مين الكسبان ؟ (31 ترنيمة )

1- في مدرسة المسيح عايز افهم واتعلم
اطلب الفكر الصحيح واقول ياربي اتكلم
اضبط قلبي والأفكار عرّفني بكل جمايلك
ابعدني عن الأشرار (وجّه البوصلة لشخصك)2

القرار - الحياة هي رحلة ساعدني أعيشها صح
أهتف دايماً ما أحلى ربي الغالي وأفرح

2- ده لساني عضو صغيور لما يكون مش متحرر
بابقى مش ولد قمور لكن قاسي ومتكبر
ربي هاكون تلميذ أمين كلمتك أعمل بيها
أفتدي الوقت الثمين (أزرع بذرة وارويها)2

1- (ممكن أقول حاجة وأخلف والناس كدة ماتصدقنيش
علشان كدة كنت باحلف حلفاني ما بينتهيش)2
حلفاني ما بينتهيش

القرار – (ربي جايلك حررني عن الخطية ابعدني
وخلي لساني مايحلفش وقلبك ربي ما يزعلش)2
وقلبك ربي ما يزعلش

2-(ربي اتكلم ويايا لما قريت إنجيل متى
لما ورَّاني آية تقول لا تحلفوا البتة)2
تقول لا تحلفوا البتة
3- (مش هارجع أحلف تاني بس هاقول : نعم أو لا
وبكدة ينضف لساني ويفرح جداً قلب الله)2
ويفرح جداً قلب الله

1- ميلودي كيكو وكمان ماني دول 3 أطفال حلوين
ومافيش واحد أناني هم مع يسوع ماشيين

القرار - لو صحيح بتحب الرب لازم هاتحب أصحابك
وتظهر ثمار الحب (والناس هاتشوف أعمالك)2

2- عارفين آية المحبة حبوا بعضكم بعضاً
وكل يوم يزيد حبه حبهم ويبان فعلا

3- هم كمان حاظفين آية بتقول اغفروا الغلطات
7 بس مش كفاية 70 مرة 7 مرات

4- يظهر فيهم المسيح ويحكوا عنه كمان
ويقولوا يسوع مريح تعالوا له بالإيمان

5- بيحبوا قوي الترانيم صوتهم يعلا بالهتاف
عارفين إن إلهنا عظيم علشان كده مش هانخاف

القرار - آسف حاضر شكراً هم يا دوب 3 كلمات
قولهم تبقى فعلاً فيك أحلى صفات

1- لما في يوم تغلط في حد أو تعمل حاجة تضايق
قول : "آسف".. وقولها بجد هدِّي أعصابك خليك رايق
لما تغلط وكمان تعند كلمة آسف ما بتقولهاش
تلقى صاحبك عنك يبعد روح اتأسف له ما تنساش

2- قول : "حاضر".. لما تسمع نصيحة من حد كبير
لازم تتعلم تخضع والناس تلقى فيك تغيير
تكذب فكرك إنك شاطر بابا يقول : "انت غلطان!"
لازم تسمع وتقول : "حاضر" صلي واطلب الغفران

3- والرب يسوع بيفكرنا نشكر لما ناخد حاجة
وكمان هو بيعلمنا ندي للناس المحتاجة
لازم نفتكر دايماً ربنا عطاياه كتير
قولّه : "ياربي شكراً".. بكل حب وتقدير

القرار - أنا عندي خمس حواس لازم أخليهم نضاف
دايماً أكون قدام الناس صورة ليسوعي بتتشاف

1- (اديني عين بسيطة ياربي وهانور
دي عينيَّ في الحقيقة ع اللي جوايا تعبر)2

2- (يا وداني اوعي في يوم تسمعي زي زمان
خليكي في النوم والقوم سامعة تسبيح وألحان)2

3- (وعايز كمان أشم في صاحبي ريحة المسيح
وأخواتي الحلوين ألم ومعاهم أفرح بصحيح)2

4- (ولساني ده علشان أدوق بيه كلام الله
وأبارك كل إنسان وهو دفة الحياة)2

5- (لما ألمس طفل بأيدي وأطبطب عليه كمان
أخده في الضل في حضني هاشعر بيه وهو فرحان)2

1- لما الخطية تاخدني بعيد يفضل حبي ليها يزيد
ازاي اقدر اعترف لك بكل اللي في قلبي العنيد؟
الشر بيكبر لما ارويه ليه أحاول إني أداريه ؟
مافيش غير إني أرجعلك وادّيلك قلبي تسكن فيه

القرار - يا يسوع ده انت على الصليب دفعت تمن ديني الرهيب
وصرخت قد أكمل
حررت إيديَّ من القيود وادّيتني كتاب مليان وعود
وصاياك مش راح أهمل

2- ولما نوري يبقى خفيف تروح القوة وأبقى ضعيف
وحياتي مش بتشهدلك وكلامي مابيبقاش لطيف
خليني أشوفك باستمرار وأنوّر في الليل والنهار
والقوة هاتيجي من عندك أرنم بيها بانتصار

1- أنا شايف خشب كتير شايف شاكوش وكمان مسامير
ده جدو نوح باين عليه بيبني فلك هايسكن فيه
(وكل الناس عليه بتبص لما وصل شغله للنص
وكلهم سدوا الودان ونوح بيحكي عن الطوفان)2

القرار - اللي بيسمع وبيتعلم هايبقى هو الكسبان
افتح ودنك ركز وافهم مش هاتكون أبداً ندمان

2- جدو نوح عمل مقاسات عشان تكفي الحيوانات
كل أتنين داخلين مع بعض زي ما قال الله بالظبط
(وكل دقة من المسمار كانت بتترجى الأشرار
بتقول لهم ده الوقت خلاص طيعوا كلام الرب يا ناس)2

3- نوح دخل وولاده معاه هم اللي سمعوا كلام الله
والرب خلاص قفل الباب والفرصة كانت للي تاب
(تعرف ده ممكن يحصل لك لو تتسمر في محلك
اجري بسرعة تعالَ إليه ده هو الفلك احتمي فيه)2

1- (خرج الزارع راح يزرع ده في لوقا 4:8
ماشي في حقله بيوزع بذوره جوا المزرعة)2
والزرع ده هو الكلمة يحصل له إيه يا ترى ؟
ده ممكن ينموا بالنعمة أو يموت شوفوا اللي جرى

القرار – (حياتي ربي بين أيديك ازرع فيها كلمتك
خليني أثمر واديك كله جاي من نعمتك)2

2- (يا خسارة شوية بذور وقعوا وسط طريق الناس
قام جات له قوام الطيور أكلت والباقي بينداس)2
كلمة الله يا أولاد لما تدخل في قلوبكم
اوعوا إبليس والأجناد يجوا وياخدوها منكم

3- (شوية وقعوا ع الصخور نشفوا من الشمس ومن الحر
دول قبلوا الكلمة بسرور بس قوام رجعوا للشر)2
طلع الشوك وخنق بالكوم كل بذور وقعت جواه
ده اللي حصل لما الهموم خنقتهم وثمرهم تاه

4- (بس الأرض اللي باللطف حضنت بذرة جواها
دي ثمرها جايب 100 ضعف والرب اللي نماها)2
كلمتك ربي بتتذاع وقلوبنا هي التربة
خليها مفتوحة تساع كل بذور وتكون خصبة

1- كنت قاعد مرة زمان وجوايا سؤال كبير
وبافكر وأنا حيران نفسي ألاقي له تفسير
(هم ليه 4 أناجيل في الكتاب مش واحد بس
والشيطان على ودني يميل اوعى تفكر وماتسألش)2

2- قمت أقرأ كتابي تاني صليت ربي كلمني
نور عيني وجاني ولقيته بيفهمني
(إنجيل متى كلمنا عن يسوع ملك الملوك
عن أمجاده وعرفنا رغم إنه في مذود متروك)2

3- إنجيل مرقس ورانا يسوع كالعبد المطيع
دايماً بيقول : ها أنا وللآب هو سميع
(أما لوقا في إنجيله ورانا إنه ابن الإنسان
روعة حبه في أعماله يشفي ويدي كل أمان)2

4- مجداً لاسمك يا ابن الله لأنك جيت لأرضنا
يوحنا قال إن الإله جه وأخلى نفسه لينا
(أشكر ربي على الكتاب موجود فيه كل الإجابات
كل سؤال تلقى له جواب يوضح بعد الصلوات)2

القرار - ترن ترن ترن ترن ترن ترن أنا سامع تليفوني بيرن
ترن ترن ترن ترن ترن ترن عامل دوشة دي حاجة تجن
جريت على شاشته بسرعة أبص لقيته رقم أنا عارفه تمام
ده زميل الفصل مرقس مش هارد عليه وهانام

1- (إبليس جاب فكرة قدامي هي سبب زعلي م الأصل
إمبارح هو خلاني اتعاقب من Miss في الفصل)2
وأنا من حقي إني أزعل وأخاصمه شوية أيام
لما يكلمني ها cancel ولما هاشوفه هامشي قوام

2- (جات رنت في وداني صلاة صلاها ربي الحنون
اغفر ليهم يا أبتاه لا يعلمون ما يفعلون)2
إذا كان ربي قدر يغفر وهو ع الصليب مصلوب
يبقى أكيد أنا هاقدر أغفر وزعلي هايدوب
(ترن ترن ترن ترن ترن ترن أنا سامع تليفوني بيرن
ترن ترن ترن ترن ترن ترن ده واحشني ولصوته باحن
جريت على شاشته بسرعة أبص لقيته رقم أنا عارفه تمام
ده زميل الفصل مرقس هارد عليه وهانام في سلام)

القرار – (معايا ريشتي والألوان أنا هارسم بيهم لوحة
لازم أخلي فيها يبان إحساسي وبصراحة)2
1- جه على بالي ألوان نصها بلون إسود
لأن نفسي أبين إزاي إبليس يستعبد
ده نص منور لونته كان فيه الصليب مرفوع
والنص التاني رسمته فيه ضلمة من غير يسوع
2- ألواني ديه بتصور إن العالم فريقين
اللي مع الرب منور والإسود فيه الخاطيين
قُل له يا ربي اتعلمت من الألوان ومن الرسم
وكل قلبي ليك سلمت دهأنت عارفني بالاسم

القرار – (لما حروف النوتة تبان باشكر ربي على الألحان)2
(كل حرف من زمان بيسبح رب الأكوان)2
دو ري مي فا صول لا سي دو
دو - دُقت البعد في عالم فاني
ري - رجعت اصليلك من تاني
مي - مين غيرك يفهم أحزاني؟
فا - فكَّر فيَّ وما بينساني
صول - صوته الحلو جاني وعزاني
لا - لقيت نفسي باسبح بأغاني
سي - سنيني هاعيشها للي فداني

القرار –(دايرة مع مثلثات عمال أرسم وأشخبط
مافيش بينهم مسافات بس برضه متلخبط)2
1-(لو حطيت الدايرة جوا واحد من المثلثات
وحشرتها بالقوة هايفضل فيه فراغات)2
2-مثلث قلبي مش ممكن العالم كله يملاه
تعالَ ياربي فيه واسكن هاتملا الفراغ جواه
القرار –(دايرة مع مثلثات عمال ارسم واتعلم
يسوع يملا الفراغات قلبي في أيده هاسلم)2

القرار - تيمو تيمو تيموثاوس كان في محبته أمين
تيمو تيمو تيموثاوس بولس بعت له رسالتين
1-لوئيس مع أمه أفنيكي حبوا الرب كمان خدموه
علموا تيموده من صغره والإيمان فيه زرعوه
2-بولس ودنه كانت سامعة عن تيموثاوس الأمين
وقال له : اتقوى في النعمة وخليك نور للمؤمنين
3-في المحبة وفي الكلام في الإيمان وكمان في الروح
أصله كان زي ابنه تمام عايزه معاه مطرح ما يروح
4-تيموثاوس بيعلمنا نحب الرب وإحنا أطفال
وكلامه يملا قلوبنا يعمل فينا أروع أعمال

1- (أنا هافرد جناحاتي وأطير وأطير عالي عالي لفوق
وأهتف ويا العصافير يلا نرنم يلا بشوق)2

القرار – (ده الرب راعينا وحامينا مش ممكن ينسانا لأ
لما وقعنا وكله نسينا هو وحده قلبه رق)2
هو وحده قلبه رق

2-(يمكن قيمتي مش كتير في عينين اللي حواليَّ
بالفلسين 5 عصافير لكن عينه عليَّ)2

3-(يا أطفال الرب أمين هو خالق الأكوان
لكن ينظر للمسكين ويضمه لحضنه كمان)2

4- (مكتوب عنه في الإنجيل إنه بيحب الأولاد
لما قال بصوت جميل دول حبايبي للأبد)2

1-(ربي أنا عايز أخبّر عنك كل العالم وأقول إنك
عندك حب وعندك قدرة فاكرني مانسيتنيش مرة)2
2-(وقت الوحدة ألاقيك جنبي تشجعني وتفرح قلبي)2
(وألاقيك دايماً فيَّ تفكر والضلمة ليَّ بتنور)2
3-(عايز أقول للناس تعالوا لربي الحلو ودوقوا جماله)2
ما أطيبه وما أحلاه فرحة قلبي أكون وياه

1-شايفك ربي على البير وحدك مستني في الحر
دي مش صدفة ده تدبير أصلك مش بتحب الشر
عايز تشفي وتحرر واحدة مليانة ذنوب
(لما تآمن هاتبشر واللي يسمعها هايتوب)2
القرار –(حبك ربي مش معقول يعلا فوق كل العقول)2
(وأنا دايماً باطلب منك زود حبي من فضلك)2
2-خليني ياربي زيك علمني أعرف أدي
عايز أحكي عن حبك قبل ما الوقت يعدي
راح أتحمل حر وبرد والقوة تيجي منك
(وأفرح لما أكلم حد عن حبك ويرجع لك)2