سامح عبيد (79 ترنيمة )

1- أيوه وعدتك بس قسيت لحظات ضعفي خدتني بعيد
هنت علي وسبت إيديك بس بعيد أنا بابقى وحيد
القرار- نفسي إرادتي تكون غلباني وأقدر أعيش في رضاك مرتاح
أنسى الخوف وساعات الحيرة تلمس ضعفي تهدي رياح
2- شايف لمعة عيني وعارف إنك ساكن روحي وقلبي
وكفوفي المفتوحة بتطلب ربي بتعلن ليك عن حبي
3- عمري ما فكرت أجرح فيك باضعف لكن من غير قصد
حبك جوه ضلوعي بيجري ولا بارتاح أبدًا في البعد

١- عالم ولازم اللي بيحبه يعاني
واللي بيشْرب منه يعطش من جديد
والراحة عندك يا يسوع ولا حد تاني
يرويني ويخليني دايماً أكون سعيد

القرار - سايب شروري وعتمتي وخطيتي
وجاي مشتاق للنهار مشتاق لشخصك
قوم ضُمني أرجوك تقرب ناحيتي
ده أنا جايلك واخد قرار إني أعيش لك

٢- يا إلهي ياللي بالمحبة تملّي بادي
ورحمتك دايمة لآخر الدهور
قدام جلالك باعترِف أنا من الساعة دي
ملكك يا ربي وضلمِتي حوّلها نور

أخبرني كل الأصحاب أنك أحببتَ الأغراب
أنك قد متَّ عن الإثم لتطهر كل الأشرار
فظننتُ بأنه لا رجاء لي يوماً إذا أني سقطت
أصبحتُ بلا أملٍ حتى فبعدتُ وما عدتُ رجعتُ

(لكني اليوم في ذهولٍ إذ حبك ايضا يهديني
لو أني سقطتُ فرجعتُ دمُك يغسلني ينقّيني
ما أعظم غفرانك ليّ من بعدي وتيهي يدعوني
يجعلني أناديك إلهي غالٍ في قلبي وعيوني)٢

أخبرني يوماً أصحاب أنك أحببت البشرية
أنك قد متَّ عن الذنب فوهبتَ حياةً أبدية
فظننتُ أنني بالجملة رقماً من ضمن الأرقام
إنساناً لا أعني شيئاً عبثاً أحلامي وأيامي

(لكنني اليوم مذهولٌ في حبك أنك تعنيني
لو أني على الأرض وحيدٌ لأتيت إلهي لتفديني
ما أعظم حبّك من حبٍ يخترق القلب ويسبيني
يجعلني أتوجك ملكاً على كل حياتي وسنيني)٢

1-لحد أمتى هابقى لابس وش غير وشي الحقيقي
لحد أمتى هاعيش ناسيه وأفتكره بس في وقت ضيقي
لحد أمتى الشوك هايبقى بطول طريقي مزروع
القرار- (باقول لغيري عن جمال وحنان يسوع
وأخلي غيري يتوب ويبكي بالدموع)2
بس رغم كلامي عنه ماعرفوش
أيوه باتكلم عليه ومابكلموش
وإن يوم فتحت كلام وجعني وهزني
وسمعت صوت بيقوللي توب باغير الموضوع
2- أرجوك يارب تردني وتشدني وتجيبني تاني
عشان بعيد عنك أنا شكلي سعيد لكن باعاني
وقلبي محروم م الفرح وطول زماني موجوع

1- لو هاعملك إيه بعد اللي أنت عملته عشاني أنا هاعملك إيه
عمري ليك باهديه ياللي جميلك غطى كياني مش بأقدر أوفيه
مين ساب عرشه وجِه يفديني مين مات عنّي عشان يحييني
مين لما الأحمال تحنيني يسندضهري أيديه
القرار- (أنا عايزك مش عايز منك أنا جايلك
أنا باطلب وجهك ادخل نوّر قلبي المطفي
أنا عايزك وحدك وكفاية عايزك دايمًا تمشي معايا
وحشاني أيدك على كتفي)
2- عايز أفرح بيك فرحني يا يسوع بحضورك عايز أفرح بيك
عايز أمسك فيك مش بس ألمس أطراف توبك لازم أمسك فيك
أمسك فيك ولا أسيبك تاني وأبوس الجرح اللي شفاني
وأبص لأيدك وألقاني منقوش على كفيك

1- مش هننزل عينينا عن شخصك يا رحوم غير لو رضيت تقوم
وتترأف علينا وتشيل عنا الهموم تمسح دمع العيون

القرار - مرفوعة ليك عيوننا زي عيون العبيد وإنت يا إلهنا سيد وخليتنا ولادك
بمحبة بتعاملنا يا إلهنا يا مجيد وخلاصك مش بعيد يا قريب من ولادك

2- وكتير إحنا قاسينا وشبعنا من الهوان لكن آن الأوان
نلجألك يا فادينا وتدوقنا الحنان تملانا بالأمان

1- عنده أمل فيَّ وبيتأّنى ويطول باله عليَّ
محبته ليَّ هي اللي جابتني ليه
عنده أمل فيَّ وف قلبي قساوة وف قلبه حنية
مافيش مثاله في عطفة والحب اللي فيه

القرار- (اللي بتعمله ده كتير يا يسوع يا حبيبي مالكش نظير
بتقابل شرِّي بالخير
اللي بتعمله ده كتير قلبك دايماً طيب وكبير
وبترحم ضعفي يا قدير)2

2- الحب ده كله ها ألاقيه فين غير عندك
قلبي انت حياته إنت اللي باقول له أنا عمري كله ليك
أنا قلبي فاضل له حبة وهاينطق اسمه مع دقاته
و مش هافرَّط فيك ما صدقت ألاقيك

القرار- خلّي حياتي عطاء ومنح خلّي حياتي نور وملح
عايز أختفي وشخصك يبان وأنقص أنا وتزيد كمان
بتدي خير وأنا باتشكِر وأنا ما أستاهلش أي مدح

1- (خليني أكون مصباح بيضوي في الطريق
وصوت بيدوي في الفضا وطوق نجاة ينجد غريق
حضن ومكان الفضفضة)2
مش بس أجيلك وأخدمك وقت الفراغ وقت الفضا
أنا عايز أحيا أنا عمري ليك وأدل كل الناس عليك
وسامحني كنت باعيش ناسيك (فيما مضى)2

2- ( أنا بين إيديك وشوف هاتعمل بيَّ ايه زمن الكسل راح وانقضى
أنا هاعمل اللي تقول عليه وأموت لو الأمر اقتضى)2
علشان أرجّع للحظيرة خراف كتير متشردة
أرجوك ساعدني يا يسوع أدّي العُصارة للفروع
وأساعد الناس ع الطلوع (م المصيدة)2

1- (لو ربنا ما بناش البيت كنا هانبني مهما هانبني وتعبنا يروح باطل)2
(لكن يا يسوع انت اللي بنيت أنا كنت مقصر وأنا بابني)2
كملت انت اللي كان فاضل وإيديك قبل إيديَّ اتمدت راحت سانداه

القرار - (أنا بيتي صناعة إلهية وإلهي بناه
لا رياح ولا مِيةْ موجه قوية هاتكون هزّاه)2
متأسس على صخرة عَفية ويسوع جواه

2- (من حبك ليَّ يا رب رضيت لي إني أبني معاك وأنت بتبني مارضيتشِ إن أقعد عاطل)2
( أسست أنت يارب وعلّيت وسكنت معايا مشرفني)2
ومفيش بيني وبينك فاصل أفراحي بوجودك بدأت وبقالي حياة

1 - (من حبك للعالم جيت ... مت عشانا يارب بقيت)2
شايل عارنا دُقت مرارنا ... رَجعت نهارنا وخليت
أحزاننا تهرب وتدوب

القرار- (عايش أنا في العالم أيوه ... والعالم مش عايش فيَّ
قلبي اتعلق بالمصلوب
وباحِب العايشين في العالم ... لكن باكره كل خطية
لا متع تغريني ولا ذنوب)2

2 - (ما باحبش عالم هايزول ... وطني السماء وتملّي باقول)2
لو حبيت العالم هاشقىَ ... هابقى عدو الله معقول
ده أبويا الغالي المحبوب
3- (عالم فاني وكله حروب ... واللي يحبه يعيش مغلوب)2
و قلوب التائبين بتسيبه ... وتروح للي جعلها تتوب
تشبع بكلامه المكتوب