وسط النهار والدنيا حر والوقت مش عايز يفوت
دق الجرس دقات بحزن تندق لو واحد يموت
خرجت أشوف فيه إيه حصل قالوا إن فيه ميت وصل
ولقيتني نايم في التابوت لقيتني نايم في التابوت
وضحكت في الأول وقلت أنا لسه باتحرك باعيش
إزاي تقولوا إني مت وصرخت بس ماسمعونيش
وسمعت ناس بتحبني وتقول ده كان طيب قوي
وسمعت ناس بتسبني وتقول ده كان شرير قوي
ولما جت ساعة الحساب لقيتني مطرود من السما
مقفول في وشي كل باب ونفسي سودا مضلمة
فتحت عيني لقيتني حي والشمس مايلة للغروب
فشكرت ربي لأنه حلم وعاهدته إني أرجع وأتوب
