القرار- مش هاخاف لو إيه حصل لي ما أنت وياي
في المحن والضيق هاصلي ليك يا مولاي
1- ومنين الخوف هاييجي وإنت ليَّ معين
إنت راعي أمين وسنين بتفوت سنين وسنين
ما غبت عني يومين ولا حتى غمضة عين
2- وتروح بتغيب قوام وتروح ويعود سلام الروح
لما أحكي لك وأبوح معقول أنا ياما شلت حمول
حمول أهيه بتزول ومشاكلي ليها حلول
3- لا دموع ولا قلب كان موجوع ولا في عطش أو جوع
أبدًا معاك يا يسوع فرحان وما فيش في قلبي مكان
للهم والأحزان أنا قلبي كله سلام
