بشوفك (12 ترنيمة )

1-أجمل ما تشوفه عينيَّ جمالك يا يسوع
انت الأبرع جمال من كل الناس
أعمق ما يغيّر فيَّ كلامك يا يسوع
ده كلامك ليَّ هو روح وحياة

القرار- هللويا انت اديتني الحياة هللويا أنا كلي ليك
لو طول العمر هارنم وأشكرك أكيد كلماتي ماتوفيش

2- أكتر راحة حقيقية في قربك يا يسوع
ده كلامك حلو وكلك مشتهيات
أقدس حب وحرية في حبك يا يسوع
ده كمالك عدَّى وفاق الكلمات

القرار- (تيجي تاني وبأغاني نلقى كل الأماني وعدك أنت لينا من سنين
وف معادك يوم ميلادك الملايكة تغنيها لنا بشرى حلوة لكل التعبانين)2
1- ناس كتيرة عايشة مستنيه بشرى تيجي تفرح قلبها
أحلام كبيرة إن بكره يبقى أحلى فجره ينوّر أرضها
(أحلى خبر تسمعوه تصدقوه وترنموه إنه إلهنا جانا من السما
ساب غناه وبرضاه جه يعيش في وسطنا عشان لحضنه تاني يردنا)2
2- إزاي عينينا تتحول ولو للحظة عنك وأنت شمسها
إلهنا لينا هو واهب كل نعمة ضامن حياتنا كلها
(مفيش سدود أو حدود مهما يحصل تيجي توّقف كلمة واحدة قالها ربنا
فرح سلام مهما كان وأمان ده وعده لينا خير ورحمة دايماً للأبد)2

1- الشمس ما رضيّتش إنها تشوفك بتموت
غابت والكون في ذهول إزاي خالقنا مصلوب
أنت خالقني في الجنة خلّتني ملك على المخلوقات
كنّا بنحكي وكنّا بنتمشى مع بعض زي الأصحاب
(لكن زمان لحظة هوان اخترت إني أتعدى الوصية
جريت بعيد وسيبت أيديك روحت لعدوي وسمعت للحية)2

2- كان العقاب الموت بقيت بعيش في الموت
بعد ما كنّا لأصحاب دلوقتي مفيش غير خوف وسكوت
كنت لما أغلط بقدم ضحية تاخد الموت عنّي
لكن إيه يكفي يمحي لي الخطية ويرجعلي سلامي
(جيت بأعمال صالحة قدام الحكم بموتي تشفع ليَّ
لكن ميزان حكمي مليان وإيه يوّفي عدل الحرية)2

3- جه الناموس يثبت إن أنا عاجز ضعيف
والذبايح بتمهد لمجيئك أنت للصليب
جيت من عذراء عِشت من غير خطية كنت بتحيي وبتشفي
الخالق كان القاضي والضحية جه للمخلوق يفديه
سيبت الأثيم ينفذ فيك الحكم بموته وأديته النجاه
على الصليب خليتني بريء ولما قمت أديتني الحياة
(لما السجين يخرج بريء من سجنه يرجع بيته من تاني
لكن لبيت الآب العظيم رجعتني وخليته عنواني)2

1- ما من شيء يستطيع أن يأسر قلبي مثل حبك يسوع
ما من شخص يستطيع أن يملك قلبي إلا أنت يا يسوع
القرار- (بحبك غمرتني ببرك كسيتني أنت إلهي شفيتني فديت نفسي)2
يا يسوع يا سيدي
2- ما من شمس تستطيع أن ترشد عيني مثل روحك يسوع
ما من كنز يستطيع أن يشبع قلبي مثل كلامك يسوع
3- ما من فرح يستطيع أن يغمر قلبي مثل قربك يسوع
ما من سؤل يستطيع أن يشعل قلبي مثل مجدك يسوع

1- بشوفك في دموع طفل حزين بشوفك في إحتياج المساكين
أنت خلقتنا جيت لأرضنا عِشت في وسطنا وعالم باللي نمرّ بيه
القرار- أنت بسمة وجه الحزين أنت رجاء المظلومين
أنت الأمل لليائس اللي حاسس إنه وحيد
أنت شفاء المتعبين أنت تقوّم المنحنيين
أنت النور للي تايه اللي مش لاقي الطريق
2- من المذود للصليب شيلت آلامنا من غير خطية عديت في واقعنا
3- ده همس القلوب سامعه يا حنون قبل ما باناديك نلقى في شخصك كل عون

1- (وسط زمن مليان زيف وشرور لا في أبيض ولا أسود بهتان مغشوش)2
ومبادئ الله بتتلّون (لحساب أهواء ورا الوشوش)2

القرار- (أنا مش لوحدي الله معايا ماسك بإيدي بيقود خُطايا)2
الأول (هاحسم معركتي مع ذاتي و هاصلبها بنفسي
عشان أخرج أواجه وأنا عارف ايه قيمتي ودايماً ايه هدفي)2
ايه قيمتي ودايماً ايه هدفي

2- (وسط عالم غرقان في الخوف والموت بقى قيمة الإنسان في الدين واللون)2
يا تلاقي الحرية مبتورة (يا بسبب الحرية الظلم يسود)2

1- (عن الحب أنا سمعت كتير عنه قريت في الاساطير
وأمثلته في حياتي أغلبها متشوهه)2
(وكتير بتبقى كلمة آخرها غنوة حلوة)2
وياما إحنا نقولها و يبقى وراها مصلحة
القرار- لحد ما شوفتك أنت على الصليب مكاني
لقيت للحب معنى نوري لي قلبي وكياني
لقيتك أنت أملي شفيتني من جروحي
حبك كامل حقيقي حررني من كل خوفي
2- (ليه حلمي يذلني ؟ مش لاقي اللي يحبني
و يقبلني في ضعفي وبحبه يغيرني)2
(ما بين أسماء كتيرة فضلت أطير في حيرة)2
(مع إن أنت عارفني باسمي وبتناديني ليك)2

القرار- مُت علشان أعيش بحب ما ينتهيش
بجروحك شفيت جرحي من الخطية
فديتني من الهلاك وعدت هكون معاك
وفتحت السما أعددت مكان ليَّ
1- ربي في الصليب بلقى شري ورحمتك
بلقى جهلي وحكمتك بلقى أثمي وبرك
أنت يا عجيب لما بعدت أنت ناديت
لما سقطت أنت فديت نفسي بنفسك
2- وف وسط الآلام بعد ما أنكرتك كمان
فاكر تنظر لي بسلام وعينيك بتقول بحبك
يملك قلبي أيه غير توبة و شكر ليك
كل العمر هعيشه ليك دايماً بقربك
3- مع إن خطيتي سبب ألمك فوق الصليب
لكن فاتح حضنك عليه وبتدعيني لحبك
حتى على الصليب وسط آلام وعذاب رهيب
لما صرخت صرخت بالغفران من قلبك

القرار- أنا هاجيلك بضعفي مش هاهرب تاني وحدي
أنا هاجيلك عشان انت الضمان
أنا مليش غيرك انت ، انت اللي كفايتي عندك
أنت صخرتي فيك الأمان
1- يا إلهي مهما كان فيَّ آثام هاهرب من وجهك أنت وأروح لفين؟
ده مافيش ولا أقوى ضلمة تقدر على نورك انت
حبك ورحمتك أأمن مكان
2- يا إلهي مهما كان فيَّ آلام هاهرب منك بحيرتي وأروح لمين؟
فكرك فوق الحدود بالخير دايماً تجود
ده في عالم كله شر انت السلام

1- شخصك لينا فرحك فينا مالي حياتنا معاك أفراح
روحك فينا بيعزينا سر القوة وكل نجاح

القرار- شايفين بعيون إيماننا أنت إلهنا ليك السلطان
فوق العالي أنت الأعلى فوق المحدود مهما كان

2- عايشين وأنت إلهنا ملكنا ملوك نخدم في الملكوت
يكبر فينا ويكبر بينا تُرس إيماننا وسيف الروح
عابرين الوادي بأغانينا بنخلّي الصحراء ينبوع
لينا مدينة مالية عينينا ملكها وضامنها يسوع

القرار- (أنت إله عظيم السنين معاك بتشهد عنك
أنت إله أمين كل يوم جديد لينا مراحمك)2
1- (اسمك عالي برج حصين بيه نتمنع بيه نتمتع
اسمك غالي حلو كريم فوق ما بنطلب انت بتصنع)2
(وهنهتف نرفع أغانينا أنت إلهنا الحي راعينا
مفيش شيء يقدر يفصلنا عن حبك أنت يا فادينا)2
2- (أنت السيد ليك القدرة ليك العظمة وكل مديحنا
أنت قريب أنت الصخرة يا مالي بمجدك غربتنا)2
(ياللي رعيت في الماضي حياتنا معانا ودايماً تبهرنا
ضامن بكرة ومستقبلنا ماليه بحضورك يا إلهنا)2

1-ليه بقت أحلامنا بس مهرب وقت نومنا ؟
نبقى في نومنا فرحانين ونصحى على واقعنا
في منامنا الحلم صاحي ولما نصحى يموت يقاسي
إمتى تخرج من قبورها وتبقى للحياة ؟
القرار- خلي ربك رب حلمك خلي نور وجهه يدلك
ده مفيش ثمر هيطلع غير بإيمان وعمل كتير
وسلامه في آلامك يرفعك أعلى جبالك
زي النسر أفرد جناحك ده أنت ليك إله قدير
2- وهتيجي كتير رياح هتيجي ليالي ضلمة
لكن ده رب النجاح بنفسه هيحمي حلمك
طول ما حلمك في مشيئته امسك فيه وعيش حقيقته
ربنا بيدي النجاح وإحنا بنبني معاه
3- هل فكرت في إيه ميراث هتسيبه بعد عمرك ؟
هل يكون فخرك أكيد وخير للي بعدك ؟
الله ميّز كل واحد بالإرادة وبالمواهب
تيجي نستثمر ونزرع ونعيش معنى الحياة
4- مرة هيهدي لك بحر عشان يبني إيمانك
مرة تاني يهدي قلبك عشان يبني سلامك
مرة يأمر ويهديه ومرة هيمشيك عليه
ثِق وصدق إنه صالح وقوم كمل معاه