1- ياما في بعدي قرب مني وناداني باسمي وحاكاني على بابي يوقف مستني وما عرفته إنه اللي فداني
ياما كتير سمعت الصوت ومن جهلي ما تركته يفوت وأنا واقع في حبال الموت متمرمر قلبي في زماني
2- ياما وياما تعبت ليالي وأنا عم فتش وهوي قبالي
بسأل عنه كل الناس يا مين يجاوب سؤالي
من حيرة قلبي صرختله عرفني ع ذاتك قلتله
ضاع الأمل وعمري كله خلصني يا ربي ارحم حالي
3- فجأة بنوره فتحلي عينيّوكشفلي كل اللي فيّ
وعرفت اللي مقسي قلبي أتاريه مليان بالخطية
بدموع التوبة صليت ولأول مرة حسيت
إني ما بدي غيره يسوع يسود ويتملك عليّ
4- وارتاح القلب المحير وانفتح الباب اللي مسكر
وحملتني إيده الأبدية وبسلامه الإحساس اتغير
بلش قلبي يدوق الحب زاح الحمل وكل الذنب
وأنا سلمته كل القلب وصلاتي سمعها وما اتأخر
5- هلأ ناطر تنو يرجع ولعنده لبيته رح أطلع
رح شوفه أوقف قدامه وصوته وكلماته رحأسمع
ما عاد الموت يخوفني داسه يسوع ومنه خطفني
ولا قوة راح توقفني ومن حبّه رح أروى تأشبع
