مرنم إنجي راضي (8 ترنيمة )

1-الشعب اللي إلهه فداه
وبدمه من الموت نجاّه
إزاي هايسيبه وهاينساه
اطمنوا أوي ماتخافوش
ده يسوع مش سايب شعبه
شايف عارف داري بتعبه
بيقوّيه ويداوي متاعبه
والأخطار بإيديه بيحوش

القرار- لو زاد على كتفنا حملنا نشكر ربنا
لو حزننا كتَّر دمعنا نشكر ربنا
لو راحوا حبايب مننا نشكر ربنا
بنرنم بقلوب مؤمنة نشكر ربنا

2-بتقوم ياما علينا حروب
و اللي بيحتمي ف المصلوب
دايماً غالب مش مغلوب
وإلهه أبداً ماسابوش
بيعين اللي في شدة لجأ له
ويطمن قلب المحتاج له
وبيسمع للي بينده له
افتكروا عجائبه ما تنسوش
3- حد يخاف و إلهه يسوع!
بالنسبة لنا الخوف ممنوع
هو المن في وقت الجوع
والشعب على إيديه منقوش
إمتى نسينا عشان ينسانا؟
كل سنين العمر معانا
لو عِشنا له أكيد بأمانة
نقدر نهزم أي وحوش

1-في التجربة الصعبة اللي أنا مريت في يوم بيها
حسيت يا رب إني ضعيف ومش قادر عليها
صرخت لك وقُلت لك خليك معايا فيها

القرار- كل حاجة يا رب أنت سمحت بيها أكيد لخيري
ما إنت عارف يا رب ضعفي وبين إيديك ضامن مصيري

2-وفي كل ضيقة بامر بيها بافتكر وعودك
بتحول لي الضعف لقوة وتحميني بوجودك
وبنعمتك وبرحمتك بتفيض عليَّ بجودك
3-متطمنة نفسي ما دام لاقية رجاها فيك
ولا راح أخاف زي زمان دي حياتي بين إيديك
ليك المشيئة وفي كل ضيقة أنا ها أتسند عليك

القرار- (دي إيديك محاوطاني.. ف حضنك و ضمّاني
وعناية إلهية.. هي كل ضماني)2 .. هي كل ضماني

1- (دي حياتي تشهد لك.. توصف غنى رعايتك
بعصاك وعكازك.. تِعلن ليَّ عنايتك)2
2- (من قبلها فديتني من موتي احييتني
وفي وقت ما رفضتك.. جيت انت حبيتني)2
3- (مديون أنا لحبك.. راح أعيش حسب قلبك
واحكى بمعروفك.. واشكر جزيل كرمك)2

1- لو وسط الضيق أنا هافضل أهتف لاسم يسوع
تحت الآلام أنا هاركع وأسجد لاسم يسوع
و في بلدي أنا هافضل مستني عمل يسوع
(أنا لازم أشكر لاسم يسوع)2
ده أنا ابن يسوع ملك الملوك
2- وف عز المرض أنا كنت باخبّر باسم يسوع
وف وقت آلامي المنسية أنا شُفت يسوع
وأحكي للناس عن لمسة و شفاء يسوع
أنا لازم أشكر اسم يسوع
أنا لازم أخبّر باسم يسوع
ده أنا ابن يسوع ملك الملوك
3- وف وحدتي عارف أني ما سابني الرب يسوع
وف بُعد أحب الناس ليَّ عزاني يسوع
وفي رفضي للكل وإهمالهم قبلني يسوع
أنا لازم أشكر اسم يسوع
أنا لازم أخبّر باسم يسوع
أنا ابن يسوع ملك الملوك
4- وفي فرحي أنا هافرح وأفرح دايماً لاسم يسوع
و هاقول للناس بصوا وشوفوا عظمة يسوع
أُظهر للناس فيَّ دايماً صورة يسوع
أنا هافضل أهتف لاسم يسوع
أنا هافضل أخبّر باسم يسوع
ده أنا ابن يسوع ملك الملوك

1-في ضحكة في وش حد حزين وتشجيعك لناس خايفين
في حضن يضم قلب وحيد وإيد بتقوّم الواقعين
في فرحة تطمن القلقان زيارة بسيطة للتعبان
في كلمة حق بتقولها في لقمة تشبع الغلبان

القرار- (هاتفرح قد ما هاتدِّي ويبعت لك إلهنا كتير
يا بخت المُعطي لو فرحان يا بختك لو تعيش للغير)2
وزي إلهك الطيب تجول زيه وتصنع خير

2- في كلمة بتسند المكسور وشمعة في ليل تطلع نور
ودمعة تشيلها من الباكي وبذرة للأراضي البور
في قلب كبير و بيسامح و غالي و بالثمر طارح
في أجيالك كدة خليك كأنك سامري صالح
3- (في قلب كبير وبيساعد ومش طماع ولا أناني
في حاجة بتبقى محتاجها وتديها لناس تاني)2

1- شايفك حوالي في كل مكان
على كل أمروي ليك سلطان
ولا عينك راح تغفل عني
ما أنت على حمايتي أكيد سهران

القرار- إيدك شايلاني ورفعاني
والعين تحرسني وترعاني
ولا تقع شعرة مني في يوم
إلا بإذنك إنت إلهي

2-أنا عايش مسنود على وعدك
أنا مطمن مسئول منك
من غيرك أنا ما أسواش حاجة
بس أنا غالي علشان دمك
3-أنا عمري ما هُنت عليك مرة
ولا طرفة عين في ظروف مُرة
شكرًا ليك ياللي بترعاني
بتجيني قوام وسط المحنة

القرار – (يا طبيبي هات دوايا ودوايا تكون معايا)2
في حياتي في طريقي أنت ربي وصديقي
وأنت نوري في الحياة وأنت فرحي وهنايا
(يا إلهي يا حبيبي يا طبيبي)2 يا يسوع

1- يا طبيبي نجي نفسي م الشرور والآثام
نقي قلبي م الخطية وأملاه خير وسلام
خد بأيدي في طريقك في حياتي مالي غيرك
أحن قلب أوفى صديق طبيب شافي للآلام
يا طبيبي هات دوايا يا حبيبي معاك شفايا
(يا إلهي يا حبيبي يا طبيبي)2 يا يسوع

2- يا طبيبي اهدي نفسي من اضطرابات الحياة
ونور حياتي امنحني الطريق للنجاة
طمن قلبي ريح بالي دبر ليَّ كل أحوالي
سايب نفسي بين أيديك وعارف إني عندك غالي
يا طبيبي هات دوايا يا حبيبي معاك شفايا
(يا إلهي يا حبيبي يا طبيبي)2 يا يسوع

القرار- خرجت من الجافي حلاوة وعلمته يغني لسطانك
شيلت من العين الغشاوة رجعت الخاطي لأحضانك

1- لو صليت بالاقيك تسمعني عن شر الدنيا بتمنعني
وإن تهت إيديك بترجعني وتوصلني لبر أمانك
2- لو نزلت دمعة بتمسحها وبيبان الخير بتفتحها
دقات قلبي بتفرحها وبتملاني كتير بسلامك
3- جملت الكلمة اللي في صوتي شديت الوتر اللي في عودي
سبحتك من جوه سكوتي ورنمت بألحاني كلامك