اسندني٢- ليك الكلمة الأخيرة (12 ترنيمة )

١-لما الرجا من قلبي يغيب وألقى الأمر يزيد في صعوبته
وبتتشابك كل خيوطه تبعت ربي الحل في وقته
(واختبارات الماضي تقول ياما لمست الرب معايَّ
لكن بارجع تاني وأخور ثبت عيني عليك يا رجايَّ)٢
القرار - (دايماً أخر كلمه دي عندك مستنيك تيجي وتقولها
كل خيوط الأمر في أيدك مين غيرك نفسي بيصونها)٢
مين غيرك يا حبيبي يصونها
٢-والمركب في ظلام الليل عيني هاتفضل منتظراك
خايف قلبي في حيرة عليل عايز يسمع إني معاك
(وفي سلطانك غير محدود رغم هياج البحر مسيطر
وسط هزيع الليل موجود والريح يسكت لما بتأمر)٢
٣-ياما حاولت وقلت لنفسي أيدي هاتقدر ومساعداني
لكن باتعب وأرجع أسلم وألقى أيديك على طول رافعاني
(هافضل دايماً مستنيك تيجي في وقتك تحيي إيماني
ولو في الميه هاصرخ ليك تمسك أيدي بحب يا غالي)٢

١-(يا اللي بتقدر تحمي حياتي يوم الشر ووسط ضيقاتي
جالس عالي فوق أعدائي ليك سلطان على ماضي وآتي)٢
القرار - سيف ممدود وباحارب بيه
بقوة روحك مش هاداريه
كلمة حقك جوة كتابك
(تدي النصره لكل أحبابك)٢
٢-(حتى إن كان الظلم قريب بانت أيد الشر قوية
أنت الأعلى فوق العالي تحميني بقوة سماوية)٢
٣-(يا اللي البحر بيهرب منك أنت بذاتك ليَّ حماية
وفي مملكة الناس تتسلط ضامن ليَّ الخير بكفاية)٢

١-مش هاحني راسي لحد غيرك ولا حد يستاهل خضوعي
ولا هارجو عطف وحب غيرك خليني عبدك يا يسوعي
القرار - وأعيش معاك دايماً أمين وأخضع لأمرك يا معين
هدفي يا ربي أعمل رضاك ومسَرتي أتبع خطاك
٢-طهر حياتي من حب غيرك حررني ربي من مجد ذاتي
أديني أمر علشان أجي لك وأحيا بقربك في حياتي
٣-أنت مُرادي وحدك حبيبي نظرة رضاك تشبع كياني
يكفيني مجد إن أنت سيدي وأطيعك أنت بإيماني

١-(في الأعماق والموج يلطمني ياما لمست الرب معايَّ
ولما القوة بتهرب مني بسرعة ألاقي الرب كفاية)٢
القرار - وأنا في عينين الرب عزيز بيَّ هايصنع إيه الإنسان
(غالي أنا محبوب مين قدي قلبي ماسك فيه بإيمان)٢
٢-( وسط النار يتمشى معايَّ مش هايسبني مهما يكون
مين يشتكي والرب حمايَّ ده اللي فداني هو يصون)٢
٣-(لما تضيق النفس بحالي وألقى عدوي جاي ورايَّ
تفتح ربي البحر أمامي ويبقى خلاصي يقين جوايَّ)٢

١-(كنت كفاية الآب في صليبك لذة قلبه وشبعه هناك
حتماً كافي ليَّ وشبعي وأنت حبيبي في أعلى سماك)٢
القرار - مش بارتاح غير لما أجي لك وأسكب نفسي وأسيب شكواي
وإحتياجاتي أسيبها في أيدك (قادر تصنع ما أنت رجاي)٢
٢-(ربي أنا عايش على مواعيدك مش مسنود على أي عيان
ثقتي هاتصنع وهاتتمجد وأنا منتظرك بالإيمان)٢
٣-(كافي لكل قطيعك يا اللي كنت المن لكل الشعب
وأهتميت حتى بأقدامهم مين زيك يا حبيب القلب)٢

القرار - (أنت أبويا معايا في صفي فوق الوصف في حبك ليَّ
أنت بذاتك ليَّ تكفي مين يأذيني بشكوى عليَّ)٢
١-ليَّ بكل محبة قلبك حب حقيقي بيدي كتير
اللي أداني الأغلى في حبه ليه يحرمني معاه من الخير
ليَّ صلاحك طيبة قلبك ليَّ في جودك كنز عظيم
رغم جحودي يفضل حبك يغفر أصلك أب كريم
٢-ليَّ يا أبويا بكل صفاتك مين راح يقدر يأذيني
كل أمانتك كل صلاحك حتى في ضعفي تقويني
ليَّ وعودك ليَّ كلامك والنعمة بتسند على طول
ليَّ شفاءك ليَّ سلامك ليَّ مراحمك مش هاتزول
٣-ليَّ بعظمة قوة وقدرة تقدر تحيي من الأموات
تقدر تحفظ من غير عثره تقدر تغمر بالبركات
ليَّ ومين يشتكي أو يقدر هاتبررني ومين هايدين
مهما الحرب تزيد أو تكثر وعدك دايماً منتصرين

١-(وقت الضعف بتدي معونه ما أنت رئيس الكهنه أمين
تترفق بينا في جهالتنا وتتحمل كل الضالين)٢
القرار - مين يقدر عنك يفصلنا كل عواطف قلبك لينا
وبقدرة يدك تحملنا منقوشه في صدرك أسامينا
٢-(تعرف ترثي لضعف عبيدك رحمة بتدي وعون في الحين
أتجربت بكل آلامنا علشان تقدر تبقى معين)٢
٣-(النعمة هاتفضل موجودة في حماها هانفضل مقيمين
ولعرشك نيجي بأتعابنا نتقدم عندك واثقين)٢

١- ليه أنا أعيش في الضعف .. مع إنك قمت من الأموات!
قمت بقوة وليَّ أعيشها .. وأسلك أسمى حياة)٢

القرار- (كفاية طعام العالم .. مُر وباطل مابيشبعش
ده انت طعامي وخيري .. ليه يا إلهي ما بتعلمش؟)٢

٢- (كفاية أعيش في خطية .. أو مربوك وأنا شايل نير
تعبت من العبودية .. مع إنك ليَّ إله تحرير)٢
٣- (كفاية محبة هزيلة .. ده حبك ليَّ ما يتغيرش
وأحيا بشكل أناني وأتوه .. من تاني وما بارجعش)٢
٤- (ليه أتحول عنك .. وأرفع عيني على الإنسان؟
احفظني قريب منك .. وابدأ أعيش وكفاية كلام)٢

١-(بانتظرك وباصبر ليك وأسكب قلبي في صمتي أمامك
ثقتي في شخصك بارتاح فيك عيني عليك باستنى خلاصك)٢
القرار - أنت الرب الحلو الصالح مين يُخزى من منتظريك
طيب للي بيترجاك ضامن للي أتكلوا عليك
٢-(أنت إلهي حياتي في أيدك شجعني وأنا مستنيك
جدد لي القوة وخليني وأنا منتظرك فرحان بيك)٢
٣-(لولا إيماني بعظمه جودك وصلاحك كنت أعمل إيه
أديني أتسند بوعودك شدد لي رجايَّ وقويه)٢
٤-(بارجع لك وأسجد قدامك وأستنى خلاصك بسكون
وأهدأ معاك يطمن قلبي ده خلاصي في شخصك مضمون)٢

القرار - (باتناول أنا من يدَّك اللي انت بتسمح بيه
وبرضا باتقبَّل منك يا إلهي والخير فيه )٢
١- ويقيني وكل إيماني إنك من خلف حياتي
وأصابع أيدك ترسم وبدقة طريق خطواتي
والأمر اللي يريحني متخطّط قبل الكون
معروف وبعِلم إلهي بالإسم و ايه هايكون
٢- والشر قوام يتحول بالقصد هايصبح خير
ولا يمكن يوم إنسان هايقاوم يد قدير
ولا يخطر يوم على بالي الخير هايجيني منين
على قلبك هافضل غالي و هاتفضل انت أمين

١- (بالحكمة انت وحدك .. ماسك زمام الأمر
كل الخيوط في يدَّك .. وأمين بطول العمر)٢
(ليك الكلمة الأخيرة .. مهما قالوا في كلام
عالي وإيدك قديرة .. قلبك مليان حنان)٢
٢- (صالح انت ومُحسِن .. صالح بطول العمر
وفي سترك انت نُسكُن .. مهما السنين بتمر)٢
(مهما الظروف تعاند .. وإن مرت الأزمات
تفضل بتقود وساند .. في أصعب الأوقات)٢
٣- (ما بتدي إلا الخير .. مهما المشهد ظلام
كله بأمرك يصير .. دي وعودك مش كلام)٢
(تفاصيل العمر عندك .. حاسبها بالإتقان
وحياتي هي ملكك .. حبك أفضل ضمان)٢
٤- (اديني عينين تشوفك .. وتصدق بالإيمان
ده مافيش أمر يفوتك .. و في إيدك السلطان)٢
(يا حبيبي ساعدني أشكر .. أسلِّم وأستريح
وأخضع لك ربي واصبر .. انت حكمك صحيح)٢
٥- (يتبعني خير ورحمة .. دايماً وفي كل يوم
إكليل إحسان ورأفة .. فوقي دايماً يدوم)٢
(وأنا تايه بتراقبني .. وبترثي لكل ضعفي
تشفع لي وتعالجني .. وبنعمة ترد نفسي)٢

١-ارفع عيني من البرية ثبِّت قلبي فيك يا حبيب
غير كل مشاهد حولي وخلّي آلام القفر تغيب

القرار - كل مناظر حولي تغيب لما أقعد يا حبيبي معاك
يصبح وجهي بيلمع بيك وأشبع ربي من رؤياك

٢-خلي معاك القعدة تطول سكِّن نفسي في الأحضان
عرَّف قلبي محبة شخصك يصبح كأسي بيك مليان

٣-خد بالنفس وحلَّق بيها فوق العالم والمنظور
يصغر كل الكون في عينيَّ وبالإيمان هافضل منصور

٤-تخرج نفسي من قدامك ريا وقلبي بيك مشغول
وأحيا العمر يا غالي أمامك متمتع أنا بيك على طول