1- مش مستحيل عليك تجدد قوتي فيك
وأرفع جناح و أطير لفوق زي النسور
مش مستحيل عليك تشفي أقوى الجروح
تشفي الآلام و بفيض سلام تشرق بنور
القرار -
ما انت ديني دفعته و أقوى الأعداء هزمته
وسلطان الموت نزعته انت يا قدير
شخصك بذلته ليَّ روحك أعظم عطية
نعمة و بركات روحيّة فيك يا يسوع
2- مش مستحيل عليك تكسر أقوى القيود
تفتح سجون تأسر عيون أبطال تقوم
مش مستحيل عليك تؤمر تهدأ الرياح
وسط الأتون تحفظ وتصون ما انت معايا
3- مش مستحيل عليك تعوّض عن السنين
من أرض بور تخرج بحور بركة و خير
معندكش المستحيل أنت صخر الدهور
أنت الإله رب الحياه ملك الملوك
