أنا كنت فاكر إني أقدر أقف قدامك
من غير ما أحتاج لدم يسوع ولا حتى كلامك
كنت فاكر إن مافيش لوم عليَّ
باصص على نفسي وفاكر إني من غير خطية
ماعرفتش إن من غير يسوع ماليش خلاص
ما عرفتش إن من غيرك مقدرش أرتاح
ما عرفتش إن بدمك وحده أنا مقبول
وبدم يسوع بس مسموح لي الدخول
أنا كنت فاكر إن قلبي كامل قدامك
وزي بطرس أعمل اي حاجة عشانك
كنت فاكر عندي حاجة أقدمهالك
أتاري كل ما عندي هو أصلاً بتاعك
ماعرفتش إن حبي لوحده ما يكفيش
ماعرفتش إن من غيرك مقدرش أعيش
ما عرفتش أحبك إلا لما لمستني
فتَّحت عينيَّ وشفتك بتحبني
