١- مِن السَّما جالنا أعظَم مُخَلِّص .. ساب أملاك الآب هِناك
ساب مَلايكَة بيغَنُّوا دايمًا ليه .. لِناس مَصيرهُم أكبَر هَلاك
هوَّ وَحدُه اللِّي اختار .. وقَرَّر إنُّه يتنازِل
يتوِصِف بِابن الإنسان .. مَع إنُّه ابن الله الكامِل
القرار- هَلِّلويا مَجدًا ليه .. هَلِّلويا مَجدًا ليه
(هَلِّلويا لمَلِكنا .. هَلِّلويا مَجدًا ليه)٢
٢- مين مِن البَشَر يقدَر يسيب أملاكُه .. يسيب غِناه لَو حَتَّى يوم
ينزِل يعيش مَع النَّاس الفَقيرَة .. يشيل وَجَعها والهُموم
هوَّ وَحدُه اللِّي قال: .. تَعالوا يا كُل التَّعابى
أنا عَندي الارتياح .. ولحيرِتكوا الإجابَة
٣- قُدُّوس قُدُّوس قُدُّوس رَبّ الجُنود .. مَجدُه مالي كُل الكون
المَجد لِله لِله في الأعالي .. والسَّلام عَلينا يكون
هوَّ وَحدُه اللِّي ليه .. المَهابَة والخُضوع
تِتمِلي القُلوب سُجود .. لِلحَمَل البار يَسوع
