مع إن الدنيا زحمة وكل شيء قريب
وليَّ ألف صاحب وليَّ مية حبيب
لكني لسه عايش.. عايش إحساس غريب..
حاسس بأني وحدي.. حاسس فراغ رهيب
الدنيا جوه حياتي فضا وفراغ ممدود
وفراغ الفكر واخدني معاه لطريق مسدود
زهقان من نفسي لأن المعنى ما هوش موجود
وباعيش أيامي زهق وملل وفراغ وشرود
حتى اللي أنا فاكره الحرية أصبح في حياتي قيود
ما فيش أي حاجة هاتملا حياتي
غيرك أنت وحدك يا فادي الخطاة
ما فيش أي حاجة هاتدّيني قيمة
غيرك أنت وحدك يا رب الحياة وأنا الليلة بارجع
وأسلم حياتي لأنك خلاصي وطوق النجاة
