القرار- (تقبل توبة عبدك تقبلني.. تقبل دمع التوبة ترحمني)2
1- (تُهت ومتوحش بيتك.. ما لي أمان وأنا متغرب
ده أنا من لحظة أما عصيتك.. و عايش في جحيم ومافيش مهرب)2
(لا راحة في نومة ولا في لقمة.. الكل مرار وأنا في العتمة
باشعر بالوحدة وأنا في لمة.. وفي وحدتي مزحوم بالضلمة)2
2- (ولدك متوحش قربك.. ولساني اشتاق كلمة آبا
و اشتاقت عيني تشوف ضَيَّك.. يداويني حنانك بطيابة)2
(أنا طالب تاني ترجعني.. ولو أعيش هنا على عتبة بابك
يكفيني اسمع منك إني.. مقبول من تاني في ديارك)2
