مرنم جومانا مدور (10 ترنيمة )

القرار- يا هالطّفل النّايم.. بمزود صغير
تلج وطقس غايم.. بردان وفقير
شو بقدر قدّملك.. تتدفى بهالعيد
رح قدّملك قلبي.. كل ليالي العيد

1- بطلب منّك يا يسوع.. تطعمي الجوعان
وبطلب منّك يا يسوع.. تسقي العطشان
وبطلب منّك يا يسوع.. تدّفي البردان
وبطلب منّك يا يسوع.. تحمي لبنان
2- اعطينا نحبّك يا يسوع.. طول الأيّام
وما تترك خييّ الموجوع.. عالأرض ينام
نمشي خلفك درب.. شموع ننسى الآلام
اعطينا نحّبك يا يسوع.. اعطينا السّلام

مجد الشرقِ قد أقبلَ ها هو آتٍ
تعال يا سيّد تعال يا سيّد

أنت الصبح الطالعُ الآتي من الشرق
شرق الرحمةِ والمحبة والعدلِ والسلام
تعال يا سيّد تعال يا سيّد

تعال اغسلني فأُصبحَ نقيًا أُصبحَ نبعًا سرمديًا
مراكبَ محمَّلة حنطة إلى مواني الجياع المهجورة
دعني أتعبُ كالدوالي من خير المحبة
سلامٌ على الأرضِ سلامٌ ومحبة
تعال يا سيّد تعال يا سيّد

النعمةُ لكم والسلام
هللويا هللويا هللويا هللويا

القرار- (ليل ودق أجراس سهرانة المدينة
مغارة حدّا ناس وعم تلمع الزينة)2

1- في ولدين زغار... ركعوا يضووا شموع... ويصلوا ليسوع
(بيعد عنا النار بيعد عنا الجوع
وعي اللي صاروا كبار ما تترك موجوع)2
ضوي بلادي قمار كلّا ليسوع
ما تترك بعيوننا في دمعة حزينة

2- سمعوا من بعيد.. عم يرجع الصدى.. عم يوسع المدى
(ويكبر ليل العيد يكبر ع الهدى
هالمولود جديد الدنيي بيوعدا)2
متل ما بيريد بالخير بيسعدا
بعيونه ليلة عيد في دمعة حزينة

1- بميلادك يا ربي بتكبر المحبة
تمحى الخطايا بكل الدني
وبتضوي ليالينا اللي فيها خوف وعتمة
وبتشرق علينا شمسك المحبة
ميلادك يا ربي ضوى الدني

2- يا يسوع الفادي قلبك يحمي بلادي
من عتم الليالي والقهر والأحزان
الناس الفرحانة بشموع وأغاني
بتمجد ميلادك وتسبح أعيادك
ميلادك يا ربي ضوى الدني

3- أطفال اللي ناموا بيحلموا بهدية
ببالن غنيّة أجراس وأعياد
اعطيهن سلامك وحنانك عيدية
وتبارك عيالنا بيوتنا وأعمالنا
ميلادك يا ربي ضوى الدني

1- من ألفين سنة وبعدك طفل صغير بيتك هالمغارة وفراشك حصير
(والسما مقابيلك مليانة صلاة شو حلوة قناديلك نجمات الفلك)2
من ألفين سنة..والسما مقابيلك مليانة صلاة
يا هدايا العيد ليلة الميلاد اجمعنا إيد بإيد ما تتركنا بعاد
(متل العصافير لاسمك ننحني وبعدك طفل صغير من ألفين سنة)2
2- يا ساكن ماضينا والبكرا اللي جاية
ع حبك ربينا ع صدى الحكاية
(وحدك انت الغاية الرجا والمصير ما إلك نهاية يا ربي القدير)2
يا ساكن ماضينا..وحدك انت الغاية الرجا والمصير
3- خدودك الحرير وقلبك الهني
ضحكة الفقير كرمة الغني
(متل العصافير لاسمك ننحني وبعدك طفل صغير من ألفين سنة)2

القرار - (هللويا هللويا هللويا هللويا )2

1- لما نورك بالسماء يضوّي ع كل الدنيّ
شو حلو نعيّد سوا بأحلى يوم من السنة (هللويا)3

2- ضوي ع طول الطريق أعطينا سلامك يسوع
خلف الباب العتيق عيلة صلاة وشموع
فيك بيوتنا مزينة ومجدك الحلم الهني
شو حلو نعيّد سوا بأحلى يوم من السنة (هللويا)3

القرار- عم صلّيلك عم صلّيلك
وعيوني شموع تضوّيلك
بليلة ميلادك يا ربّي
ضوّي عالكون قناديلك

1- العيلة باركها وكبّرها
والخير أعطيها وعمّرها
والقمحة بيدر صيّرها
بليلة ميلادك يا ربّي
ضوّي عالكون قناديلك
2- الأطفال بعيدك بيناموا
سنين من الفرح ينعادوا
وردّو للغايب ع بلادو
بليلية ميلادك يا ربّي
ضوّي عالكون قناديلك

1- بليلة برد وُلد يسوع بمذود صغير
(والنجمة اللي فوق غنّت للّيل مِدري شو بدّو يصير)2
2- طفل السلام طفل الأمان زار البشر بهالكون
(يمحي الآلام يزيد الإيمان تا يبقى معنا هون)2
3- ربي يسوع انت الحنان نت العطاء الغزير
(خلينا نحب خلينا نتوب والقلب يصير كبير)2

انشالله الليلة تتلج الدني قبل الليل
بيغمر السلام الناس والدني قبل الليل
الليلة ياللي جاية مدري شو مخباية
مخباية هدايا لولاد موعودين
مخباية أحلام لناس سهرانين
مخباية سعادة تحملها أيادي
من كل محبين لكل محبين
انشالله الليلة تتلج الدني

انشالله الليلة تتحقق الأحلام
بهالليل يلتقوا اللي بيحبوا
بكل اللي بحبوا قبل الليل
الليلة يللي جاية مدري شو مخباية
مخباية ختيار جاي عالبيوت
حامل الهدايا لكل البيوت
حامل الصداقة حامل المحبة
حامل الأحلام مخباها بعلبة
انشالله الليلة تتلج الدني

1- (جرس اللّيل عم بينادي بقلب اللّيل
يالّلي سهرانين هاللّيلة سهرانين
طلّوا لعندي أنا اللّيلة عندي
بيبدا العيــد... عيد الميـلاد)2
2- جرس اللّيل طلّوا اسمعوني بنص اللّيل
بدّي خبركن بدّي بشّركن بطفل جديد
طفل المغارة
طفل العيــد... عيد الميـلاد
3- جرس اللّيل من سنة للتّانية بنطر هاللّيل
بيعلى صوتي أكتر بيحلى صوتي أكتر
لمّا نادي النّاس تا يصلّوا سوا
لطفل العيــد... عيد الميـلاد