القرار- يَسوع غَيَّرني مِش دَرَجَة ولَّا اتنين
(مِيَّة وتَمانين)٢
نوَّر لي حياتي من بعد ضلمة سنين
(عايش ترنيم)٢
١- (طَهَّر أفكاري قَدَّس نَظَراتي
سَلِّمتُه أموري وجَميع قَراراتي)٢
وبَقيت أنا ابنُه.. وجَمالي دَه مِنُّه
والماضي هاينسى ولَمَّا أقسى
هاياخُدني في حِضنُه
٢- (خَلَّاني قُرَيِّب فَرحان بوعودُه
عايش حُرِّيِّة أمجاد أولادُه)٢
مِن قَبل الكون.. أنا فيه مَعلوم
عايش مِتحَرَّر مِتبَرَّر
أنا مِن غير لوم
٣- (لأ أنا مِش خايف أو قَلقان مِنِّي
مَعقولَة فَداني ومِش هايكَمِّلني!)٢
ضامِن في الرِّحلَة.. هايكون لي مُعينها
طَبعًا هايكَمِّل ويجَمِّل
لِلصُّورَة بعينها
٤- (لِفاديَّ هارَنِّم وأرفَع لُه صوتي
وهاقول لِلعالَم مابقيتش في موتي)٢
ومَلا لي لِساني .. تَسبيح وأغاني
باشهَد عَن مَجدُه دَه مين قَدُّه
غَيَّر في كَياني
