حكيت لهم إزاي عرفتك لما اتسألت أنا في إيه
حلو الكلام وأنا باحكي عنك وأقول في يومها حصل لي إيه
وبابتسامة وقلبي طار لقيتي باوصل وأنا باغني
يا الحكاية اللي فيها نار الحضرة دي مش رايحة مني
وبعد أما قلت إزاي عرفتك وإني عايش علشان كده
رحت بغنايا لفكرة عندك حروفها مش متأكدة
كأني عارفك من زمان كأني عشت كتير معاك
كأن شيء م الحق بان وقال بإني مولود هناك
وكنت باجري هناك وبالعب وكنت باشرب من بين إيديك
وكنت باعزف من فرط حبك وكنت باكتب الشعر ليك
وعرفت إني في وقت هارجع من غربتي لك يا وطن
وإن كل الحياة دي مقطع من حياة فوق الزمن
