1- ناس كتير على اسمك وهما جاهلينك
وناس أكتر بالاسم لك وبتعبد غيرك
وناس تانيين تشتاقلك وتتمنى تجيلك
وناس هنا وعايشينلك وتموت ولا تهينك
القرار- آه آه آه وعايزينك
آه آه آه و حابينك
تيجي بلدنا تاني تيجي بيوتنا تاني
بالروح بإنجيلك بالروح بقي نيجي لك
2- ناس واظبوا في كنائسهم وانت غايب عنهم
وناس خدموا في كنائسهم تعاليمهم وعلامهم
والروح بيضُم يوماتي في كنيستك من غيرهم
وناس عمدان وحجارة ومنارة إيمانهم
3- نشهد هنا عن اسمك وانت شاهد عنا
نحمل بفرح نيرك وانت اللي شايلنا
نخدم هنا في ولادك و بتخدم فينا
نحمي إيمان إنجيلك وانت اللي حامينا
