١- يا جَمال النُّور وِسط الضَّلمَة .. لَمَّا اتجَسِّد الله الكَلِمَة
مِن بَعد سنين عايشين في الشَّر
حِلم الأجيال جِه في أعظَم سِر
النُّور بيشَقشَق في سَواد اللِّيل
(النُّور بيشَقَّق الصَّخر التِّقيل)٢
٢- يا جَمال الحُبّ اللِّي خَلَّاه .. يختار الصَّلب بِكُل آساه
وبَقينا اخواتُه بكُل غَلاوَة
وصالِحنا مَع الآب بَعد عَداوَة
مَرشوشَة قُلوبنا بسَفك الدَّمّ
(تَبرير ونَجاة منِ الذَّنب ومِن الهَمّ)٢
٣- يا جَمال القُرب اللِّي خَلَّاني .. في العِشرَة مَعاه بانسى مَكاني
في حضورُه بتِترَدّ فيَّ الرُّوح
والنَّفس تطيب مِن بَعد النُّوح
ما احلاها دي عِشرَة وَيَّا إلَه
(بيقَدَّر وَقت ما أقول الآه)٢
٤- يا جَمال النُّور يا جَمال الحُبّ .. يا جَمال القُرب يا جَمال يَسوع
يا جَمالَك رَبّ بنُسجُد ليك
مَفاتيح القَلب دي مِلك إيديك
يا رَجاء المَجد يا مُشتَهى الشُّعوب
(يا نور العالَم مَعبود القُلوب)٢
