يومها كان القلب دايق شيء روحاني شيء سماوي
لحن تاني خلّى حتى الصلوة يومها ماتنتهيش
والعجيبة لقيتني بانطق كلمتين مترنمين
طعمُهم طعم الحياة في كياني شيء ما يتحكيش
يا أول صلاة أنا قولتها بالتهتهة وصوتي فيه رعشة ودموع
ياه ع الترنيمات أنا عشتها ورنّمتها واللحن والكلمة يسوع
فتح عينيَّ ملك الملوك وقاللي يا ابني الله أبوك
غسلني دمه قرّبني منه كلّمني عني وقالي قول:
("أ ب ت ابتدي ابتدي أ ب ت أبتي أبتي")2
(غنيت وناديت ع الدنيا بحالها دوقوا الفداء
وحَبِيت ومشيت في طريقه تحت علم الرضا)2
(دوقوا الفداء دوقوا الحياة رب الفداء رّب الحياة)2
