إحنا ليك (13 ترنيمة )

(اسم الرب هايعلى ويعلى.. في كل مكان
إحنا أولاده وهو أبونا.. بيدينا الأمان)٢
(نهتف دايماً لاسم فادينا.. اللي مالينا إيمان
إن مجيئه حقيقة هاتحصل.. وإن طال الزمان)٢

١- أنا ماشي وعارف إني معاك
أنا واثق في وعودك وفداك
مش خايف نصري أكيد ده أنا في حماك
أنا هاســــــتناك
٢- أنا ضامن عمري معاك والأيام
وضماني ده شيء أكيد وسط الزحام
أنا شايفك بتحبني وتدي سلام
أنا هاســـــــتناك
٣- أنا عارف إنك جاي على الأبواب
يا هنايا بالقاك على السحاب
هاتهلل لما أشوفك مع الأحباب
أنا هاســــــــتناك

١- أنظارنا ليك وودانا سامعاك
أفكار قلوبنا وشوقنا رؤياك
فيك السلام وفيك الرجاء
فيك الصلاة وفيك العزاء

القرار- إحنا ليك وإنت لينا
بنسبحك ونمجدك يا يسوع
إحنا ليك وإنت لينا بنسبحك يا يسوع

٢- وطول ما قلوبنا دايماً في إيديك
ثقتنا فيك واتكالنا عليك
وحدك تقودنا طول الطريق
ربي ما فيش زيك صديق

١- باعترف قدامك يا يسوع المسيح
إني ماستحقش دماء الذبيح
سالت علشاني والصليب فداني
أنا راجع ليك بقلبي الجريح

القرار- توبة من قلبي اللي تاه عنك بعيد
توبة من قلبي لفاديَّ الوحيد
وأنت زمان ياما خبّطت على بابي
النهارده يا ربي هافتح قلبي وأبوابي

٢- باعترف قدامك بقساوة قلبي
والخطية سادت وأنا شايف ذنبي
وبرغم الخطية باجي باللي فيَّ
اقبلني أنا راجع بتوبة قلبي

القرار- (بنحبك نسجد ليك.. إنت فادينا
بنحبك نرفع ليك.. كل أغانينا
بنحبك أنت لينا.. كل ما لينا
بنحبك يا اللي ساكن.. في أوانينا)٢

١- يا ساكن جوه قلوبنا.. عينينا بتترجاك
مش ممكن قلب هايشبع.. يا يسوع إلا بمرآك
سبب فرح قلوبنا.. إننا جنبيك
واللي يسكن في سترك.. يلقى حمايته فيك
٢- قلبك مليان بالرحمة.. والخير للمؤمنين
وبتغمرنا بالنعمة.. وبدمك مستورين
سبب راحة قلوبنا.. إننا في ايديك
واللي يآمن بصليبك.. يلقى ضمانه فيك

١- (ربي هاسكن في سترك.. وهاعيش أنا تحت ظلك
لو جسدي شدني.. حبك بيردني)٢
أنا رجليَّ ضعيفة.. لكن أنت رجايا
هاجي تضلل عليَّ.. علشان أنت الحماية

القرار- (خبيني من يوم الشر.. خبيني من برد وحر
خبيني من السهام.. خبيني من الأوهام)٢
(وفي حضنك الدافي)٢.. خبيني

٢- (العالم بيحاوطني.. بشرّه حواليَّ
كل ما ليك أقرب.. الشر قدام عينيَّ)٢
مهما بيشد قلبي.. إيماني إن أنت جنبي
على سترك هاجري ربي.. علشان فيك الحماية

سامع كل تهمة وذم.. شايف قد إيه الهم)٢)
سامع كل جلدة اتجلدت.. شايف كل شوكة اتجدلت
سامع كل صفعة ألم.. شايف قد إيه اتظلم
سامع كل خطوة قدم.. شايف طريق الألم
سامع كل دقة مسمار.. شايف صليب العار)٢)
سامع كل رعد وبرق.. شايف حجاب انشق
سامع كل كلمة آه.. شايف كل خاطي فداه)٢)
سامع كل نبضة في قلبه.. شايف قد إيه كان حبه
شايف إيد ممدودة بتقبلني.. سامع صوت يندهلي ويأسرني
هارجع ليك يا اللي مت لأجلي.. هارجع ليك ولحضنك تاني هاجري

١- (شعبك يعلن بيك إيمانه.. ويتمسك بوعودك
أنت راعينا وكل ما لينا.. وبتغمرنا بجودك)٢

القرار- (عمانوئيل عمانوئيل الله معانا)٢

٢- (مهما اشتدت حرب علينا.. إعلان روحك فينا
إنك لينا ومين يكفينا.. غيرك أنت يا فادينا)٢
٣- (كلمة حقك بتعلمنا.. وسراج لرجلينا
روحك فينا وبيعزينا.. وبينوَّر عينينا)٢
٤- (شايفين على كفك أسامينا.. منقوشة على إيدك
واللي يمس ولادك ربي.. ده بيمس عينك)٢

١- (كل يوم بيعدّي.. باقول أنا بس ليك
وحياتي هاتشهد عنك.. وعينيَّ هاتبقى عليك)٢
وآجي وأبص لنفسي.. وأشوف إنسان أناني
قلبي مش ملك ليك.. إديته لحد تانــي

القرار- (بحبك يا يسوع.. خليني أعيش أمين
بحبك يا يسوع.. أنا ليك طول السنين)٢
عايز أقول إني بحبك.. قلبي بيهتف بحبك
عايز أقول إني بحبك.. قلبي بيهتف ويقول
(بحبك يا يسوع)٢

٢- (مرات كتيرة باعيش.. وبانسى إني ابنك
وأمشي ورا أوهام.. في الدنيا تاخدني منك)٢
مالقيتش اللي يكفيني.. واللي يخليني سعيد
لأني في بعدي عنك.. كنت باعيش وحيد
٣- (اقبلني يا رب بضعفي.. مين هايغيرني غيرك
اقبلني يا رب بحيرتي.. واملاني كمان من خيرك)٢
ومهما إن عشت تايه.. هآجي وأرجع لك تاني
وحتى إن صاح الديك.. أنا هاشهد ع اللي فداني

١- محبتك ليَّ يا ربي.. خلتني أحبك من كل قلبي
حبتني وأنا أنا ماستاهلشي.. حبك ولا صلبك علشاني
مت بدالي كنت مكاني.. رفعت ذنبي وخطيتي
اديتني فرحة خليت لساني.. دايماً يرنم ويسبحك
٢- يا اللي حياتك كانت علشاني.. حتى في موتك كنت مكاني
خليني أبقى زيك يا فاديَّ.. تبقى في حياتي ربي وحبيبي
ملكك حياتي كل كياني.. كل ما ليَّ ملكك وليك
مستني دايماً تيجي وتاخدني.. وأفضل أرنم للأبد ليك

١- (مستحق كل المجد يا يســــوع)٢
كل ركبة تسجد ليك.. واللسان يعترف بيك
مستحق كل المجد يا يســــوع
٢- (لما نيجي نوقف قدامك يا يســـوع)٢
كل عالي ينحني.. كل مهدوم يتبني
لما نيجي نقف قدامك يا يســـوع
٣- (خلي حضورك يملا عينينا يا يســـوع)٢
نتغير وعينينا تشوف .. مجدك بوجه مكشوف
خلي حضورك يملا عينينا يا يســــوع

مع إن الدنيا زحمة وكل شيء قريب
وليَّ ألف صاحب وليَّ مية حبيب
لكني لسه عايش.. عايش إحساس غريب..
حاسس بأني وحدي.. حاسس فراغ رهيب
الدنيا جوه حياتي فضا وفراغ ممدود
وفراغ الفكر واخدني معاه لطريق مسدود
زهقان من نفسي لأن المعنى ما هوش موجود
وباعيش أيامي زهق وملل وفراغ وشرود
حتى اللي أنا فاكره الحرية أصبح في حياتي قيود
ما فيش أي حاجة هاتملا حياتي
غيرك أنت وحدك يا فادي الخطاة
ما فيش أي حاجة هاتدّيني قيمة
غيرك أنت وحدك يا رب الحياة وأنا الليلة بارجع
وأسلم حياتي لأنك خلاصي وطوق النجاة

١- وقفت وناديتني بصوت الحنان
وقلت تعال ده عندي الأمان
سمعت نداءك وبخطوة إيمان
طلبت حضورك هنا في المكان

القرار- لغيت المسافة شطبت الزمن
وجيتني في ضياعي دفعت التمن
وقمت لنجاتي عطيتني حياة
بموتك علشاني هاعيش يا الله

٢- وخوفي في حبك يتوه ما ألاقيه
وحزني في حضورك راح أعبر عليه
وقوة كلامك تشدد قلبي
وفكر سلامك هايقود مركبي
٣- ولما التجارب تسبب آلام
ولما يسدد عدوي السهام
بقوة صليبك ترد الهجوم
وتشرق بشمسك تضيع الغيوم
٤- يسوع يا ربي يا عيد الحياة
يا زارع في عمري طريق النجاة
تعال وبدد حصون الظلام
وازرع في قلبي زهور السلام