١- عَلامات تَعَجُّب واستِفهام
وناس تقول كُل دَه أوهام
اصحى وفوق الله دَه فوق
مِش مُمكِن ينزِل لِلمَخلوق
(الله عَجيب يمكِن غَريب إنُّه يكون بيننا هِنا
الفَرحَة جَتنا والسُّرور وشُفنا مَجدُه وِسطِنا)٢
(مين زَيِّنا يا بَختِنا الله بِنَفسُه مَدّ الجُسور
وبَدَل ما كان ييجي يزور بَقينا بيتُه وشال السُّور)٢
٢- ودي نُقطَة فاصلَة في التَّاريخ
مَهما بيكبَر مَهما يشيخ
بِميلاد يَسوع يصبَح شَباب
يقفِل كِتاب يفتَح كِتاب
(الله شارِكنا جِسمِنا مابَقاش غَريب مابَقاش بِعيد
راح أقول وأعيد اليوم دَه عيد أنا صِرت حُرّ مِش مِن العَبيد)٢
(مين تاني ييجي يشتِكي وهوَّ عَنِّي بيحامي
وبَدَل ما كُنَّا زَمان في خِصام دِلوقتي حُبُّه أنغامي)٢
