1- قوم نزل عودك.. من ع الصفصاف
واستل نشيدك.. زي السيــــــاف
قوم رنم تاني.. مانتاش وحداني
ده الرب سنيدك.. والعدو خواف
القرار- قوم رنم.. قوم رنم
الرب يردك.. والريشة في يدك
فوق الأوتار.. زي المجداف
2- مركبنا اتحرك.. والميناء اتشاف
والريس جنبك.. ماسك الخطّاف
البَر أمان.. طول ما الإيمان
نغماته في قلبك.. عاليين ونضاف
3- قوم ده إلهك حي.. قام من بين الأموات
انفض كفن الأحزان.. قوم سيدك قام
4- راجع بغنايم.. لولي وأصداف
والمركب عايم.. من خير أصناف
عمال بترتل.. عودك بيهلل
فرحك يا سماوي.. مالهوش أوصاف
