بميلادك يا ربي

1- بميلادك يا ربي بتكبر المحبة
تمحى الخطايا بكل الدني
وبتضوي ليالينا اللي فيها خوف وعتمة
وبتشرق علينا شمسك المحبة
ميلادك يا ربي ضوى الدني

2- يا يسوع الفادي قلبك يحمي بلادي
من عتم الليالي والقهر والأحزان
الناس الفرحانة بشموع وأغاني
بتمجد ميلادك وتسبح أعيادك
ميلادك يا ربي ضوى الدني

3- أطفال اللي ناموا بيحلموا بهدية
ببالن غنيّة أجراس وأعياد
اعطيهن سلامك وحنانك عيدية
وتبارك عيالنا بيوتنا وأعمالنا
ميلادك يا ربي ضوى الدني