القرار – (في أمل في المسيح)3 .... يوجد رجاء
1-بيقولوا ده ورم خبيث ورهيب بيخش الجسم ولازم يصيب
بيدمر الخلايا وبياكل وما يسيب والمرض ده بالذات ملوهش طبيب
شاعر بيأس شديد وأكيد مضروب بواقع قوي وعنيد
عدم الإيمان بيملا كياني ريحة الموت بتهف تاني
2-والمرض التاني قلب كل كياني بيقولوا عليه اضطراب وجداني
قلق وخوف وفوبيا معذباني وسواس رهيب بياكل في كياني
والناس قالوا لي كله إلا ده ده مرض نفسي وكمان جسماني
لكنى بنفسي شفت المسيح بيشفي منه حتى الذهاني
3-مكتوب إنه اسم يسوع المسيح فوق كل اسم أقوى من أي ريح
وما دام المرض عندي له اسم صريح راح أصدق في اللي اسمه شفى الكسيح
باحط كل ثقتي في شخص يسوع البار بارمي عليه أحزاني هاخرج باختبار
ده بكلمة واحدة منه لعازر قام من الموت أنا مش هاموت بل أحيا وأحدث بالملكوت
4-اسمع مني نصيحتي خبرة بعض السنين يسوع لسه بيشفي وبيمحُ كل أنين
إوعى تصدق إنه خلاص زمن المعجزات ده فات أو سفر أعمال الرسل أصبح في الذكريات
ده الرب لسه حي وإيديه ممدودة الآن بيقول أريد فأطهر أقبل بالإيمان
لو وقت الشفا اتأخر واتحاربت بالعيان اتمسك بالوعود واغلب بالإيمان
