لحن الألحان (17 ترنيمة )

1- (انت اللحن اللي باغنيه.. هايم في كلامه ومعانيه
نبضه في قلبي وعايش بيه.. هافضل عمري الجاي أحكيه)2
(انت غُنايَ وسر غِنايَ.. والتسبيح اللي أهتف بيه
شهوة قلبي وقلب سمايا.. لذة عمري وعمري ده فيه)2

القرار- (لحن الالحان.. اسمك يا يسوع
نغم الأنغام.. حبك يا يسوع)2

2- (رحلة حُبه تاخدني إليه.. وفي ترحالي شاخص ليه
عطش الروح بينادي عليه.. ساكن فيَّ وساكن فيه)2
(أنسى مكاني وأنسى زماني.. وأنسى الكل وأفكر فيه
واسمع صوته بيملا كياني.. ده اللحن اللي أنا عايش ليه)2

1-(جاي بذبيحة حمد باقدمها بقلبي الفرحان
جايب لحن في ايدي وكلمة باقدمها بإيمان)2
(جاي وباقدم ليك من اللي في ايدك ليك)2
(يا وطن الإنسان يا وطن الإنسان)2

القرار-(علمني أقدم ليك تسبيح يرفعني إليك)2
(وأكون كذبيحة حمد أنا بين إيديك)2

2-(ياللي اديتني حياتك حب أنا باهدي حياتي إليك
حبك ساكن جوه القلب وقلبي ساكن في ايديك)2
(قلبي يغني أكيد طول ما الحب يزيد)2
(ويزيد الإيمان يا وطن الإنسان)2
3-(اسمك أحلى أسامي الدنيا و أحلى أسامي الكون
مجداً لاسم يسوعنا الغالي وللجنب المطعون)2
(شمس الأرض تغيب والنور يبقى صليب)2
(راية الحق تبان يا وطن الإنسان)2
4-(ملك المجد واسمك عالي وفي ايديك السلطان
أمم الأرض وكل شعوبها وكل ملوكها كمان)2
(بكرة هاتسجد ليك تخضع تحت ايديك)2
(يا صاحب السلطان يا وطن الإنسان)2

لو باقي في عودي وتر هافضل أرنم بيه
حتى ولو عودي انكسر قلبي يرنم ليه
قلبي اللي كان انشطر واتقسِّمت أراضيه
ضمِّيت وحبك غفر غيرت ليه أغانيه
بحر الهلاك اتعبر في الدم أنا مخطّيه
يسوع مليكي انتصر يحق نهتف ليه
لو باقي.. لو باقي في عودي وتر هافضل أرنم بيه

القرار - رنم موسى وشعب الله عبر الرب وعبروا معاه
وإحنا بدينا طريق وحياة بعد صليبك يا ابن الله

1- (في البرية الشعب يسير في الحرية ومش كأسير)2
دم العهد ده للتكفير للتطهير مجداً لدماه
2- (في البرية نهاية الذات والرغبات ويا الشهوات)2
فيها نلاقي الاختبارات وهايشبعنا بمنّ سماه
3- (في البرية سحابة ونور والينبوع من صخر صخور)2
وشهادة تشهد لحضور رب المجد اللي شاهدناه
4- (في البرية الحرب أكيد فيها النصرة والمواعيد)2
طول ما يسوعنا ماسك بالايد هايوصّلنا لحد سماه

1- (بقلوب الشكر الفرحانة نسجد لجلالك يا فادينا)2
على عرش قلوبنا وجوانا توجنا يسوعنا علنا
القرار – (بهتاف هانرنم أغانينا وهانعلن ملك يسوع فينا)2
2- (بصليبك نعلن إيماننا وكلامك صخرة إعلاننا)2
والمسحة كفاية تعلمنا وبروحك ترشد خطاوينا
3- (بالروح الساكن في كياننا إعلانك يوضح قدامنا)2
وشهادة بترفع أعلامنا ملكوتك يتحرك بينا
4- (بالحب لحبك غنينا والحب الفايض يروينا)2
أعلنت محبة تخلينا نشهد لك مرفوعة إيدينا

القرار- باللحن مع الأشعار بالصوت ويا المزمار
بالنغمة على الأوتار ( القلب نقول يا يسوع ) 2
1- اسمك في التسبيحات يعلى وتعلى الأصوات
قدوس رب السموات قدوس اسمك يا يسوع
2- اسمك رب الأرباب وحدك يا وحيد الآب
ولا فيش في السما باب غيرك إنت يا رب يسوع
3- اسمك سحق الشيطان أعطى التلاميذ سلطان
نصرتهم بالإيمان قوة اسمك يا يسوع
4- اسمك سر الملكوت وصليبك غلب الموت
والخيمة والتابوت رمز حضورك يا يسوع
5- أجناد السمويات ربوات ألوف ربوات
واقفين كل الأوقات لكرامة اسم يسوع
6- تسبيح المصلين وسجود العابدين
تهليل الصديقين تمجيد اسمك يا يسوع
7- محبوب اسمك محبوب محفور جوه القلوب
لينا وعدك في المكتوب أفراح مجدًا ليسوع

1- (نغم الروح في كيانا غنوة و مترنمة
تجري في قلبك كلامنا كلمة و متلحنة)2

القرار - (إن قلنا وغنينا و نغمنا اللي مالينا)2
نسمع صوت الروح بيرنم لفادينا

2- (أي صعاب قدامنا حتى إن كان مؤلمة
هانعدي بترانيمنا قوتنا في فرحنا)2
3- (وهانرفع أعلامنا بإيدين متعلمة
بصليبه وصلباننا ورايات مش من هنا)2
4- (وهانعزف ألحاننا فوق وياه في السما
صوته اللي في أنغامنا صورته اللي في قلبنا)2

القرار - (هاتوا العـود هانرنم لـيـه هاتوا قـلـوبـكـم تـفـرح بـيـه)2

1- كل لغات الأرض بحالها كل حروفها و بأنغامها
كل آلاتها و بأوتارها و بأغانيها ما توفيه
2- احنا الشعب اللي تبعناه سبنا الدنيا وروحنا وراه
لا بينسانا ولا بننساه جوه أتون النار نلاقيه
3- هو الحب اللي بنحياه شُفنا حنانه ولمسناه
هو يسوعنا وعرفناه لما بحبه جذبنـا إليـه
4- هو لقانا في كل صلاة كل دقيقة بنستناه
حتى إن فات العمر معاه هايجمعنا هناك حواليه
وبقـيـثـارات هانـرنـم لـيـه كـل قـلـوبـنـا هـاتـفـرح بـيـه

القرار- رافع راية بالأناشيد راسم فرحي على الأوتار
كل حياتي للتمجيد أنا والعود ليسوع البار

1- (فرَّح ترنيماتي بيه نغمة في ضيّ السماويات
نادى حياتي عشان تناديه شكر وحمد وتسبيحات)2
2- (فَرْح عجيب الغمر سكيب فيض الحب رفعني إليه
راية الفرحة عليها صليب هو السر اللي مخبيه)2
3- (عهد الفرح مدى الأيام عهد سلامه لينا أكيد
مات علشانّا يسوعنا وقام داس الموت وعطانا العيد)2
4- (دوسي بعز يا نفسي كمان دوسي معاه كل الآلامات
عدِّي معاه فوق الأحزان ده اللي عطاكي الحريات)2

1- (عايشيـن لـك بالحـب و لـيـك كـل حياتنـا دي مـلـك إيـديـك)2
(إن عشنـا ليـك وإن متنـا ليـك)2 (منـك و ليـك عايشيـن لـك إنـت)2
2- (عايشيـن لـك عايشيـن لرضـاك وحيـاتـنـا يحـيـيـهـا نــداك)2
(ترفـع إيدينـا بقلـوب أمينـة)2 (ونقول فادينـا عايشيـن لـك أنـت)2
3- (عايشـيـن لـك غـربـة أيــام هاـتـعـدي ولــو فـيـهـا آلام)2
(إنـت الصديـق وإنـت الطريـق)2 (لو فيها ضيـق عايشيـن لـك أنـت)2
4- (عايشيـن لـك عايشيـن للـقـاك ماشيين لــك ماشيين ويـاك)2
(ماسـك إيدينـا وإنـت السفينـة)2 (وإنت المدينـة رايحين لـك أنـت)2

القرار- وحدك نـــور الأنوار وحدك بر الأبـــــرار
وحدك طهر الأطهار يا إلهي يسوع البار

1- وحدك رب القوات وحدك ضي السموات
ولكل المخلوقات إنت الحياة يا يسوع
2- وحدك صاحب السلطان وإنت الــرب الديــان
يســــجد لك كل كيـــان و يرنـــم لاسم يسـوع
3- وحدك فخر الأكوان وحدك نور الإيمـــان
وحدك فادي الإنســان وخلاص آدم يا يسوع
4- وحدك فادي الخطاة وحدك معطي الحيـاة
والترانيم و الصـــلاة إليك وحدك يا يسوع
5- وحدك يسوع المحبوب تســجد لك كل شعوب
وتـــآمن بيــك و تتــــــوب عن خطاياها يا يسـوع
6- وحدك ولا حد سواك خلصنـا من الهـلاك
لا رئيس ولا أي ملاك لا إله غيرك يا يسوع
7- وحدك راعي الرعاة وحدك رب الحيــــاة
نســجد لك يا ابن الله نعبد اسمك يا يسوع

1- (لولا موت الصلب يا فادي لولا حبك وقت عنادي
عند صليبك صوت بينادي صوت يخلّي القلب يقول)٢

القرار- (أنت نوري)4 .. (أنت نوري وكل حياتي)2

2- (مين كان غيرك يمحي آثامي يحمل عاري وينهي آلامي
مين كان غيرك يشفي سقامي مين يخلّي القلب يقول)٢
3- (اتحملت الصلب بدالي كان الدم الثمن الغالي
طهّر قلبي وغيّر حالي خلّى صوت القلب يقول)2
4- (مهما أتكلم والقى معاني ويرددها بصوتي لساني
يعجز وصفي وكل كياني يرجع صوت القلب يقول)2

القرار- ترنيم ترنيم ترنيم ليسوع أعظم إله
ترنيم ترنيم ترنيم مجده بيملى الحياة
1- ملكوتك ماله حدود وطريق إبليس مسدود
بالمجد علينا يسود سلطانك يا ابن الله
2- إبليس مغلوب مغلوب إعلان واضح مكتوب
في الدم وفي المصلوب في يسوعنا بنتحداه
3- إيمان في يسوع بيزيد وكتاب مليان مواعيد
والوعد بنصره أكيد سلطان الوعد معاه
4- إيمان بيعيش في النور ويشوف إبليس مأسور
وجناحه كمان مكسور وهتاف بيهد حماه
5- بهتاف ينهد السور وإلهنا يمد جسور
والشعب صبح منصور و بيعلن مجد الله

القرار- أفرح بيك وأنشد ع العود إنت حبيب قلبي المعبود
سر وجودي وكل وجود سر كياني وكل كيان

1- أنغام الروح ع الأوتار أناشيد فيها بيعلى البار
في التسبيح سر الأسرار للأبرار بالإيمان
2- فرحان فرحي فرح بيزيد سامع جوه في قلبي نشيد
وكلام كله كلام تمجيد قلبي سعيد وأنا فرحان
3- فرح سماوي فيه سلطان قوة بتخرج بالإيمان
فرح يزيد حب الإنسان للإنسان بالغفران
4- سابح نغمي في روح الله روحي هيمانة في علاه الترانيم
فاضت بصلاة والصلوات فاضت ألحان

القرار- يلا نرنم ع المزمار ويا رباب بعشر أوتار
يلا نرنم للي اتألم عن خطايانا وهو البار

1- يلا نرنم أحلى نشيد للي دعانا لعهد جديد
عهد الفرح مع التمجيد علوا صليبه بافتخار
2- ملك المجد على الأبواب علوا الراية على الأعتاب
انسوا الحزن مع الأتعاب يلا نرنم بانتصار
3- نصر وعز وفرحة ونور زايد في القلب المسرور
فين يا أريحا اندفن السور قولي إلهنا إله جبار
4- عرش جلالك في السماوات ساكن بين التسبيحات
والأصوات بالترنيمات تعلن مجدك باستمرار

1- ( سايبين الدنيا وأتعابها .. سايبينها بمالها وبترابها ) 2
( لا إحنا منها ولا صحابها .. هايجينا اليوم ونسيبها ) 2
القرار- ( يا وطنا يا غالي علينا .. ده الصبر إشتاق في عينينا ) 2
( إمتى يا يسوع هاتجينا .. يا سمانا يا أحلى مدينة ) 2
2- ( سايبين الدنيا وأعيادها .. لا تفرح قلب ولا بإيدها ) 2
( نفرح ويا اللي فدانا .. والحزن هناك ينسانا ) 2
3- ( المركب أهيه معديانا .. الموجة إن عليت شايلانا ) 2
( والفرحة دي مش سايعانا .. ده عريسنا بيستنانا ) 2
4- ( في السما هانرنم فرحانين .. وعلى القيثارات كلنا عازفين ) 2
( وعلى العرش في وسطينا .. رب الأرباب وفادينا ) 2