عشق النفوس (10 ترنيمة )

القرار - وأنا وياك .. وأنت معايا بتهون الدنيا ويهون شقايا
ساعتها بس بقول كفاية مش عايز حاجة غيرك معايا
أنت يا رب عليَّ كفايا
1- وأنا وياك بحس براحة مبحسهاش مع الإنسان
وأنت معايا بكل صراحة بلاقي الطيبة والأمان
2- وانت معايا مطمن قلبي طول ما أنا حاسس إنك جنبي
وهخاف من إيه وانت يا ربي حافظ نفسي .. رفيقي في دربي
3- وأنا وياك بنسى همومي بنسى مشاكل أمسي ويومي
وألاقيني إني فرحان بغني والعالم كله مش بيسعني
4- عمري ما يوم أبداً حسيت إني لوحدي .. إني وحيد
دايماً جنبي يا رب معايا خطوة بخطوة الإيد في الإيد

مستنينك يا رب تمسح .. الدموع من عيون المظلومين
مستنينك تيجي وتفتح .. العيون إللي م الخوف مقفولين
انت قولت إنك هاتيجي .. وهاتكون معين للمساكين
وفي حضنك تاخد التعبانين .. وتجبًر كسر المكسورين
محتاجينلك ، بيناديك .. أرجوك إلحقنا خبينا فيك
مستضعفينا .. لأ وشايفينا .. ملناش سند .. ودي إهانة ليك
الحرب قايمة ومش علينا .. صدقني يا رب الحرب عليك
اعمل إللي تشوفه فينا .. نستاهل إحنا غدرنا بيك
عارفين إن الشر زاد .. وغضبك إحنا فيه السبب
انت بالحنان وإحنا بالعناد .. لحد ما اتملى كاس الغضب
مش هنقولك ليه سايبنا .. والتجارب ليه بتحاوطنا
إحنا إللي سيبناك يا رب وانت .. جوه عينك دايماً حاططنا

1- يا خالق وواجد ومُبدع ف خلقك .. ما أعظم عمايلك في كل خلايقك
يا قلب المحبة، إيدين الأطبة .. برعايته وحنانه وأمنه وضمانه
أنشأ وعلّم وكبّر وربى
القرار - بيقولوا في السما والسما كلها مش أدك .. يا حد البحور ولا شيئ يقدر يحِدَّك
يا صانع وبارع، يا غارس وزارع .. مغطي الخليقة ببهاءك ومجدك
لا قبلك يا رب كان، ولا باقي حد بعدك
2- يا راسم خطوطي، وناسج خيوطي .. مكون عظامي وملامحي وصوتي
يا واهب حياتي، يا مركب نجاتي .. يا ملجأ لنفسي، مرسايا وشطوطي
تصرخ لمجدك الحجارة ف سكوتي

3- يا رافع بقوة الأكوان التقيلة .. معلقها في الفضا مع إنها شيلة
إيديك يا رب تصنع آيات ومعجزات .. قوات فوق استيعابنا وعجايب مُستحيلة
تشهدلك أعمالك والطبيعة الجميلة
4- يا شمس الشموس، يا حلم العروس .. يا شهوة الروح وعشق النفوس
أتاري إللي عرفك حقيقي وحبك .. وجرب وداقك قرر يدوس
ع العالم برجله ولا تغريه الفلوس

مليان أمراض كتيرة وبرضو ماشتكاش!! بابتسامته البريئة الرقيقة بيننا عاش
راعي يخفف الحمول عن دول ودول .. وآه واحدة منه ألم، ماسمعناهاش!!
صَمتك علّمنا يا بابا شنودة نسلّم .. وصوت ربنا في صمتنا إللي يتكلّم
كُنت البابا وراعي حنيّن .. كُنت المُعلّم
حاجات كتيرة في وقتها مافهمناهاش .. ابتسامته إللي في الضيقات عنّا ماخبهاش
نلوم عليه ومايعجبناش!! ليه ماحلّهاش؟! يسلّمها هو لربنا إللي ما بينساش!!
للّي عن ولاده وحبايبه ما يتخلاّش .. ومشاكلنا الصعبة علينا عليه ماتستعصاش
حَفَر فينا الوصايا وعلّمنا إزاي تتعاش .. صَحى السلام جوانا وإحنا في الإنعاش
الشدة مسيرها تنتهي ماتخلوهاش .. تاكُل عُمركو ووقتكو يا ولاد بلاش
ربنا موجود بيحبكوا، دموعكو ما يستحملهاش .. شايف وعارف طلباتكو، إللي ماطلبتوهاش
وكله للخير بيقولكو، ولا لحظة ماتخافوهاش .. وإن شر مقصودلكوا لا يمسُّكو، عنكم متحاش
علّمنا إن ربنا مابيسيبناش .. حتى إن نسيناه من ضعفنا، ما بينساناش

1- لما تحس إن انت بتغرق .. أو نار حواليك تاكل تحرق
وتحس إنك واقف وحدك .. والموت روحك منك يسرق
خليك فاكر ..
القرار - مهما الشر بمكره الغادر .. هجم عليك خلاك مشلول
خليك فاكر ربك قادر .. ولأي مشاكل عنده حلول
ولو أمر تختفي علي طول
2- لما تحس بنفسك عاجزة .. ودموعك من غير أمرك جاهزة
وتحس إنك جوه كابوس .. وتجارب لإيمانك هزة
خليك فاكر ..
3- لما تحس الدنيا اسودت .. فجأة ف عينك قافلة اتسدت
وتحس اليأس اتمكن منك .. وحياتك ف لحظة اتهدت
خليك فاكر ..
4- لما تحس إنك مظلوم .. ومن العدل بعيد محروم
وتحس بمرارة ظلمك .. قايم نايم ف الهموم
خليك فاكر ..

1- أنا مشغول لكن مش بيك .. نفسي يا إلهي تشغلني
وأفضل على طول أفكر فيك .. ولا عنك حاجة تعطلني
وأعمل وأقول إللي يرضيك .. عشان انت بجد إللي هاممني
القرار - اربطني بيك .. ثبتني فيك .. خلي اشتياق القلب ليك
خليني عايش مستنيك .. نسيني روحي ولا أبقى ناسيك
2- بقى معقول أفرّط فيك ؟! وانت إللي في ضعفي مكملني !!
دا أنا ما صدقت يارب ألاقيك .. ولا هاسيبك مهما قابلني
هفضل متبت قوي في إيديك .. لحد الملكوت ما تدخلني
3- ماتسيبنيش أضيع روحي .. وأبكي ولا تنفعني دموع
بدّل أحلامي وطموحي .. إللي في الأرض مزروع
خلي قلبي وعقلي وروحي .. طايرين ويا بخور وشموع

1- عودت نفسي لما اخاف اجري عليك وانسي حمولي المتعبه واتداري فيك
والاقي روحي اطمنت وانا بين ايديك ما انت اللي وقت التجربه دايمآ ساندني
القرار - دلوقتي بندهلك ف عز ما قلبي خايف يا الهي محتاجلك وقدام عيني شايف
ايدك بتتمد لايديا ولأني عارف قوة وعودك جاي بقولك اوعدني
2- اوعدني لو كترت حمولي تشيل معايا اوعدني تمسك دفتي لحد النهايه
ولو وقعت .. اغفر ذنوبي والخطايا يا شمسي وقت العتمه ارجوك انجدني
3- اوعدني تفضل جنبي مهما تفوت سنين ما انا اصلي وحداني وغيرك ليا مين
انت ابويا وربي والخل الأمين فرحني بيك قربني ليك وساعدني

عمري كله عشت أضيع .. سنين حياتي من إيديا عشت في وحل الخطية .. والحياة عمت عينيا
الظروف حجة خيابتي .. في الشرور بانت حقيقتي كنت واهم نفسي فايق .. لكن غشاوتي ضيعتني
اتقفل باب الخطية .. لقيت إيديك بتحاوطني ومش عارف منك أهرب .. وأديني جيت ولاقيتني
لسة فاكر نفسي أقوى .. من حاجات توهتني والشيطان واقف وساكت .. كنت فاكره بيساعدني

أمي بخبط على بابك .. وكلي عشم ما ترُديني مكسور قلبي وماليش مكان .. غير حضنك انتي انجديني
أنا جاي واقف قصاد بابك .. محتاج يا أمي تضميني وكلي إيمان تفتحي لابنك .. وتاخدي بإيدي تنشليني
ياما قلوب فيها آلام .. الحمول عنهم شيلتي ياما قلوب مليانة حزن .. عزيتيهم، وطمنتي
وقت الضيفات بتضمينا حاسة بآلام المجروحين كل نفس جاتلك حزينة .. ما رديتيها لو هي مين
أم يسوع، أم الإله .. مين طلبك يوم وبات حزين؟! أم يسوع، أم الإله .. بابك مفتوح للخاطئين