إحساسك ساعاتها يا عدرا أوصفيلنا شكله إيه ؟!
وقت الملاك والبشارة إزاي استقبلتيه ؟!
الخبر المُفرح يا أمي إللي بوداعتك تستاهليه
إللي فوق فهم العقول إزاي استحملتيه ؟!
وآمنتي بإللي قاله الملاك وصدقتيه !!
وقولتيله أنا أمة الرب بعد كل إللي سمعتيه !!
كان إيه إحساسك وإللي في بطنك وحملتيه
هو الإله الحي إللي انتي بتعبديه ؟!
ملك الملوك، رب الأرباب إللي في إيديه
متعلقة الأكوان وعلى إيديكي شيلتيه !!
إزاي يا عدرا كنتي كإنسانة بتعامليه ؟!
أمه وعارفة وانتي بتلبسيه وتأكليه
وتربيه وتكبريه، للموت بتجهزيه !!
أد إيه اتألمتي والعذاب إللي شوفتيه
تستاهلي يا أمي تكوني في المكان إللي وصلتيه
يمين الملك ومكانك ولا حد يعلى فوقيه
يا فخر كل البشر، والشفيعة الأمينة عليه
مين طلبك وانتظر، واحتياجنا بتوصليه ؟!
