مرنم سامي سمير (17 ترنيمة )

1-يا صديقي طول الحياة يا طريقي وماليش سواه
يا معيني في كل ضيقي انت لي كل الحياة
يا سلامي في كروبي يا حبيبي رغم عيوبي
يا خلاصي من ذنوبي معاك حياتي دايمًا هتاف

القرار- لا سواك ومادام معاك أنا مش هاخاف
ده أنا في حماك وانت ستري وأنا ليَّ
فيك كل السلام كل النجاة
يا صديقي انت طريقي والحق انت والحياة

2- في طريقي طول السنين قد إيه كنت معين
تمسح دموع وتشيل أنين عمري يشهد إنك أمين
يا فاديَّ انت إلهي إيدك في إيدي عينك تجاهي
يا رفيقي بطول طريقي باهدي لك انت كل الحياة

1-مين زيك ميزني بحبه مين زيك ثبتني في قلبه
مين زيك باحتاج ألاقيه وياخدني بالرحب لحضنه

القرار- (أنا ليَّ الرب الغالي ده نصيبي في أيام الغربة
وحلاوة أيامي المرة ورافعني في ظروفي الصعبة)2

2- مين زيك لما أجري عليه أوجاعي تخففها إيديه
وإن تقلت راسي ألاقيه على كتفك أسندها عليك

3- مين زيك أنا ساكن فيه وحياتي ارتبطت بيك
وفي رحلة أيامي معاك بالخطوة أنا ماسك فيك

1-يعجز كلامي قدام محبتك
تغمر كياني بفيض من نعمتك
ترعى حياتي تهدي خطواتي
تفضل تصون مهما يكون

القرار- يا ريت كلامي كل المعاني
تقدر تقول عن حبي ليك
اقبل هدية كل ما ليَّ
وأنا مهما أكون أنا كلي ليك

2- قدام صليبك في وصف فداك
إديتني كل نقطة من دماك
وأنا جرحتك وطعنت جنبك
وأنت وضعت نفسك للممات

3- يفضل كلامي قاصر في التعبيرات
ما أنا عقلي بشري محدود بمعلومات
ولكنّي هافضل أرنم للي مات
عنّي وقام وصار ليَّ الحياة

1-(عايش حياتي في ضِل حبك
أملي وكل رجايَّ في وعدك)2
إنك تجيني وتاخدني بيتي
وأفضل معاك شايف مجدك
(بافرح كل ما باسمع عن سماك
والمجد اللي مستنيني هناك)2
لما تجيني وتاخدني بيتي
وأفضل معاك شايف مجدك

القرار- إمتى تجيني يا يسوع
تبقى لي نوري تمسح دموع
آمين تعالَ يا يسوع
زاد اشتياقي ودايمًا باقول: "إمتى تجيني"

2- (علمني أسهر وأستنى لقاك
أحكي وأقول لكل الناس عنك)2
إنك هتيجي وتاخدني بيتي
وأفضل معاك دايماً هناك
(ده كل اللي ما شافتهوش عيون
ولا سمعت بيه ودان هناك هيكون)2
لما في بيتي هناك هكون
علشان كدة دايماً باقول

محتقرٌ ومختبر الحزن هو يسوع لا سواه
نحسبه مصابًا مذلولًا أو مضروبًا من الإله
مجروحٌ من أجل المعاصي مسحوقٌ من أجل الأثام
سلامنا به يُؤَدَّبُ حبوره تشفي السِقام
كغنم ضللنا جميعنا الكل مال في الطريق
إثم جميعنا عليه في قلبه حزنٍ عميق
أما هو فقد تذلل في صمته لم يفتح فاه
كنعجة أمام الجازين للذبح سار مثل شاة
لكنه ظلمًا لا يرتكب بل كان هادئًا وديع
والغش لم يكن في فمه بل جال يُبرئ الجميع
(يا عجبِ كيف صمت وأنت قاهرٌ جبار
إنه حبك الإلهي حبٌ لنا نحن الأشرار)2

1-(باجي لك بذنوبي وخطايايَّ كمان
نادم على عمري وسنيني اللي ضاعت أوهام)2
نادم على كل مرة قسيت قلبي
ورفضت صليبك وإديت ضهري
نادم على كل مرة سديت ودني عن صوتك
مش لاقي كلام يا ربي يشفع لي عندك

القرار- (توبني فأتوب توبة حقيقية
فأكون فيك بار ياللي صرت لي خطية)2
مش مشاعر ولا كلام باقوله في ثانية
دي حقيقة أنا بيها باخضع لعملك فيَّ

2-(خدعني قلبي وجسدي بضعفه أحناني
وخطيتي خبت نورك من قدامي)2
اشفِ نفسي لأني أنا خاطي
ومن انحنائي يا رب ارفعني
أنا واثق إن حبك يقدر يحتوي ضعفي
ولو أنا عديم القوة بإيدك ارفعني

1-إني أحظى يا حبيبي باهتمامك العجيب
وانشغالك بفرحي بل وحزني يا حبيـب

القرار- (فيداك بي تحيط وبوجهك أسير
وبحبك تقوي أي ضعفٍ في المسير)2

2- تعرف كيف تداوي أي جُرحٍ للزمان
بلسمٌ أنت لنفسي في آلامي والهوان

3- تعرف أين يكون الداء فيَّ يا حبيب
فأمامك حياتي فاشفني أنت الطبيب

4- فالحديث معك يحلو منه شيءٌ لا يضيع
تحفظ حتى دموعي ربي في زقٍ رفيع

هللويا أنا غالي في عينيك محفوظ مكاني
عمر ما بيضيع جمالي (لو للحظة من عينيك)2
هللويا أنت بري رغم عاري أنت ستري
مش بتخجل زي وعدك (تبقى ليَّ وأنا ليك)2
هللويا فيك شفائي رغم نقصي رغم دائي
رغم كل جروح في نفسي (ده علاجي من أيديك)2
هللويا إني ابنك إني ملكك إني قدسك
مش لحاجة حلوة فيَّ(دي محبة ساكنة فيك)2

1-(إديني قلب يسوع ينبض حب وحنان
مليان بالغفران والرحمة منك للإنسان)2
قلب بالحب ينبض حتى في وقت البعاد
يبقى حبي حبك عايش في قلوب الناس

القرار- (علمني أحبك أكتر وأقرب منك أكتر
يبقى مكاني في قلبك وأتعلم أعيش في مشيئتك)2
قدس فكري فيك كرس قلبي ليك
طهره تلاقي فيه (قلب حسب قلبك)2

2- (فتّح عينيَّ عليك أتعلم أحب الناس
وإن جرحوني أجي لك عند صليبك ألاقي شفاء)2
أهرب من كرهي وشري ونفسي وأحتمي في دماك
باشوف الناس في حب صليبك أحبهم بحُبك

1-أيها الخاطي تعالَ لفاديك آنَ أن تأتي يسوع يناديك
أقبل إليه أقبل إلى الرحيم وألقي عليه حمل إثمك العظيم

القرار- (تعالَ)3 إلى يسوع أقبل إليه أقبل إلى يسوع
واسجد لديه واسكب له الدموع هيا إليه بمنتهى الخشوع

2-أيها الباكي تعالَ لفاديك ملجأ الشاكي يسوع يناديك
يواسي ويُبرئ من تعب الضمير كالبرق يسري لكل مستجير