1- (ومين يدوق الحب كله ويكتفي
من السباحة في مياه من الحياة
يا نفسي هيمي و اوعي في يوم توصفي
الحب عدّى م الصفة و م الأسماء)2
و اوعي تفلت العيون من شمسها
سيبي الشبه يرجع لأصله في الإله
(سيبي له روحك انتي بس يمسها
ويشدها بالشوق ناحية قلب السما)2
(كوني صلاة وقولي يا طيب الساعات
عيشي الصلاة تلقي الحبيب مالي السكات
بقبلات من فمه بكلمات
تمس بالطُهر الشفاه تحيي اللي مات)2
2- (لكل عين عند البشر نور واتجاه
أما عيون الحق دربها صلاة
همّ العيون الدنيا كله في التراب
والعابدين عيونهم اتملت حياة)2
وفي مياه الراحة راحة القلوب
كل الرؤى متاحة للي جاي يتوب
(عين الطهر اللماحة تهرب م العيوب
فتُحمل في مساحة من نور المحبوب)2
(تحيا حياة مُصغرة م السماوات
عرش الحياة في الذكر بين التسبيحات
تشوفه عين اللي اتجه بلا طلبات
وعبر له حتى م الآيات والتعزيات)2
3- (ومين آدام الله عليه الإشراقات
بنفحة من أنواره في تجلّيات
إلا و داق الكل فيه انعكاسات
وجه المحب اللي في وجه الصفحات)2
وشافوا لما شفّ قلبهم إليك
إن في نقاوة القلب اتشاف اللي ليك
(فروحنا كلنا سكنا في ضياك
فرحنا كله ما شوفناه إلا ف لقاك)2
(يا مشتهى صنعة إيدين محبتك
يا ملتقى كل اللي داقوا صحبتك
مابيعيشوش على حالة واحدة ف سكتك
ولا يدوقوش الأنس إلا ف بسمتك)2
(لي ما أراه ولي ما لا ولم أراه
فلي هو وليس بعده ما أراه
أرى بلا عيني وفي العين أرى
فهو هنا في روحي كما في السما)2
