بشاي رأفت (4 ترنيمة )

1- السِّنِينْ بِتْمُرّ بِينَا وِالْعِشْرَه مَا بِيننا بِتْزِيد
وكُلّ يُومْ يِحْكِي حِكَايِةْ حُبّ وأَمَانَه ورَحْمَه وخِيرْ
وِالنِّعْمَه اللِّي مسَكِننا فِيهَا بِتْكَفِّي الْعُمْر تغْمُرْنَا وِتفِيضْ
دَه كفَايَه نُورْ وَجْهَكْ عَلِينَا يِمْلانَا نُورْ طُولْ الطَّرِيقْ
القرار -
(فُوقْ السَّحَابْ بَارْفَعْ تَسْبِيحي
فُوقْ الْجِبَالْ بَاغَنِّي لِيكْ
فُوقْ كُلّ صَعْب وكُلّ حِيرَه
بَاعْلِنْ صَلاحَكْ وبَاشْهَدْ لِيكْ)2
2- يَامَا بعِدْنَا ويَامَا نسِينَا لَكِنَّكْ أنْتَ بتِفْضَلْ أَمِينْ
بترُدّ نفُوسْنَا وتضَلِّلْ عَلِينَا وبتِغْفِرْ لِينَا وتِشْفِي الأنِينْ
دِي الأيَّامْ تِشْهَدْ عَلِينَا وبتِشْهَدْ انَّكْ أنْتَ الْعَظِيمْ
دَه بحُبّ وحِكْمَه بتْشَكِّلْ فِينَا مِينْ زَيَّك أنْتَ الرَّاعِي الْمُعِينْ

1-أجمل ما تشوفه عينيَّ جمالك يا يسوع
انت الأبرع جمال من كل الناس
أعمق ما يغيّر فيَّ كلامك يا يسوع
ده كلامك ليَّ هو روح وحياة

القرار- هللويا انت اديتني الحياة هللويا أنا كلي ليك
لو طول العمر هارنم وأشكرك أكيد كلماتي ماتوفيش

2- أكتر راحة حقيقية في قربك يا يسوع
ده كلامك حلو وكلك مشتهيات
أقدس حب وحرية في حبك يا يسوع
ده كمالك عدَّى وفاق الكلمات

1- (عن الحب أنا سمعت كتير عنه قريت في الاساطير
وأمثلته في حياتي أغلبها متشوهه)2
(وكتير بتبقى كلمة آخرها غنوة حلوة)2
وياما إحنا نقولها و يبقى وراها مصلحة
القرار- لحد ما شوفتك أنت على الصليب مكاني
لقيت للحب معنى نوري لي قلبي وكياني
لقيتك أنت أملي شفيتني من جروحي
حبك كامل حقيقي حررني من كل خوفي
2- (ليه حلمي يذلني ؟ مش لاقي اللي يحبني
و يقبلني في ضعفي وبحبه يغيرني)2
(ما بين أسماء كتيرة فضلت أطير في حيرة)2
(مع إن أنت عارفني باسمي وبتناديني ليك)2

1- ما من شيء يستطيع أن يأسر قلبي مثل حبك يسوع
ما من شخص يستطيع أن يملك قلبي إلا أنت يا يسوع
القرار- (بحبك غمرتني ببرك كسيتني أنت إلهي شفيتني فديت نفسي)2
يا يسوع يا سيدي
2- ما من شمس تستطيع أن ترشد عيني مثل روحك يسوع
ما من كنز يستطيع أن يشبع قلبي مثل كلامك يسوع
3- ما من فرح يستطيع أن يغمر قلبي مثل قربك يسوع
ما من سؤل يستطيع أن يشعل قلبي مثل مجدك يسوع