كورال العذراء أرض الجولف (135 ترنيمة )

1- بسهر وصلاة أنا هاستناه وأكيد هالقاه لما يجيني
وهايحلى لقاه لما في سماه يظهر ولبيته يوديني
القرار- يا هنانا ده هو رجانا واثقين في عهوده معانا
حالاً ييجي لدنيانا يخطفنا معاه يا هنانا
2- وإحنا في الأرض نشجع بعض ونثبت عيننا وأفكارنا
في السماويات والأرضيات ننساها ونطرح أتعابنا
3- وجهادنا يدوم وبقوة نقوم نعلن عن قرب مجيء اليوم
ياما اشتقنا لوجودنا معاه ياما هانفرح لما هانلقاه

يا من بحضوره نفسي تطيب ومن يوم ضيقي أدعوه
نهاراً تُعزِّي في الليل رقيب خلاصي من كل الوجوه
في أي المراعي أربضتَ الغنم يا راعي النفوس المريح
لماذا أهيم في وادي الألم كضالٍ في قفرٍ فسيح
لماذا أطوف كأني غريب يلتمس عوناً من قفر
أعداؤك شمتوا بي يا حبيب إذ رأوا دموعي كالنهر
راعيَّ العزيز نفسي تتبعك ما أعذب صوتك لي
دربني وأرشدني أنت الكل لي يا نفسي له هللي

القرار - تـعــالَ يــا رب لــبـلادنــا بـنـهـضة وابــدأ فـيـنـا
راجعين بتـوبة يا سيدنـا ارحـمـنا واسـمـع لـيـنـا
1- يـا نهـر سباحة لا يـُعـبر فيض فينا وفي أراضيـنا
(اشـتقنا للأعـماق أكتر وعطشـنا ليك اروينـا)2
2- اعـبر إلـيـنا وأعنا آدي شـباكنا و ما فيها
(تعـبنا الليل وما اصطدنا قول كـلمـة نرمـى علـيهـا)2
3- وحد قلوبنا وكنايسنا وانهي الفرقة فيما بينّا
(زيّن كنيستك يا عريسنا بمحبة واحدة تجمعنا)2
4- بـنعـترف قـلبـنا فـاتر والضعـف زاد ومالـينا
(لكن ده روح قـدسك قادر يـضـرم نيـرانـك فـيـنا)2
5- ماحناش هانسكت وهانسهر لحد ما هاتجيـنا
(عارفينك أنـت اللي ها تقدر تردنا وتحـيـيـنـا)2

القرار- (احفظ بلادنا يا رب واملاها من خيرك
جايين بكل القلب مالناش رجاء غيرك )2
1- (احفظها م الحاجة و م الفقر ومن جفاف ينابيع النهر
احفظها م الإرهاب والشر.. احفظ بلادنا يا رب)2
القرار – (مجدك يعود ليها يشفى أراضيها
ومذبحك فيها يحفظ بلادنا يا رب)2
2- احفظ بيوتك في بلادنا واملك عليها يا سيدنا
احفظ بناتنا وأولادنا واحفظ بلادنا يا رب
3- نطلب حماية لأبوابها عفة وطهارة لشبابها
دم الحمل على أعتابها يحفظ بلادنا يا رب

1- (لو كان غيرك سيدي ... لو غيرك امتلك الكيان
من أين كنت سأعرف ... تلك المحبة والحنان)2
القرار- يسوع لمن سواك أذهب ... ومن سواك ينفع
والنفس ليست تهدأ ... (مالم إليك ترجع)2
2- لو كان غيرك سيدي ... لو كان بي يتحكم
من أين كنت سأرحم ... فأنت وحدك ترحم
لو كان غيرك سيدي ... لو كنت منه أقيم
من أين كنت سأرفع ... وبذا المقامِ أكرم
3- لو كان غيرك سيدي ... وأنا أهيم مشردًا
بين الدروب بحيرةٍ ... من بي يسافر مرشدًا
لو كان غيرك سيدي ... بين الذئاب وسط الظلام
من كنت فيه سأحتمي ... أحيا بأمنه والسلام

1-ربي يسوع الغالي.. ما فيش زيه حبيب
معاه تهون الغربة.. ويهون حمل الصليب
القرار- (ما أحلى العشرة وياه.. يسـوع رب السماء)2
يبارك الحياة.. والعيشة حلوة معاه
أنـا عايــش فـي حــمـــــاه
2-وآلامي في البرية.. مهما كانت كتير
ع الأذرع الأبديـــة.. يحملنــــي القــــــدير
3-وبعز يا نفسي دوسي.. علي كل المغريات
ده حبيبي حلقه حلاوة.. كله مشتهيات
4-وسعــــادة أبدية.. كمــا قــال الكتــــاب
هنا في عيشة هنية.. وهناك في بيت الآب

1- شعب مصر جه زمان الافتقاد
والحقول خلاص ابيضت للحصاد
ادعوا باسم الرب وصلوا وتوبوا ليه
تلقوا مجد الرب في مصر تاني عاد

القرار- يتعرف إلهنا في كل أرض مصر
يشفي كل جرح ويجبر كل كسر
احنا بس نرفع تسبيحاتنا ليه
وهو ليه الحرب وهو بيه النصر

2- أرض مصر بتناديلك يا يسوع
شعبنا جايلك بتوبة و بخضوع
وحدك انت رأسنا وعزنا
اسمك يعلى وفي أراضينا يكون مرفوع
3- كل مصر تفضل دايماً في انتظار
تحمينا من كل شر أو أخطار
كل يوم ماسكين في إيدك ووعودك
واثقين فيك ترفع أولادك فوق النار