١- النجم في السما بيشاور ع المسيح
وملايكة مرنمة بالحمد والتسبيح
وفي المذود يسوع نايم ومستريح
مع إن سرير يسوع أكيد ماهوش مريح
القرار- ماكانش فيه شجرة ميلاد في المذود البسيط
وماكانش فيه فريق كبير واقف بيقول نشيد
وماكانش فيه وياه عيال لابسين هدوم العيد
ولا بالونات ولا مخبوزات ولا أي شيء جديد
لكن ميلاد يسوع لينا النهارده عيد
٢- بترنم الملايكة بأجمل النغم
وفي المذود يسوع نايم مع الغنم
أمه بحنان تضمه بالحب والكرم
يرفع عينيه يشوفها يفرح ويبتسم
