عنده أمل فيا (12 ترنيمة )

1- عنده أمل فيَّ وبيتأّنى ويطول باله عليَّ
محبته ليَّ هي اللي جابتني ليه
عنده أمل فيَّ وف قلبي قساوة وف قلبه حنية
مافيش مثاله في عطفة والحب اللي فيه

القرار- (اللي بتعمله ده كتير يا يسوع يا حبيبي مالكش نظير
بتقابل شرِّي بالخير
اللي بتعمله ده كتير قلبك دايماً طيب وكبير
وبترحم ضعفي يا قدير)2

2- الحب ده كله ها ألاقيه فين غير عندك
قلبي انت حياته إنت اللي باقول له أنا عمري كله ليك
أنا قلبي فاضل له حبة وهاينطق اسمه مع دقاته
و مش هافرَّط فيك ما صدقت ألاقيك

1- بانفذ اللي تقول عليه من غير ما أقول إزاي وليه
شايف باطيعك قد إيه قدام الناس؟
وأما أبقى وحدي بانكشف ألاقيني من غير ما أتكسف
بازعل لك وبادوس عليك من غير إحساس
القرار- وباصلي لك يمكن باكون عايز حاجات
يمكن في وقت المشكلات أسباب كتير لكن أكيد مش حب فيك
خليني أحبك زي أبويا حب أقوى من الظروف وأعبدك
مش عن طمع في نعيم ولا رهبة وخوف
خليك حبيب قلبي الوحيد وخلي حبي ليك يزيد
2- تعرف ساعات باكون بعيد
وأنا بين إيديك خايف لعمري يتخطف
وألقى الزمن جأة وقف ولسه أنا مش كلي ليك
حببني فيك

1- حكاية قديمة متعادة خطايايَّ بقت عادة
ولا فيه فرحة وسعادة ولا راحة لضمير موجوع
وهي يعني دي شوية أروح للموت برجليَّ
ليه أكسب متعة وقتية عشان أخسر حبيبي يسوع
ماباعملكشي خاطر ولا حتى باقدرك
باغامر بيك وأخاطر ماباخفشي إني أخسرك
2- وتُوبي بإيدي دنسته وقلبي بشري لوثته
وقلبك ياما حسسته بقسوة كتير وخيانة
وسايباك نفسي ومفارقة وأقول عادي وماهيش فارقة
حاببني حتى في الفرقة وقابلت الحب بإهانة
3- حنين بس أنا قاسي فاكرني بس أنا ناسي
تخرج مني أدناسي أحن وأروح أناديها
تعالَ بروحك أحييني وعيد من تاني تكويني
ذنوبي نار بتكويني ومحتاج لك تطفيها

1- (أنا خارج من تعبي وذلي للمجد اللي مستنيني
وإن صعوبات قابلتني إلهي هايشُق البحر يعديني)2

القرار- خارج من أرض العبودية بعد سنين الأتعاب ديَّة
بعد سنين الحزن هاعيِّد واتفك القلب المتقيد
أنا مش عايز غيرك سيد يا يسوع وحدك أُملك فيَّ

2- (عينه عليَّ وبيرعاني هو معايَّ ليل ونهار
في الصبح سحابة من فوقي بالليل قدامي عمود نار)2

3- (حبني خلّى حياتي تساوي ريَّح لي القلب الموجوع
وصبح لي من سماوي جُعت وجه شبعني يسوع)2

4- (خرَّج لي ميَّة من الصخرة أنا عطشان وحبيبي رواني
من بعد العبودية المُرَّة هارجع أرنم وأفرح تاني)2

1- اللي بيقدر يغفر هو اللي بيشفي من جراحاتي
ويكللني برحمة ورأفة وبيفدي من الحفرة حياتي
زي يوحنا باحب أميل على صدر يسوع اللي فداني
هو طويل الروح وحنين وبيشبع بالخير أيامي

القرار- كل ما فيَّ يبارك اسمه الرب اللي مافيش في صفاته
أنا بارفع اسمه وباسجد له أنا مانساش أبدًا حسناته

2- مجري العدل وهو النصرة لما باكون مظلوم وباعاني
بيشيل همي ويبعت فرحة تسكن قلبي مكان أحزاني
وكابعد المشرق م المغرب أبعد عني جميع معاصيَّ
من رحمته قلبي بيتعجب ده وعدني بحياة أبدية

3- على خائفيه دايمًا يتراءف ومخافته تبدد لي مخاوفي
م السماوات بيبصوشايف احتياجاتي وداري بضعفي
عارف إني تراب وبيرسل إيده القادرة تشيل ضعفاتي
هو بدمه الطاهر يغسل كل شرور عمري وشهواتي

(مين قال سهلة عليَّ ده أنا يوم ما بتيجي سيرتك
تنزل دمعة عيني وأندم علشان خسرتك)2

القرار- (واحشني يا حبيبي واحشني يا يسوع
ومش قادر أجي لك قدّرني على الرجوع)2

1- (أنا خاين مش أمين قالوا لي يسوع إلهك أنا قلت يسوع ده مين؟)2
خاين أنكرت اسمك الناس سألوني عنك وقلت أنا ماعرفوش
قالوا لي ده حب عمرك فقلت ده كان حبيبي وبقيت مابحبهوش

2- (رجعني يارب ليك غلطان علشان نسيتك وتعبت عشان ناسيك)2
جاي لك وهاعيش في حضنك ومهما قابلت هاصبُر مهما تكون الظروف
خليني بجد أحبك خليك وحدك حبيبي وشيل مني أي خوف

1- وكتير قاسيت وكتير بكيت
وناسي إني ليَّ أب وليَّ بيت
ورجعت ليه شفت في عينيه دمعة
وقال لي أنت سايب حضني ليه
أنا قلت له بردان جعان فيك احتميت

القرار
وضمني اتدفيت وشبعت واستكفيت
وياريتني من زمان
أنا كنت عدت وجيت

2- أنا أخطيت وعليك نادي تشيل
حملي عني من حمولي أنا انحنيت
أنا باستجير بيك يا قدير أقبلني
حتى لو أكون عندك أجير
قال لي أنت ابني خلاص
أنا لماضيك نسيت

قد إيه قلبي وجعني لما أخدوا مني ولدي
يا عدرا دهأنتي أم يعني دقتي همي ودمع خدي
القرار-آه يا وجعي يا مراري يا إلهي طفي ناري
مش باقول هاخد بتاري بس عدلك هو قصدي
1- نفسي بنتي لما تخرج تيجيتاني بالسلامة
وأبقى مش خايفة عليها م المشاكل والمخاطر
نفسي أي وشوش حزينة تلقى تاني الابتسامة
نفسي للعشرة اللي بيننا نبقى نعمل ألف خاطر
مد إيدك يا رجايَّ ياللي بيك كل الحماية
قول لهم إنك معايَّ أصلهم فاكريني وحدي
2- إيه اللي يمنع نبقى واحد رغم أي فروق في ديننا
يلا إيدك ويَّا إيدي نحط للكراهية آخر
أنا إيريني وإنتي فاطمة بس حب كبير ما بينا
افهموا ده الله محبة زي ما هو رحمان وغافر
قولوا للظالم كفاية ذنبهم إيه الضحايا
بالطحن تحت الرحايَّ يا إلهي خد بيدي

-1 أناهاتحمل وياك الضيقة لآخرها
ومعونتك مش هازعل أبدًا من تأخيرها
نفسي عارفة إن ده كله هايبقى لخيرها
هاستحمل مهما الضيقة تطول

-2فيه باب مفتوح وسط الأبواب المقفولة
والمايلة مسيرها بكره هاتبقى معدولة
ليك حكمة ويمكن بالنسبة ليَّ مجهولة
بس أنا عارف شدة وهاتزول

3- ضيقة ومسيرها تنتهي وشدة هاتزول
أيوب صبر وشوف نتيجة صبره إيه
وكله للخير مهما يحصل بس قول:
ربنا موجود وسيب حملك عليه

4- زمن الضيقة بيطول تقدر على تقصيره
وتنسيني وبتشفيني من تأثيره
جبل الهم إنت اللي بتقدر على تكسيره
وبتدي سلام فاق العقول

القرار
مابقتشِ مجر دبني آدم لا
ده أنا ابنه الغالي عليه
ملح الأرض ونور العالم
هيكل روحه بيسكن فيه
أنا فرحان وأحلو زماني
من بعد الله ما أتبناني
ده رفع من قيمتي وعلاني
عز ما كنتش أحلم بيه

1- بيحبني وبيعتني بيَّ زي ما قال
اللي يمسني مسُّ عينيه
فوق الأذرع الأبدية أنا متشال
أنا مطمن وهاخاف ليه
2- الشوك اللي بيوجع فيَّ خلاه زال
ومسيج حوليَّ بإيديه
هو عطوف مليان حنيه
هو ما زال ناقش اسمي على كفيه
3- بيشيل عني كل خطية والأحمال
بارميها قدام قدميه
ده وهب ليَّ حياة أبدية وراحة بال
وهاعوز أكتر من كده إيه

شايل صليبي وراك أنا وماشي
عالم رخيص دنيا ماتسواشِ
وأنت اللي غالي يا يسوع وحدك
وأي حاجة عليك ماتغلاشِ
أنا مركبي ضد الغرق علشان يسوع فيها
أمواج عواصف كل ده بيعمل حساب ليها
يا يسوع على بر النجاة امتى توديها؟ امتى
هافضل معاك ولا أي شيء أبدًا هايمنعني
مانا لو خسرت حياتي إيه في الكون هاينفعني
أنا تبعتك وقت لما قلت ليَّ اتبعني أنت
ومهما أقابل من مخاطر أو مشاكل أو أذى
أنا برضه قابل كل ده علشان حياة التلمذة
وقت المخاوف مش باخاف وقت الهموم أنا قلبي شاف
سيدي المسيح جايب فرح جايب سلام باعت عزاء
لاقيت حبيبي أزاي يا ناسِ من إيدي تاني أضيعه
صوته الجميل ليَّ دليل دايمًا باطيعه وأسمعه

1- لما البيوت قفلت بيبانها في وشه
مجوه الشوارع راحوا يبنوا عشهم
عصافير وأي غراب في إيده
يغشه ميخطف برائتهم وياكل لحمهم

القرار
(يا رب دول في رعايتك
أنت وبين إيديك
ومستحيل يا رب منك يتنسوا
أصل الحنان والحب كله يا رب
فيكل و حتى كل الناس قسوا)2

-2فاتح بيبانك لو بيباننا اتقفلت
ورحمتك بأنفسنا ياما اتكلفت
وعينيك ولا نعست في يوم ولا
غفلت اسهر عليهم لو يناموا وينعسوا

3- أنت الأمل والضي في الليل الغمي
وأنت النجاة والبر في البحر الغريق
ووحش أحزاننا يكون حر وطليق
أنت الوحيد بتلجمه وبتحسبه