مرنم نهى ناجي (10 ترنيمة )

القرار- الصلاة دي هدية منك يا فاديَّ
علمتني فيها إزاي ألقاك
أجيلك من حمل وهم العالم
(وأتمتع فيها برؤياك)2

1-(في صلاتي إليك بالقاك بإيمان
وأتلذذ بيك وسط الأحزان)2
(وبلمسة قوية تشفي ما فيَّ
تملاني سلام وفرح وأمان)2
تملاني سلام وفرح وأمان
2-(في صلاتي إليك بتعلمني
وتسلحني بكلامك لي)2
(وألاقي إنه في إرشادك ليَّ
في طريقي أنا ماشي بنصرة قوية)2
في طريقي أنا ماشي بنصرة قوية
3-(في صلاتي إليك بعيون روحية
أنا باتأمل قدراتك فيَّ)2
(وباصدق إنه في استخدامك ليَّ
راح أكون شمعة مضيئة للناس حواليَّ)2
راح أكون شمعة مضيئة للناس حواليَّ
4- (في صلاتي أتقدم بشكري
وأقول لك بحياتي أنا مديون ليك)2
(ياللي فديتني من هلاك أبدي
هاعيش طول عمري أنا خاضع ليك)2
هاعيش طول عمري أنا خاضع ليك

القرار – يا أبو قلب طيب يا غني بالرحمة جيت كللتني
(ومسحت دموعي وما اكتفيت .. بكيت معي)٢

1- (منحتني حياة ورحمة حفظِت عنايتك روحي ليك
لمستني بكل نعمة شددت فيَّ الباقي ليك)٢
٢- (حملتني وحمّلت عمري بالخير وياما احتملتني
شِهد ماضيَّ إنك راعيَّ وعبرت بيَّ على منكبيك)٢
٣- (نصرتني وقت انكساري وقت انهياري انتشلتني
مديون لك انت ليلي ونهاري هافضل أغني بالحب ليك)٢
٤- (في كل ضيقي اتضايقت ليَّ أنِّيت معايا وشاركتني
اتعلقت بيَّ وأنا في القسية شديت إيديَّ خبيتني فيك)٢

اختبرتني إلهي وعرفت داخلي
وجلوسي وقيامي وجميع سبلي
ولقد فهمت فكري من بعيدٍ يا حكيم
وعرفت كل قلبي وطريقي يا عليم
ليس شيءٌ عنك يَخفى لا ولا أي كلام
كل قولٍ في لساني قد عَرفت بالتمام
أين من روحك أمضي؟ أين لي منك الهروب؟
أنت في كل مكانٍ حاضرٌ أيا مهوب
يالعمق علم ربي! قد تعالت حكمته
وعجيبة تجلت وسمت معرفته
أنت خلفي وأمامي أنت قد حاصرتني
يدك العلياء فوقي وبها ضبطتني
إن صعدت للأعالي أو فرشت في القبور
أو أخذت لي جناحاً أو سكنت في البحور
فهناك أنت مُهدي قدمي يا قدير
ويداك تمسكاني حيثما أنا أسير

1- (لما دعاني ربي.. قال لي تعالَ أرتاح
أنا عندي سلامك.. عندي لك أفراح)2
(مال الهم يسودك.. ليه بيحني عودك)2
(خلينى أمسك أيدك.. وأمشّيك بفلاح)2
2- (لما سمعت صوته.. قُلت له يا ربي
كيف بتنادي عليَّ.. وأنا مش طايق ذنبي)2
(قال لي دمي يطهر.. من كل الشرور)2
(أنا باحب الخاطي.. وأخرجه للنور)2
3- (قلبي ساعتها أتهلل.. وامتلى بالروح
لما سمعت كلامه.. وشفت الجروح)2
(يا ربي باحبك.. وهاعيشلك طول عمري)2
(هافضل أرنموأهتف.. وأسلم لك أمري)2

القرار- (انت الكنز الأعظم اللي امتلك كياني
انت الكنز الأعظم سر فرحي وسلامي)2

1-(انت الكنز الأعظم اسمك هارفع وهاعظم
في فداك الحب اتعظم بيك صرت ابن لله)2
2- (انت الكنز الروحي دوا كل جروحي
شبع قلبي وروحي وسلامي في حماك)2
3- (انت الكنز الأبدي ثباتك فيَّ أبدي
ضمانك ليَّ أبدي مكتوب اسمي في سماك)2

1- (إوعى تأجل مين هايجيبلك عمرك تاني
اوعى تأجل مين راح يضمن عمره ثواني)2

القرار-(دلوقتي عندك فرصة يمكن آخر فرصة
الباب مفتوح قدامك ماتأجلش لبكرة)2

2- (عمرك غالي ليه بتغامر بيه بخسارة
عمرك غالي ليه دي الأبدية جبارة)2
3- (ليه بتكابر الله ما هايرجع في كلامه
ليه بتكابر دهانت مادُقتش مرة سلامة)2
4- (ثق في كلامه اللي بيؤمن بيه كسبان
ثق في كلامه والتغيير جواك هايبان)2

1- (لو كل الناس زهقوا وملّوا لو أعز الناس عني اتخلوا
لو جرحي صبح ليهم قصة يحكوها لبعض ويتسلوا)2
هالاقيك
هالاقيك موجود وهاتبقى لي أهلي وناسي عزي ملاذي
وفي وسط مرار طعم الدنيا يغمرني فرح ويفيض كاسي

2-(لو مِلت وضاعت خطاويَّ وطاوعت ميولي البشرية
ومشيت ع الشوك اللي بيكوي وبناره اتحرقت رجليَّ)2
هالاقيك
هالاقيك موجود وهاتغفر لي ميلي وبُعدي شري وعندي
وفي وسط التوهة اللي أنا فيها بعد الحيرة إيدك تهدي

3- (لو قادت نار حرقت قلبي والحزن اختار يسكن جنبي
والعود الأخضر بقى ناشف ورماني السهم المتخبي)2
هالاقيك
هالاقيك موجود وهاتبقى لي خيري ومددي فرحي وسعدي
يظهر في الأرض الشرقانة زي سحابة كف مندي
لو كل العالم كان ضدي لو مشيوا الناس وبقيت وحدي
(هالاقيك موجود وهاتبقى لي ضهري وسندي)2

القرار- (مافيش طريق تاني للراحة غير في الرب)2
حملك عليه ترميه وسلامه يملا القلب
(هو الأمان هو الضمان هو الحنان والحب)2

1- وليه يكون حملك مرار مالوش علاج
هو اللي يدي الشفا ويساعد المحتاج
جايز يكون حملك ألم وحزن تقيل
ارميه عليه حالاً ترتاح وهو يشيل
يمكن يكون همك غلاء المعيشة عليك
خايف لبكره كمان كتر الهموم يحنيك
ارفع عينيك للسما شوف الطيور حواليك
ربك بيرعاها ومن غِناه يديك
2- يمكن يكون حملك ذنب وخطايا كتير
باب المسيح مفتوح للخاطي والشرير
ومهما كان ذنبك تلاقي حبه كبير
يغفر خطايانا ويضمن التبرير
يمكن يكون حملك عادات بتحكم فيك
يقدر يسوع يسندك بالنعمة ويقويك
جايز تكون واقع ممسوك بفخ حديد
ياما المسيح حرر من الخطية عبيد

القرار- مهما الغيمة بتسود حواليَّ مهما الموج بيخبَّط فيَّ
مهما الغيمة بتسود حواليَّ مهما الريح تشتد عليَّ
(أنا لامس عنايتك بيَّ وحمايتك وسياجك حواليَّ)2

1- (انت راعيَّ وعينيك عليَّ وماليني بسلامك يا فاديَّ)2
(ده في أزماتي ووقت ضيقاتي انت سندي وفُلك نجاتي)2
2- (يا معزِّي نفسي بروحك يا مهِّون لي الغربة معاك)2
(مديون قلبي لكل إحسانك هاعيش عمري أتغنَّى لك)2

القرار- (لما بالاقي فيه حرب عليَّ باجري عليك ربي أحتمي فيك
ترفع راسي وتثبت إن الحرب دي مش ليَّ لكن ليك)2

1- (سهم العدو يترد عليه عد صليب ليَّ وصار ليه
يا فرحتي ويا عزي بيك ما أنا ابنك الغالي عليك)2
2- (وقت الضيقة انت ساندني وفي غربتي بترشدني
والخطة اللي انت راسمها لي يتحقق فيها سلامي)2