عطشان

1- (كتير كنت باقول انت فين يا رب الوجود؟
فين ايديك اللي تداوي وتشفي كل الجروح؟
فينك وسط الأحزان؟ وليه جوايا مافيش سلام؟)2
وأتاريني في وسط الضلمة كنت بادور على النور
قاعد وسط دوشة وباقول عايز هدوء

القرار- (عطشان يا ربي سمّعني صوتك عايز أعيش سلامك بقوة روحك)2
(خدني في حضنك أنا خايف من كره وحب زايف)2
نوّر عينيَّ عشان اشوف حبك جوايا يمحي الخوف
ادوس معاك كل الشرور وأعيش فيك حر منصور

2- ده أنا نفسي أقابلك من زمان تبقى أبويا وصاحبي كمان
أشوف في عينك الحياة صوتك يفيض بالأمان
وقلبي يفرح بالسلام حبك يرويني بالحنان أعيش العمر كله ليك
أنا مش هاسيبك مهما كان