إيهاب فايز (22 ترنيمة )

القرار- (فيه واحد بيحبك بيخبَّط على قلبك
خليه يملك عمرك وأفتح قلبك ليه
كلمّه تلقاه سامعَك حاسس بيك و بضعفك
هو الخالق ربك شايلك جوه عينيه)2

1-(يفرح لو تنادي له لو تقرا إنجيله
من قلبك صلي له وأرمي الحمل عليه
لو حسيت بالوحدة وتألمت بشدة
ربك صوته بينده روح اتعرف بيه)2
2-(ربنا وعده أكيد لو يبقى لك سيد
يديك عُمر جديد و الشر هَايمحيه
ليه تايه متغرب؟ ليه من حبه بتهرب؟
ليه من الدنيا بتشرب؟ شبعك موجود فيه)2
3-(تحتار ليه وتستغرب؟ حاول بس وجرب
روح للفادي وقرَّب جرحك راح يشفيه
روح أوصف له ظروفك عجزك وسنين خوفك
جوه الضَلمة يشوفك ويشيلك بإيديه)2

القرار- (مافيش طريق تاني للراحة غير في الرب)2
حملك عليه ترميه وسلامه يملا القلب
(هو الأمان هو الضمان هو الحنان والحب)2

1- وليه يكون حملك مرار مالوش علاج
هو اللي يدي الشفا ويساعد المحتاج
جايز يكون حملك ألم وحزن تقيل
ارميه عليه حالاً ترتاح وهو يشيل
يمكن يكون همك غلاء المعيشة عليك
خايف لبكره كمان كتر الهموم يحنيك
ارفع عينيك للسما شوف الطيور حواليك
ربك بيرعاها ومن غِناه يديك
2- يمكن يكون حملك ذنب وخطايا كتير
باب المسيح مفتوح للخاطي والشرير
ومهما كان ذنبك تلاقي حبه كبير
يغفر خطايانا ويضمن التبرير
يمكن يكون حملك عادات بتحكم فيك
يقدر يسوع يسندك بالنعمة ويقويك
جايز تكون واقع ممسوك بفخ حديد
ياما المسيح حرر من الخطية عبيد

1- (بالقى في حضنك حصن ومأوى .. أضعف آجي لحضنك أقوى
ده مفيش ولا أعظم ولا أقوى منك يا حبيبي يا يسوع)2
أنا باشعر بوجودك جنبي ومشرفني إنك ربي
وإن غيرك جه يسكن قلبي باكتب على قلبي ممنوع

القرار- (عزي وكنزي وسر غنايا تسبيحي ولحني وغُنايا
طول أيامي انت سلامي جوه آلامي انت عزايا)2

2- يا إلهي ومولايَ وسيدي .. واثق إنك ماسك إيدي
سامع شكوايَ وتنهيدي حبك بان يا يسوع بوضوح
حبك زايد ومغطِّيني لما أبعد عنك تناديني
وأرجع ألاقيك مستنيني تملّي بابك مفتوح
3- (لا بتنساني ولا بتهملني مابتتخلاش أبداً عني
رغم عيوبي متحملني أنا غالي جداً في عينيك)2
أي طريق غيرك يتعبني وطريقك وحده يناسبني
ياللي معايا ولا بتسيبني وصلني يا إلهي إليك

1- (عطشت إليك نفسي فاحتضني كُن مُلهمي وقدس لك فنـي)2
يا قلبًا بعطفه قد حوى قلبي وإذ بليلي الحالك بات يُغني
القرار – (أعطني قلبًا يُحبك وضخ الحُب في وريدي
أعطني قلبًا كقلبك فيحلو بحبك نشيـدي)2
2-(يا إلهـي زاد إليـك اشتياقـي في حياتي وسنيـن اغتـرابـي)2
يتـوق قلبـي ليـرى بهـاك فهـدّئ لهيب نـار احتـراقي
3- (عطـش قلبـي كالقفر الظمـآن إلـى مِلء يـروي كل كيانـي)2
فأسكب سيولك يا سيدي على عطشي وفِض بالرحمة وأروي شطآنـي

القرار - رحت الكنيسة عشان قالوا لي صاحبي مات
لاقيت صحابنا كلهم متجمعين
وفضلت أقول لو عمري مر قوام وفات
ومُتّ كنت هاروح لفين؟
1- بصيت على عيون اللي كانوا في الكنيسة وجدتهم
عيون حزينة الدمع نازل منهم
بعد الصلاة اتفرقوا وكل واحد راح طريق
في الدنيا ضاعوا تاهوا نسيوا كلهم
2- زعلنا حبة وبعد حبة نسينا كل اللي جرى
لكن هانعمل إيه لو إحنا يا ترى
كنا مكانه ملفوفين بقماش في صندوق من خشب
والتوبة دي متأجلة ومتأخرة؟

القرار- (يولد لنا ولدٍ يُدعى اسمه عجيبًا مشيرًا)2
إلهًا قديرًا أبًا أبديًّا رئيس السلام
1- [(قال الرب سأسكب ماء فوق الأرض اليابسة)2
هلموا جميعًا أيها العطاش إلى المياه]2
2- [(وأنتِ يا بيت لحم يخرجُ لي منكِ من يصبحُ ملكًا)2
وهو قديمٍ مُنذ الأزل]2

القرار – (لا للعالم أنا رافض لا لأحزاني أنا صامد)2
(مع يسوعي أنا صاعد عمري الباقي أنا ليه ساجد)2

1-(لا للخوف انت السَاند .. وفي صراخي انت تساعد
هاقْضي حياتي ليك مديون .. هدفي أكون لك شاكر عابد)2
هدفي أكون لك شاكر عابد
2-وقت الضيق إيديك مَادد .. في الآلامات أنت تساند
هاعِيش لك ربي خادم شاهد .. هاتحرَّك دايماً مش قاعد
هاتحرَّك دايماً مش قاعد

1-(عايز أسبح ربي بقوة عايز أرنم طول الوقت
لما عرفت ودُقت الرب فاض قلبي بكلام الحب)2

القرار – (لإنه معايا طول الزمان ما بخافشِ أنا من الأيام
ولا إيه يعمله إنسان ولا حتى من الشيطان)2

2-(جلِّست يسوع على عرش القلب منحني سلام فوق الصعب
رحمته دايمه ووعده أمانة ومهما أضعف بيسامح ياما)2

القرار- (متفتت مليون حته متفرق وكل حته في حته)2
(تايه مش لاقي نفسي دوَّرت في كل حته)2

1- (متفتت وأحاسيسي متحيرَّه متعتي بتبقي لحظات قصيرَّه)2
(مش عارف إيه أنا عايز باخسَر و فاكرني فايز)2
بس في حاجه جوايا صغيرة عايزة تكبر بس في مليون حاجز
2- (متفرق ومشاعري متفرقة عايز النجوم وعمري ما طلتها)2
(الشهوة مالكة حياتي كلها وأنا كل ضعف و مستسلم لها)2
بس في حاجه جوايا بتصرُخ رافضة الخطية والشرور كلها
3- (كل ده كان قبل ما أشوفك لما كنت لسه ميت وهالك)2
(قبل ما تلمسني وتملاني بروحك قبل ما تنجيني من المهالك)2
أشكرك يا يسوع على رقة قلبك لقيت لنفسي في الموت مخارج
(جمعتني ولملمتني حته حته
مبقاش ناقص فيَّ ولا حته)2
(لقيت نفسي معاك يا يسوع
مبقتش أدور في أي حته)2

القرار- (المسني طمني دوِّبني في حبك يا يسوع
علمني اجذبني ثبِّتني في كرمك يا يسوع)2
(انت إلهي و مين غيرك أعبد!
انت إلهي و لمجد جلالك أسجد)2
2- (حررني طهرني اغسلني بدمك يا يسوع
شددني أدبني اسندني أنا ابنك يا يسوع)2
(انت إلهي أُملك على روحي وجسدي
أنت إلهي وأبويا وعزي وسندي)2
3- (اسبيني واحميني وأحييني برؤياك يا يسوع
عزيني وداويني و اشفيلي جَرحي يا يسوع)2
(انت إلهي وسر فرحي وسلامي
انت إلهي شايفك دايماً قدامي)2
4- (احملني وحاوطني و افصلني عن العالم يا يسوع
أسمعني كلمني وأغفر لي آثامي يا يسوع)2
(انت إلهي ليك مني كل الحب
انت إلهي ومفيش غيرك في القلب)2