للعالم جيت (10 ترنيمة )

1- (انت بتغفر وأنا بتمادى وأغرق جوه شروري زيادة
وإن قلت كفاية وبزيادة أرجع تاني أحن لضعفي)2

القرار- (أعمل إيه ... في اللي أنا فيه ... لما أوعد مش بأقدر أوفي؟
أنا ندمان ... أنا تعبان ... يا يسوع محتاج إيدك تشفي)2

2- (آه من أوجاعي وأحزاني بارجَع لك وأبعد من تاني
وعشان كده راحتي مخصماني والأفراح مابقتش في صفي)2

3- (مد عصاك يا يسوع أدبّني يمكن بالطريقة دي تجيبني
أنا عارفك تقدر تعاقبني بس انت بتقدر و بتعفي)2

1- (ثقتي فيك مالهاش حدود هاعدي بيك أعلى السدود )2
(ومهما زمن الصعب يسود هافضل أرنم زي داوود)2
القرار- واثق فيك أكتر من نفسي ياللي عمرك مابتنساني
مهما بيكتر همي ويأسي تعزياتك مالية كياني
2-(مش مستني صديق يواسيني الآلامات وياك ترضيني )2
(طبعة قدمك في البرية هامشي وراها وهاتوديني)2
3- (هدفي الواضح شخصك أنت أنا أحلامي عندك أنت )2
(أركع عندك أنسى العالم علشان ليَّ فكرك أنت)2

(في ناس طلو ع الدني وشافوا القمر شافوا الشمس وتمتعوا بكومة صور)2
عاشوا الحياة وجمعوا أيام وعند النهاية ما بقي منهم أثر
وفي ناس حبوا يغيروا حال الوجود وتعلقوا بأحلام ما إلها حدود
شالوا سدود وعمروا بدلها سدود لكن بقي من ذكرهم بس الخبر
وفي شخص شرف على الدني شئي كم سنة هز الوجود وغير دروب الدني
وداق الفقر كرمالنا وهو الغني وفوق الصليب أتألم وعنا صبر
(اسمه إله المجد يسوع الغني اللي بدمه غسل ذنوب البشر)2

1- تختفي الأحزان في قربك ... يتشفي القلب اللي حبك

القرار- لو هموم سايدة وزايدة ... والحلول مش جايبة فايدة
انت بتنجي وتنقذ يا معين
تتعفي الروح اللي ملكك ... من عقوبتها وديونها
الديون انت دافعها ... والحمول انت رافعها
والصلاة بتستمعها ... والنفوس بتشيل همومها


يا معين يا معين ارحم حبايبك ... يا يسوع إظهر عجايبك
خلي كل الدنيا تعرف أنت مين

2- مين يارب ياخدنا منك؟ ... ولا مين يفصلنا عنك؟
ياللي شارينا بدمك ... ياللي حاططنا في عيونك
وبعينك انت حارسنا ... راعي وبتحرس نفوسنا
صون بيوتنا وكنائسنا ... مش هانتطمِّن بدونك

3- يتمحي ويخلص مرارنا ... يمشي ليلنا يعود نهارنا
طول ما فوق عتبة ديارنا ... دمك المرشوش علامة
بالعلامة دي خلاصنا ... بالصليب رفعت راسنا
وإن أسود جات تفترسنا ... الصليب هايكون حمانا

1- أنتِ اللي قلبي حبها وكنت بعشق قربها وكنت فاكر مستحيل أبعد ثواني عنها
أنتِ اللي ياما ملتلك أنتِ اللي ياما قلت لك بعشقك أنا بعبدك وأنتِ حياتي كلها
القرار- (أنا عنك استغنيت ولحد تاني هاويت على عشرتك ندمان مابقاش في قلبي مكان)2
(تعيشي فيه)2 يا خطيتي
2- ده يسوع ملكني وشدني ده اللي بصحيح بيحبني ومحبته لأخرها ويل ولا تعاسة تهدني
وإن مرة قلبي حنلك هابعد وأسيبك وأهملك لحد ما ف يوم هأقتلك ولغير يسوع مش هانحني

اللي اتولدوا قبلنا واللي عاشوا عمرنا
واللي هايجوا بعدنا يمكن يكونوا زينا
مش مهم أيه جنسنا أو حتى لون جسمنا
أو أيه فصيلة دمنا أو كم حصيلة شغلنا المهم فين قلبنا
تيجوا نفتح قلبنا يا ترى بنحب بعضنا
زي ما حبنا ربنا ده كلام لينا كلنا
لأخويا وأختنا لأبويا وأمنا وكمان لي
أنا تيجوا نقبل ضعفنا والرب يضمنا

1- كسرت قيودي وحليتها ومشاكلي بإيدك حليتها
ومرارة عمري حليتها يا يسوع بوجودك
روحي لبر أمان عديتها ياللي مراحمك لو عديتها
أبداً ما أوصلش لنهايتها يا غامرني بجودك

القرار- (طول الأيام توهبني سلام وف حضنك أنام وأنا مطمن
راسي مرفوع ده إلهي يسوع الطيب أبو قلب حنين)2

2- حبيتني محبة أبدية وأدمت الرحمة كمان ليَّ
روح قدسك بقى ساكن فيَّ ياللي بترعاني
من كل مخاوفي نجيتني وأما أنده ليك ألاقيك جيتني
لو أمي سابتني ونسيتني ولا يوم تنساني

1 - (من حبك للعالم جيت ... مت عشانا يارب بقيت)2
شايل عارنا دُقت مرارنا ... رَجعت نهارنا وخليت
أحزاننا تهرب وتدوب

القرار- (عايش أنا في العالم أيوه ... والعالم مش عايش فيَّ
قلبي اتعلق بالمصلوب
وباحِب العايشين في العالم ... لكن باكره كل خطية
لا متع تغريني ولا ذنوب)2

2 - (ما باحبش عالم هايزول ... وطني السماء وتملّي باقول)2
لو حبيت العالم هاشقىَ ... هابقى عدو الله معقول
ده أبويا الغالي المحبوب
3- (عالم فاني وكله حروب ... واللي يحبه يعيش مغلوب)2
و قلوب التائبين بتسيبه ... وتروح للي جعلها تتوب
تشبع بكلامه المكتوب

1- (بتدور على الحياة تعال للمسيح تتعرف على الإله تتعلم التسبيح)2
القرار- (متأخرش قرارك متخليش أفكارك تاخدك بعيد بعيد عن الحياة)2
2- (الطفل في مهده بيبكي والشاب في جهله بيبعد الكهل في عجزه بيشكي والكل محتاج يسعد)2
3- (بتدور على الحياة تعال للمسيح مين غيره سواه الحق فيه صريح)2
4- (العمر بينا بيجري والشمس يوم هاتغيب العالم مهما بيغري كل اللي فيه هانسيب)2

القرار- ها صلاتي يا أهلي وأحبابي أن تجدوا خلاصًا في إلهي
فتعالوا إلى ذاك الفاديمن خلص نفسي وفداني
1- إليكم أعلن أحبابي.. أنا أحيا الآن في ضمان
(فيا أبي ويا أمي وإخواني.. قد مات يسوع وفداني)2
قد مات يسوع وفداني
2- أسامح سوء الكلماتِ.. وأغفر كل الإهاناتِ
(مثلما غُفرت زلاتي.. وسامحني يسوع أنا الخاطي)2
وسامحني يسوع أنا الخاطي
3- لا تبكي يا أمي من أجلي.. أنا لم أنساك ولا أهلي
(بل أتبع من ترك لأجلي.. المجد ومات هنا بدلي)2
ومــــــــات هنا بدلي
4- لم أنكر أصلي أو فصلي.. ولست بخائن يا بلدي
(بل أسعى إلى وطنٍأبدي.. هو أبقى من كل الأرض)2
هو أبقى من كل الأرض