أمجد سعد ذكري (3 ترنيمة )

١- عَلامات تَعَجُّب واستِفهام
وناس تقول كُل دَه أوهام
اصحى وفوق الله دَه فوق
مِش مُمكِن ينزِل لِلمَخلوق
(الله عَجيب يمكِن غَريب إنُّه يكون بيننا هِنا
الفَرحَة جَتنا والسُّرور وشُفنا مَجدُه وِسطِنا)٢
(مين زَيِّنا يا بَختِنا الله بِنَفسُه مَدّ الجُسور
وبَدَل ما كان ييجي يزور بَقينا بيتُه وشال السُّور)٢

٢- ودي نُقطَة فاصلَة في التَّاريخ
مَهما بيكبَر مَهما يشيخ
بِميلاد يَسوع يصبَح شَباب
يقفِل كِتاب يفتَح كِتاب
(الله شارِكنا جِسمِنا مابَقاش غَريب مابَقاش بِعيد
راح أقول وأعيد اليوم دَه عيد أنا صِرت حُرّ مِش مِن العَبيد)٢
(مين تاني ييجي يشتِكي وهوَّ عَنِّي بيحامي
وبَدَل ما كُنَّا زَمان في خِصام دِلوقتي حُبُّه أنغامي)٢

١- (ماضيَّ كان مليان مرار يأس وفشل ويا انكسار
عدّى عليَّ يسوع فاديَّ فك قيودي وبقى لي اختبار)٢

القرار- (عايش بيك وبدايرة حبك أنا عايش جوه الأحضان
يوم ورا يوم أنا لامس قربك لامس قربك بالإيمان)٢

٢- (ماضيَّ كان غش وهوان خوف من الهزيمة خوف من الشيطان
عدّى عليَّ يسوع فاديَّ غطى عيوبي وبقيت في أمان)٢

٣- (ماضيَّ كان مليان جروح مش قادر أمشي ولمين أروح
عدّى عليَّ يسوع فاديَّ في إيده زيت مع خمر الروح)٢

١- هَا إِنَّنِي أَقْتَرِبُ
وَأَطْلُبُ مِنْكَ الرِّضَا
مُعْتَرِفًا بِأَنَّكَ
أَنْتَ الْوَحِيدُ الْمُرْتَجَى

القرار- (أَنْتَ رَبِّي كُلُّ بَهْجَتِي
مِنْكَ رَبِّي عَوْنِي قُوَّتِي
فِيكَ رَبِّي حَقًّا رَاحَتِي
يَا حَبِيبِي يَا يَسُوعْ)٢

٢- تَعِبْتُ مِنْ سَيْرِي الْبَطِيءْ
وَالْوَقْتُ يَمْضِي فِي هَبَاءْ
فَسِرْ بِوَجْهِكَ الْمُضِيءْ
أَمَامِي يَا نُورَ الرَّجَاءْ

٣- وَمَعْكَ سَوْفَ أُكْمِلُ
مَسِيرَتِي فِي ذِي الْحَيَاه
لَنْ يَبْهَرَ بَرِيقُهَا
عَيْنًا رَأَتْ نُورَ الإِلَه