنا راسي ده حبك بيحاوطني

1- بانسى بسرعة ياربي ازاي عينك عليَّ
يضعف من تاني حبي وما تشوفك عينيَّ
واحتار وأفضل حزين بقيود مالية أيديَّ
ويملاني الأنين مع إنك انت ليَّ
وأرجع وأقول من قلبي
2- ماشي في برية قاسية فيها ليل وفيها نهار
نفسي ليه تكون ناسية ربك ده سور من نار
يشبع من خيره عمرك في السيل ليكِ سِتار
و بيضمن كل أمرك هو صاحب القرار
وأفضل أقول من قلبي

1- (أنا هافرد جناحاتي وأطير وأطير عالي عالي لفوق
وأهتف ويا العصافير يلا نرنم يلا بشوق)2

القرار – (ده الرب راعينا وحامينا مش ممكن ينسانا لأ
لما وقعنا وكله نسينا هو وحده قلبه رق)2
هو وحده قلبه رق

2-(يمكن قيمتي مش كتير في عينين اللي حواليَّ
بالفلسين 5 عصافير لكن عينه عليَّ)2

3-(يا أطفال الرب أمين هو خالق الأكوان
لكن ينظر للمسكين ويضمه لحضنه كمان)2

4- (مكتوب عنه في الإنجيل إنه بيحب الأولاد
لما قال بصوت جميل دول حبايبي للأبد)2

1-شايفك ربي على البير وحدك مستني في الحر
دي مش صدفة ده تدبير أصلك مش بتحب الشر
عايز تشفي وتحرر واحدة مليانة ذنوب
(لما تآمن هاتبشر واللي يسمعها هايتوب)2
القرار –(حبك ربي مش معقول يعلا فوق كل العقول)2
(وأنا دايماً باطلب منك زود حبي من فضلك)2
2-خليني ياربي زيك علمني أعرف أدي
عايز أحكي عن حبك قبل ما الوقت يعدي
راح أتحمل حر وبرد والقوة تيجي منك
(وأفرح لما أكلم حد عن حبك ويرجع لك)2

1- كنت قاعد مرة زمان وجوايا سؤال كبير
وبافكر وأنا حيران نفسي ألاقي له تفسير
(هم ليه 4 أناجيل في الكتاب مش واحد بس
والشيطان على ودني يميل اوعى تفكر وماتسألش)2

2- قمت أقرأ كتابي تاني صليت ربي كلمني
نور عيني وجاني ولقيته بيفهمني
(إنجيل متى كلمنا عن يسوع ملك الملوك
عن أمجاده وعرفنا رغم إنه في مذود متروك)2

3- إنجيل مرقس ورانا يسوع كالعبد المطيع
دايماً بيقول : ها أنا وللآب هو سميع
(أما لوقا في إنجيله ورانا إنه ابن الإنسان
روعة حبه في أعماله يشفي ويدي كل أمان)2

4- مجداً لاسمك يا ابن الله لأنك جيت لأرضنا
يوحنا قال إن الإله جه وأخلى نفسه لينا
(أشكر ربي على الكتاب موجود فيه كل الإجابات
كل سؤال تلقى له جواب يوضح بعد الصلوات)2

القرار - تيمو تيمو تيموثاوس كان في محبته أمين
تيمو تيمو تيموثاوس بولس بعت له رسالتين
1-لوئيس مع أمه أفنيكي حبوا الرب كمان خدموه
علموا تيموده من صغره والإيمان فيه زرعوه
2-بولس ودنه كانت سامعة عن تيموثاوس الأمين
وقال له : اتقوى في النعمة وخليك نور للمؤمنين
3-في المحبة وفي الكلام في الإيمان وكمان في الروح
أصله كان زي ابنه تمام عايزه معاه مطرح ما يروح
4-تيموثاوس بيعلمنا نحب الرب وإحنا أطفال
وكلامه يملا قلوبنا يعمل فينا أروع أعمال

1- لما الخطية تاخدني بعيد يفضل حبي ليها يزيد
ازاي اقدر اعترف لك بكل اللي في قلبي العنيد؟
الشر بيكبر لما ارويه ليه أحاول إني أداريه ؟
مافيش غير إني أرجعلك وادّيلك قلبي تسكن فيه

القرار - يا يسوع ده انت على الصليب دفعت تمن ديني الرهيب
وصرخت قد أكمل
حررت إيديَّ من القيود وادّيتني كتاب مليان وعود
وصاياك مش راح أهمل

2- ولما نوري يبقى خفيف تروح القوة وأبقى ضعيف
وحياتي مش بتشهدلك وكلامي مابيبقاش لطيف
خليني أشوفك باستمرار وأنوّر في الليل والنهار
والقوة هاتيجي من عندك أرنم بيها بانتصار

القرار – (مش لاقي في وقت الضيق زيك حبيب يا يسوع
طيب قلبك رقيق تمسح ليَّ الدموع)2

1-ربي انت الحقيقة في عالم الأوهام
وقدرتك عجيبة تِخرج نور من الظلام
حتى لو يوم وقعت و بجهلي رُحت بعيد
دُقت المرار وتعبت هارجعلك من جديد

2-ألزق من الأخ ليَّ انت أروع حبيب
دي محبتك غنيَّة حب العالم أكاذيب
هارفع عيني على طول في الفرح والأحزان
وأشكر دايماً واقول معاك بالقى الأمان