القرار- كل الماضي بيشهد ليك و لحبك ورعايتك لينا
والحاضر والجاي في ايديك بالحمد هايشهد لك فينا
1- مابننساش مابننساش الايد الحلوة
اللي اتمدت وقت الأزمات
ولا ننساش ولا يمكن أبداً راح ننسى
تعزياتك في الآلامات
2- مابننساش مابننساش النعمة
اللي بترفع وتصون وقت الضعفات
قوة دمك قوة دمك وشفاعتك
و الروح يشفع فينا بأنّات
3- مابننساش إن في أمراضنا بلمسة بتشفي
وصوتك يدي القلب حياة
نبض عروقنا نبض عروقنا اللي في أجسادنا
بيشهد عن إحسان الله
4- ياما نسينا ياما نسينا أمانتك لينا
وخونّا القلب اللي ماسبناش
وأما رجعنا أما رجعنا في لحظة لقينا
حبك صادق مابتنساش
